ប្រេសុីល បង្ហាញចំណាប់អារម្មណ៍ចង់ចូលជាសមាជិកអាស៊ាន

ប្រេស៊ីល ដែជាប្រទេសធំបំផុតនៅទ្វីបអាមេរិកខាងត្បូង និងធំជាងគេទីប្រាំនៅលើពិភពលោក បានបង្ហាញការចំណាប់អារម្មណ៍ចង់ចូលជាសមាជិកប្រជាជាតិអាសុីអាគ្នេយ៍។

ប្រធានាធិបតីប្រេស៊ីលលោក Lula da Silva បានប្រកាសពីគោលបំណងនេះ កាលពីចុងខែតុលា ឆ្នាំ២០២៥ ដោយលើកឡើងពីសក្តានុពលរបស់អាស៊ាន សម្រាប់ទំនាក់ទំនងពាណិជ្ជកម្ម និងនយោបាយ។

លោក Lula បានលើកឡើងថា៖” សេដ្ឋកិច្ចបប្រេសុីលកំពុងតែងើបមកល្អឡើងវិញជាបណ្តើៗ ហេតុដូច្នេះការចូលជាសមាជិកអាស៊ាន នឹងអាចទាក់ទាញការវិនិយោគបន្ថែមទៅកាន់ប្រទេសប្រេស៊ីល”។

ប្រេស៊ីល ជាប្រទេសទ្វីបអាមេរិកខាងត្បូងដំបូងគេបំផុត ដែលមានទំនាក់ទំនងយូរអង្វែងជាមួយអាស៊ាន ដោយបានចុះហត្ថលេខាលើសន្ធិសញ្ញាមិត្តភាព និងកិច្ចសហប្រតិបត្តិការនៅអាស៊ីអាគ្នេយ៍ក្នុងឆ្នាំ២០១១។

បន្ថែមពីនេះ អាស៊ាន និងប្រេសុីល ក៏បានចុះហត្ថលេខាលើកិច្ចព្រមព្រៀងជាច្រើនក្នុងវិស័យផ្សេងៗ ដើម្បីជុំរុញការអភិវឌ្ឍន៍ជាច្រើនផ្សេងទៀតផងដែរ៕