ថ្វីបើកំពុងការពារទឹកដី ពីការឈ្លានពានពីអាមេរិក និងអុីស្រាអែលយ៉ាងក្តី ប្រទេសអុីរ៉ង់ហាក់មិនចុះញ៉ម ដោយថែមទាំងប្រកាសការពារកោះ Greenland ជំនួសប្រទេសដាណឺម៉ាកថែមទៀត។
យោងតាម មេបញ្ជាការនគរបាលអ៊ីរ៉ង់ លោក អាម៉ាដ្រហ្សា រ៉ាដាន (Ahmadreza Radan) បានលើកឡើងថា៖” អុីរ៉ង់ នឹងចូលការពារកោះ Greenland ប្រសិនបើសហភាពអឺរ៉ុបមិនមានលទ្ធភាពទប់ទល់នឹងការគំរាមកំហែងរបស់លោក ដូណាល់ ត្រាំ “។
សហរដ្ឋអាមេរិក និងសហភាពអឺរ៉ុប ហាក់មានភាពតានតឹងដាក់គ្នា ក៏ព្រោះតែលោកដូណាល់ ត្រាំ បានបង្ខំឱ្យអឺរ៉ុបចូលរួមក្នុងប្រតិបត្តិការយោធានៅច្រកសមុទ្រ ហ័រមូស (Hormuz) ប្រឆាំងនឹងអ៊ីរ៉ង់ ប៉ុន្តែត្រូវអឺរ៉ុបបដិសេធ។
.png)
លោក ត្រាំ បានបង្ហាញមហិច្ឆតា ចង់យកទឹកដី Greenland ដែលជាកោះស្វយ័តរបស់ដាណាម៉ាក ចូលជាទឹកដីអាមេរិក ដោយគំរាមប្រើកម្លាំងយោធាផងដែរ។
គួរបញ្ជាក់ថា សហរដ្ឋអាមេរិកបានបង្ហាញចំណាប់អារម្មណ៍ទិញកោះហ្គ្រីនឡែន (Greenland) ពីដាណឺម៉ាកជាច្រើនលើក ចាប់តាំងពីឆ្នាំ ១៨៦៧ មកម្ល៉េះ ដោយសារទីតាំងយុទ្ធសាស្ត្រនៅតំបន់អាក់ទិក និងធនធានរ៉ែដ៏សំបូរបែប៕
