ភ្នំពេញ ៖ បន្ទាប់ពីធ្វើកោសល្យវិច្ច័យ លទ្ធផលប្រឡងបាក់ឌុប ត្រូវបានក្រសួងអប់រំ យុវជន និងកីឡា ប្រកាសឡើងវិញហើយ ដោយចំនួនអ្នកជាប់កើនឡើងច្រើនជាងមុន ។ លទ្ធផលថ្មីនេះបង្ហាញថា អ្នកជាប់និទ្ទេស A បានកើនដល់៤០៨នាក់ ខណៈដែលប្រកាសនៅថ្ងៃទី៩ កញ្ញា និទ្ទេស A មានចំនួន២៩០នាក់ ។
តាមសេចក្តីប្រកាសរបស់ក្រសួងអប់រំ នៅយប់ថ្ងៃទី១៣ ខែកញ្ញា ឆ្នាំ២០១៨នេះ បានបញ្ជាក់យ៉ាងដូច្នេះថា «ដំណើរការបូកសរុបស្រង់ពិន្ទុតាមប្រព័ន្ធកុំព្យូទ័រ មានបញ្ហាបច្ចេកទេស ដែលបានប៉ះពាល់ដល់ពិន្ទុវិញ្ញាសារ គណិតវិទ្យារបស់ថ្នាក់វិទ្យាសាស្ត្រ ក្នុងមណ្ឌលមួយចំនួន ដោយសារតែកម្មវិធីកុំព្យូទ័រមិនបានបូកស្រង់ពិន្ទុមុខវិជ្ជាគណិតវិទ្យា របស់បេក្ខជនចំនួន៧៤០បន្ទប់» ។
សូមរម្លឹកថា យោងតាមសេចក្តីប្រកាសព័ត៌មានរបស់ក្រសួងអប់រំយុវជន និងកីឡា នៅថ្ងៃទី៩ ខែកញ្ញា ឆ្នាំ២០១៨ បានឲ្យដឹងថា អ្នកជាប់៧៥,០៥៩នាក់ ស្មើនឹងជាង៦៦.២១% ក្នុងចំណោមបេក្ខជន មកប្រឡងជាង១១ម៉ឺននាក់ ។ បេក្ខជនជាប់និទ្ទេស A ចំនួន២៩០នាក់ , B ចំនួន១,៥៣២ នាក់, C ចំនួន៤,៦៣១ នាក់, D ចំនួន១៣,៩៩៩ នាក់, និង E ចំនួន៥៤,៦០៧ នាក់ ។
សរុបមកលទ្ធផលលើកមុន បេក្ខជនជាប់មានចំនួន៧៥,០៥៩នាក់ ប្រកាសថ្មី បេក្ខជនជាប់ ៧៦,០៣៤នាក់ ពោលគឺកើនឡើង
សូមបញ្ជាក់ថា ការប្រឡងបាក់ឌុប កាលពីថ្ងៃទី២១-២១ សីហា មានមណ្ឌលប្រឡង នៅគ្រប់រាជធានី-ខេត្ត សរុប១៩៦មណ្ឌល , បន្ទប់៤៦៥៥បន្ទប់ និងបេក្ខជនចុះឈ្មោះ ក្នុងបញ្ជីសរុប ១១៥ ២៦៨នាក់ ដែលក្នុងនោះ ៩០១២០នាក់ ជាបេក្ខជនចំណេះទូទៅ , ១៧ ០៣១នាក់ ជាបេក្ខជនស្វ័យរិន , ៤៤២៥នាក់ ជាបេក្ខជនបំពេញវិជ្ជា និង៣ ៦៩២នាក់ ជាបេក្ខជនស្វ័យរិន បំពេញវិជ្ជា។ បេក្ខជនអវត្តមានចំនួន ១៩០៣នាក់។
ខាងក្រោមនេះជាសេចក្តីប្រកាសរបស់ក្រសួងអប់រំ យុវជន និងកីឡា ៖
