បាត់ដំបង៖ កាលពីថ្ងៃម្សិលមិញនេះ មានការភ្ញាក់ផ្អើលមួយទៅលើករណីសិស្សសាលាវិទ្យាល័យថ្មគោលខេត្តបាត់ដំបង ដួលសន្លប់ជិត ១០០នាក់មិនដឹងមូលហើយ តែបើតាមការអះអាងពីសំណាក់ម្ចាស់គណនីហ្វេសប៊ុកឈ្មោះ Natiya Äek Kä បានឳ្យដឹងថា មុនកើតមានករណីនេះ គឺមានជនជាតិចិនបានចុះទៅសុំនាយកសាលាមកពិនិត្យសុខភាពសិស្ស ដោយសិស្សខ្លះត្រូវជួសឈាន ចាក់ថ្នាំ និងពិនិត្យចង្វាក់បេះដូង ហើយក្រោយមក ៥ថ្ងៃ ក៏មានករណីភ្ញាក់ផ្អើលនេះកើតឡើងតែម្ដង ។
ម្ចាស់គណនីហ្វេសប៊ុកខាងលើបានសរសេរយ៉ាងដូច្នេះថា «គួរឳ្យអាណិតណាស់សន្លប់ជិត១០០នាក់ មិនគួរណាមានរឿនអ៊ីចឹងកេីតឡើងទេ គឺនៅស្រុកខ្ញុំតែម្តងគឺវិទ្យាល័យថ្មគោលខេត្តបាត់ដំបង ប៉ុន្មានប្រហែលជា៥ថ្ងៃមុន ជនជាតិចិនបានចុះទៅសុំនាយកសាលាមកពិនិត្យសុខភាពសិស្ស សិស្សខ្លះត្រូវជួសឈាម សិស្សខ្លះត្រូវចាក់ថ្នាំ និងពិនិត្យចង្វាក់បេះដូង សិស្សខ្លះទៀតមិនព្រមឳ្យពិនិត្យ ឬចាក់ថ្នាំទេ ក្នងចំណោមសិស្សនោះមាន ប្អូនប្រុសខ្ញុំបង្កេីតត្រូវបានជនជាតិចិននោះសុំចាក់ថ្នាំ និងជួសឈាម តែត្រូវបានប្អូនខ្ញុំមិនឳ្យជួស ឬចាក់ទេ ឳ្យ តែពិនិត្យចង្វាក់បេះដូងទេ ក្រោយរយៈពេល៥ថ្ងៃមក សិស្សដែរត្រូវបានចាក់និងជួស គឺសន្លប់ទាំងអស់ ភាគច្រេីនគឺជាមនុស្សស្រីដែរសន្លប់ច្រេីនជាងមនុស្សប្រុស សូមពូមីង បងប្រុសស្រីប្រយត្ន័ចំពោះកូននៅសាលារៀនឳ្យមានការប្រុងប្រយ័ត្ន…តែចាំការបកស្រាយពីមន្រទីពេទ្យថា ប្អូនប្រុសស្រីដែរដួលសន្លប់បណ្តាលមកពីអ្វីឳ្យប្រកដ» ។
សូមបញ្ជាក់ថា ទាំងនេះគឺគ្រាន់តែជាការលើកឡើងរបស់ម្ចាស់គណនីហ្វេសប៊ុកខាងលើប៉ុណ្ណោះ ហើយមូលហេតុពិតយ៉ាងណានោះ នៅមិនទាន់ដឹងឡើយ សូមរង់ចាំអានព័ត៌មានលម្អិតទាំងអស់គ្នា ក្រុមការងារយើងខ្ញុំនឹងចុះផ្សាយបន្តទៀត ៕
សហការី KBN
ប្រភព៖ FB
