មនុស្សជាច្រើន ដែលចាប់ផ្ដើមអាជីវកម្មផ្ទាល់ខ្លួន មានហាងកាហ្វេជាដើម មិនគិតដល់អំពីការលំបាកដែលពួកគេជួបនឹងប្រទះនោះទេ ពោលគឺមានចំណុចជាច្រើនដែលអ្នកត្រូវដោះស្រាយមុននឹងបើកហាង ។
ពាក់ព័ន្ធនឹងបញ្ហាខាងលើនេះ បើតាមគណនីហ្វេសប៊ុកមួយ ដែលមានឈ្មោះថា Mey Siv ទំនងជាម្ចាស់អាជីវកម្ម ហាងកាហ្វេមួយ បានសរសេរសារ អមដោយរូបភាពមួយសន្លឹក បង្ហោះនៅម៉ោង១២ថ្ងៃទី៩ ខែកញ្ញា ឆ្នាំ២០១៨នេះ ឱ្យដឹងថា «ចង់សុំយោបល់ ម្នាក់មួយម៉ាត់មក ពួកគាត់ជាភ្ញៀវ (តើភ្ញៀវស្មើនឹងស្តេចមែនទេ?) តែពួកគាត់មកអង្គុយ ផឹកកាហេ្វរាល់ថ្ងៃ ហើយប្រើកំព្យូទ័រ សាកថ្ម មិនតែប៉ុណ្ណោះ គាត់យកម៉ាស៊ីនព្រីន (print) មក print រាល់ថ្ងៃតែម្តង ព្រោះកុំព្យូទ័រ និងទូរសព្ទ័ សាកថ្ម ខាងខ្ញុំមិនដែលហាមឃាត់ទេ ប៉ុន្តែមិនដឹងគាត់គិតម៉េច គាត់មក print រាល់ថ្ងៃចឹង ? ក្នុងមួយថ្ងៃយ៉ាងតិច ៣ម៉ោង សំខាន់យក(រ៉ូឡូ)ដុំខ្សែភ្លើង មកទៀត» ។
បន្ថែមលើនេះ គណនីហ្វេសប៊ុកដដែល បានបញ្ជាក់ថា «ខាងខ្ញុំហួសពីទូលាយទៀត គាត់ទើបតែមកជាង១ខែ និងរាល់ថ្ងៃ ឈប់តែម៉ោងបាយថ្ងៃទេ ហើយពួកគាត់មកវិញ» ។
ទោះជាយ៉ាងណា គណនីហ្វេសប៊ុកខាងលើ មិនបានបង្ហាញអត្តសញ្ញាណអតិថិជន ក៏ដូចជាទីតាំងហាងកាហ្វេ នៅឡើយទេ ។
ប្រសិនបើជាលោកអ្នកវិញ ដែលជាម្ចាស់ហាងកាហ្វេ តើអ្នកនឹងគិតយ៉ាងណា ?