សោកស្តាយ! ចំណងស្នេហ៍៤ឆ្នាំរបស់ IU និង Lee Jong Suk ឈានដល់ផ្លូវបំបែកហើយ

ចំណងស្នេហាដែលទទួលបាននូរការគាំទ្រយ៉ាងច្រើនពីទស្សនិកជនរវាង IU និង Lee Jong Suk ត្រូវបានបញ្ជាក់ថាពួកគេទាំងពីរនាក់សម្រេចចិត្តបញ្ចប់ទំនាក់ទំនងហើយ។ ដំណឹងនេះបានធ្វើឱ្យអ្នកគាំទ្រទាំងជាតិនិងអន្តរជាតិបង្ហាញការសោកស្តាយយ៉ាងខ្លាំង។

នៅថ្ងៃទី១០ ខែកក្កដា ឆ្នាំ២០២៦ សារព័ត៌មាន Dispatch បានរាយការណ៍ថា អ្នកតំណាងរបស់ IU និង Lee Jong Suk បានបញ្ជាក់ថាអ្នកទាំងពីរបានបែកបាក់គ្នាបន្ទាប់ពីទាក់ទងគ្នាអស់រយៈពេល ៤ ឆ្នាំ។ ទោះបីជាលែងមានទំនាក់ទំនងស្នេហាជាមួយគ្នាទៀតក៏ដោយ ក៏ពួកគេនៅតែរក្សាទំនាក់ទំនងជិតស្និទ្ធរវាងសិស្សច្បង និងសិស្សប្អូន។ មូលហេតុនៃការបែកបាក់នេះគឺដោយសារតែកាលវិភាគដ៏មមាញឹករបស់ពួកគេ ដែលធ្វើឱ្យវាពិបាកក្នុងការរក្សាទំនាក់ទំនង។

ដំណឹងនៃការបែកបាក់គ្នារបស់ IU និង Lee Jong Suk បានធ្វើឱ្យមានការភ្ញាក់ផ្អើលយ៉ាងខ្លាំងទូទាំងឧស្សាហកម្មកម្សាន្តអាស៊ី។ នៅលើបណ្ដាញសង្គម អ្នកគាំទ្រកំពុងបង្ហាញការសោកស្ដាយចំពោះទំនាក់ទំនងដ៏ស្រស់ស្អាតដែលមានរយៈពេលជាច្រើនឆ្នាំរវាងតារាល្បីទាំងពីរ។ កន្លងមកក៏មានព័ត៌មានចចាមអារ៉ាមថាអ្នកទាំងពីរបានបែកគ្នាផងដែរ។ កាលពីខែមេសា បណ្ដាញសង្គម Weibo បានផ្សព្វផ្សាយព័ត៌មានថា IU និង Lee Jong Suk បានបែកគ្នាដោយស្ងាត់ៗ បន្ទាប់ពីទាក់ទងគ្នាបានបួនឆ្នាំ។ ប្រព័ន្ធផ្សព្វផ្សាយចិនបានរាយការណ៍ថា មាននរណាម្នាក់ដែលស្និទ្ធស្នាលនឹងសិល្បករទាំងពីររូបនេះ បានបញ្ជាក់ពីការបែកបាក់នេះ។

IU និង Lee Jong Suk បានប្រកាសជាសាធារណៈអំពីទំនាក់ទំនងរបស់ពួកគេនៅថ្ងៃទី ៣១ខែធ្នូ ឆ្នាំ ២០២២ បន្ទាប់ពីទីភ្នាក់ងារសារព័ត៌មាន Dispatch បានចេញផ្សាយភស្តុតាងថាអ្នកទាំងពីរបានទៅវិស្សមកាលជាមួយគ្នាក្នុងអំឡុងពេលថ្ងៃឈប់សម្រាកបុណ្យណូអែល។ មុនពេលមានទំនាក់ទំនងស្នេហារបស់ពួកគេ IU និង Lee Jong Suk បានរក្សាមិត្តភាពជិតស្និទ្ធអស់រយៈពេលជាង ១០ឆ្នាំ។

បន្ទាប់ពីបង្ហាញទំនាក់ទំនងរបស់ពួកគេជាសាធារណៈ ទោះបីជា Lee Jong Suk និង IU មិនបានបង្ហាញខ្លួនជាមួយគ្នាក៏ដោយ ពួកគេតែងតែសរសើរគ្នាទៅវិញទៅមកនៅក្នុងបទសម្ភាសន៍។ Lee Jong Suk ក៏តែងតែប្រើរបស់របរដែលទាក់ទងនឹងមិត្តស្រីរបស់លោកដែលធ្វើឱ្យអ្នកគាំទ្រមានភាពកក់ក្តៅ។ ទោះយ៉ាងណា ស្នេហា៤ឆ្នាំរបស់អ្នកទាំងពីរក៏បានឈានដល់ផ្លូវបំបែកដែលធ្វើឱ្យអ្នកគាំទ្រសោកស្តាយយ៉ាងខ្លាំង៕