ថ្មីៗនេះ កងទ័ពរំដោះប្រជាជនចិន បានបញ្ចេញវីដេអូការបាញ់តេស្តសាកល្បងមីសុីល DF-17 ជាលើកដំបូង ស្របពេលមានភាពតានតឹងជាមួយតៃវ៉ាន់។
DF-17 គឺជាប្រព័ន្ធមីស៊ីលផ្លោងកម្រិតមធ្យម (MRBM) បំពាក់ក្បាលគ្រាប់រំកិលល្បឿនលឿនជាងសំឡេង អាចហោះហើរបានក្នុងល្បឿនលឿនចាប់ពី ៥ ទៅ ១០ ដងនៃល្បឿនសំឡេង។
មីសុីលនេះ អាចហោះបានក្នុងចន្លោះពី ១,៨០០ គីឡូម៉ែត្រ ទៅ ២,៥០០ គីឡូម៉ែត្រ និងអាចបំពាក់ក្បាលគ្រាប់នុយក្លេអ៊ែរចំនួន១ផងដែរ។
ចំណុចពិសេសរបស់ DF-17 គឺវាអាចផ្លាស់ប្តូរទិសដៅ និងធ្វើចលនាគេចប្រព័ន្ធរ៉ាដា ឬខែលការពារមីស៊ីលបានយ៉ាងងាយ។
សូមរំលឹកថា មីសុីល DF-17 ត្រូវបានកងទ័ពរំដោះប្រជាជនចិន ដាក់បង្ហាញជាលើកដំបូងនៅឆ្នាំ២០១៩ អំឡុងពេលក្បួនព្យុះហយាត្រានៃទិវាជ័យជំនះ។ លុះដល់ឆ្នាំ២០២០ មីសុីលនេះ ក៏ត្រូវបានដាក់ឱ្យប្រើប្រាស់ជាផ្លូវការ។
