Zhao Lusi នៅតែគេចមិនផុតត្រូវគេអូសចូលក្នុងការដ្រាម៉ាជុំវិញរឿងអាស្រូ.វលួ.ចច.ម្លង

បន្ទាប់ពីលុបគណនី Weibo ដែលរមានអ្នកតាមដានជាង ៣១លាននាក់ មនុស្សជាច្រើនជឿថាទីបំផុត Zhao Lusi នឹងគេចផុតពីភាពអវិជ្ជមានដែលមិនចាំបាច់ និងការដ្រាម៉ាទាំងឡាយ។ ទោះបីជាយ៉ាងណាក៏ដោយ ភាពចម្រូងចម្រាសថ្មីមួយបានលេចចេញជារូបរាង ដែលទាញនាងឱ្យត្រឡប់ទៅរកការចាប់អារម្មណ៍។

ថ្មីៗនេះតារាសម្តែង Li Yitong ត្រូវបានចោទប្រកាន់ពីបទចម្លងស្ទីលម៉ូតសម្លៀកបំពាក់របស់ Zhao Lusi ។ ត្រឹមតែរយៈពេល៨ថ្ងៃនៃការថតរឿង Li Yitong ត្រូវបានគេឃើញស្លៀកសំលៀកបំពាក់ចំនួន៦ ដែលស្ទើរតែដូចគ្នាទៅនឹងអ្វីដែល Zhao Lusi ធ្លាប់បានតុបតែងខ្លួនពីមុនមក។ដំបូងឡើយ អ្នកនិយមលេងអ៊ីនធឺណិតបានរិះគន់អ្នករចនាម៉ូតរបស់ក្រុមការងារចំពោះការខ្វះការច្នៃប្រឌិត និង លួចចម្លង ស្ទាយ៍របស់ Zhao Lusi ។ ប៉ុន្តែមិនយូរប៉ុន្មាន មតិសាធារណៈបានធ្វើឱ្យមានការភ្ញាក់ផ្អើល។ ការពិភាក្សាតាមអ៊ីនធឺណិតបានចាប់ផ្តើមចោទប្រកាន់ Zhao Lusi ពីការបំផ្លើសស្ថានភាពដើម្បី «ទម្លាក់» ដាក់អ្នកផ្សេងដោយចោទនាងថាជា «ឧបាយកល» និង «ស្វែងរកការយកចិត្តទុកដាក់» ។

Zhao Lusi ក៏រងការវាយប្រហារផងដែរ ពីបទចម្លងនិន្នាការម៉ូតកូរ៉េ ពីសម្លៀកបំពាក់ និងការតុបតែងខ្លួន ទៅជាម៉ូតសក់របស់នាង ដោយមានអ្នករិះគន់ចំអកឱ្យនាងថា «យកតម្រាប់តាមអ្នកដទៃ ខណៈពេលដែលចោទប្រកាន់អ្នកផ្សេងថាចម្លង»។ រឿងរ៉ាវកាន់តែកើនឡើង នៅពេលដែលក្រុមអ្នកគាំទ្រ Li Yitong មួយក្រុមតូច បានចំអកពីបញ្ហាសុខភាពកាលពីអតីតកាលរបស់ Zhao Lusi ដែលបណ្តាលឱ្យមានការខឹងសម្បារយ៉ាងទូលំទូលាយពីអ្នកនិយមលេងអ៊ីនធឺណិត។ សង្រ្គាមអ្នកគាំទ្ររវាង fandoms ទាំងពីរបានផ្ទុះឡើងយ៉ាងឆាប់រហ័ស បើទោះបីជាអ្នកគាំទ្រដ៏មានឥទ្ធិពលរបស់ Zhao Lusi ដែលត្រូវបានគេស្គាល់ដោយសារការរួបរួមរបស់ពួកគេ បានការពារ idol របស់ពួកគេយ៉ាងខ្លាំងក្លា និងធ្វើឱ្យមាននិន្នាការលើអ៊ីនធឺណិត។

បច្ចុប្បន្ននេះ ទ្រឹស្ដីធំៗចំនួនពីរកំពុងផ្សព្វផ្សាយនៅលើប្រព័ន្ធផ្សព្វផ្សាយសង្គមរបស់ចិន។ ការអះអាងដំបូងថា Li Yitong ដែលជារឿយៗហៅថាតារាសម្ដែងស្រីម្នាក់ក្នុងចំណោមតារាសម្ដែងចិនមិនពេញនិយមអាចនឹងបង្ករឿងដោយចេតនាដើម្បីទទួលបានការចាប់អារម្មណ៍ពីកិត្តិនាមដ៏ធំរបស់ Zhao Lusi។ រឿងដែលកំពុងបន្តរបស់នាងស្រាប់តែទទួលបានការចាប់អារម្មណ៍ខ្លាំង ហើយឈ្មោះរបស់នាងបានគ្របដណ្ដប់លើការស្វែងរកដែលកំពុងពេញនិយមនៅលើវេទិកានានា។ អ្នកគាំទ្រក៏បានកត់សម្គាល់ផងដែរថាអ្នកគ្រប់គ្រងបច្ចុប្បន្នរបស់ Li Yitong ធ្លាប់ធ្វើការឱ្យ Zhao Lusi ហើយភាពជាដៃគូរបស់ពួកគេបានបញ្ចប់ដោយលក្ខខណ្ឌមិនល្អ ដែលជំរុញឱ្យមានការសង្ស័យកាន់តែខ្លាំង។

ទ្រឹស្ដីទីពីរ បង្ហាញថា ភាគីទីបី ប្រហែលជាកំពុងរៀបចំ ភាពវឹកវរ ដោយចេតនាដាក់តារាស្រីទាំងពីរ ប្រឆាំងនឹងគ្នាទៅវិញទៅមក។ អ្នកប្រើប្រាស់អ៊ិនធឺណិតបានរកឃើញថា អ្នកសរសេរប្លុកដែលបង្កជម្លោះជាលើកដំបូង បានសរសេរសារវិជ្ជមានជាច្រើនអំពី Esther Yu ដែលនាំឱ្យមានការរំពឹងទុកថានរណាម្នាក់នៅក្នុងក្រុមរបស់នាងអាចកំពុងទាញខ្សែដើម្បីធ្វើឱ្យតំណែងរបស់ Zhao Lusi ចុះខ្សោយនៅក្នុងឧស្សាហកម្មនេះ។

ខណៈពេលដែលការពិតនៅតែមិនច្បាស់លាស់ រឿងមួយគឺជាក់លាក់គឺ Zhao Lusi ហាក់ដូចជាជនរងគ្រោះស្លូតត្រង់នៃព្យុះតាមអ៊ីនធឺណិតដែលគ្មានមូលដ្ឋានមួយផ្សេងទៀត។ អ្នកគាំទ្រជាច្រើនជឿថា ប្រជាប្រិយភាពដ៏លើសលប់របស់នាង និងភាពជោគជ័យជាបន្តបន្ទាប់បានធ្វើឱ្យនាងក្លាយជាគោលដៅជាប្រធានបទដែលគេយកមកវែកញែក៕