ហ្វីន អតីតបេក្ខជនក្នុងកម្មវិធីចម្រៀងរ៉េបនិងជាដៃគូប្រកួតដ៏ល្អរបស់ Jay X បានចេញវីដេអូមួយបង្ហាញថានៅពេលរូបគេធ្វើវីដេអូត្រឹមត្រូវពុំសូវមានអ្នកទស្សនានោះទេផ្ទុយទៅវិញនៅពេលធ្វើវីដេអូឆ្កួតៗបែរជាមានអ្នកទស្សនាច្រើននិងចាប់ផ្តើមមានមតិរិះគន់ថាគេសតិអារម្មណ៍។ ហ្វីន លើកឡើងទៀតថាកាលណាវីដេអូឆ្កួតៗផ្ទុះមនុស្សនឹងខិតខំធ្វើឆ្កួតតទៅទៀតដើម្បីឱ្យវីដេអូនោះផ្ទុះតទៅទៀត។
បន្ទាប់ពីបញ្ចប់ការប្រកួតកាលពីដើមខែឧសភា ហ្វីន ដែលជាបេក្ខជនលេចធ្លោមួយរូបនិងទទួលបានពានរង្វាន់ «Rising AWARD » បានបង្ហើបពីដំរួយនៃការចេញបទថ្មីរបស់ខ្លួន។ យ៉ាងណាមិញ អ្វីដែលធ្វើឱ្យមានការចាប់អារម្មណ៍គឺ ហ្វីន បានចេញវីដេអូមួយដែលលើកឡើងថានៅពេលរូបគេបង្ហោះវីដេអូត្រឹមត្រូវមិនសូវទទួលបានការចាប់អារម្មណ៍តែបើធ្វើអ្វីផ្សេងខុសធម្មតាបែរជាមានការចាប់អារម្មណ៍ច្រើនទៅវិញថែមទាំងមានមតិមករិះគន់ទៀត។.png)
នៅយប់ថ្ងៃទី១៦ ខែកក្កដា ហ្វីន បានចេញវីដេអូមួយដោយដាក់ចំណងជើងថា «ខំធ្វើឱ្យគេសើចគេសប្បាយតែគេថាយើងផ្លូវចិត្តមិនល្អ»។ ហ្វីន បាននិយាយថា នៅពេលរូបគេបង្ហោះវីដេអូត្រឹមត្រូវពុំសូវផ្ទុះនោះទេ ប៉ុន្តែនៅពេលគេបង្ហោះវីដេអូឆ្កួតៗគឺផ្ទុះយកតែម្តង ហើយបើផ្ទុះដូច្នេះមនុស្សមិនខំធ្វើឆ្កួតដើម្បីឱ្យវីដេអូនោះផ្ទុះទៀត។ អ្នកចម្រៀងរ៉េបថ្មីថ្មោងរូបនេះបន្តទៀតថា នៅពេលរូបគេធ្វើអ្វីប្លែកៗក៏មានមតិថាគេសតិអារម្មណ៍តែឯងៗ។
ពាក្យសម្តីរបស់ ហ្វីន ទោះបីជាលាយនឹងពាក្យពេចន៍មួយចំនួនបែបកំប្លែងៗប៉ុន្តែក៏ស្តែងឱ្យឃើញថាទម្លាប់របស់អ្នកមួយចំនួនគឺចូលចិត្តបែបនេះដែលធ្វើឱ្យមាតិកាមិនសមរម្យខ្លះមានការកើនឡើងច្រើនជាងមាតិកាអប់រំ។
គួរឱ្យដឹងថា ហ្វីន មានឈ្មោះពិតថា សុធា ហ្វីឡាណា។ នៅក្នុងការប្រកួត ហ្វីន បានធ្វើឱ្យមានការចាប់អារម្មណ៍ច្រើនតាមរយៈបទ «កវីលេងពាក្យ» និងមានទំនាក់ទំនងល្អជាមួយនឹង Jay X ៕
