ឃើញ ឡូរីន ថតឈុតប្រពៃណីនៅមានមតិរិះគ.ន់ ណា សាឌី នឹកឃើញដល់រឿងខ្លួនឯង

សកម្មភាពរបស់ ឡូរីន ថតរូបឈុតប្រពៃណីនៅឯប្រាសាទអង្គរវត្តបានបង្កឱ្យមានមតិមួយចំនួនវែកញែកថាមិនសមទំនង។ ទោះយ៉ាងណាមានមតិខ្លះបានបកស្រាយថាការថតរូបបែបនេះគឺទៅតាមស្រ្តីខ្មែរជំនាន់មុនប៉ុណ្ណោះ។ ឃើញ ឡូរីន រងនូវមតិរិះគន់មិនឈប់ឈរ ណា សាឌី ស្រាប់តែនឹកឃើញដល់រឿងខ្លួនឯងបន្ទាប់ពីកែសម្ផស្សរួចហើយបង្ហោះរូបញឹកញាប់ក៏គេទើស។

នៅល្ងាចថ្ងៃទី១៧ ខែកក្កដា ពិធីការិនី ណា សាឌី បានបង្ហោះសំណេរយ៉ាងវែងមួយបន្ទាប់ពីឃើញស្រីស្អាត ឡូរី រងនូវការរិះគន់ ដែលធ្វើឱ្យនឹកឃើញដល់រឿងខ្លួនឯងកាលកន្លងមកថ្មីៗនេះត្រូវបានគេទើសបន្ទាប់ពីកែច្រមុះហើយបង្ហោះរូបច្រើនពេកទាំងនោះជាការងាររបស់នាង។ សាឌី ថាស្រលាញ់ខ្លួនពេកគេថាជោរដល់ពេលនាងសួរនាំថាមនុស្សមហាជនគេចង់រិះគន់។ ពិធីការិនីរូបនេះបានរក្សាភាពអត់ធ្មត់ដោយក្រុមការងារជំរុញកុំឱ្យតបត ហើយអ្នកដែលស៊ែរជាន់នាងពេលនេះចរិតនៅតែដដែល។

ពិធីការិនី ណា សាឌី ថាមុននឹងទើសគេ ជេរគេទៅមើលដើមហេតុសិនណាកុំចេះតែទើសពេលគេស្អាត គេល្អ គេជោគជ័យ ជាស្រីដូចគ្នាហេតុអ្វីត្រូវតែប៉ែងជើងគ្នា ពេលឃើញគេធ្វើរឿងនេះរឿងនោះបាន។ សាឌី ថារៀបបើកចិត្ត រៀនអបអរទទួលយកអ្វីដែលគេបង្ហាញទៅព្រោះយើងពិតជាមិនដឹងថាក្នុងជីវិតរបស់មនុស្សម្នាក់ៗគេជួបរឿងអ្វីខ្លះទេឈប់ជាន់ស្រីដូចគ្នាទៅ។

គួរបញ្ជាក់ផងដែរ ណា សាឌី បានចំណាយលុយរាប់ម៉ឺនដុល្លារក្នុងការកែកុនសម្រស់ដើម្បីឱ្យកាន់តែមានស្រស់ស្អាតនិងមានភាពជឿជាក់ជាងមុន។ កូនកាត់រូបនេះក៏បានផ្តល់បទសម្ភាសដែរថានៅពេលនាងមានសម្រស់កាន់តែស្អាតវាក៏អាចរកចំណូលបានច្រើនជាងមុន។ ជាក់ស្តែងបន្ទាប់ពីមានទំនុកចិត្តលើខ្លួនឯងគេបានឃើញ ណា សាឌី បានផ្សព្វផ្សាយផលិតផលជាច្រើន៕