ទ្រព្យសម្បត្តិរបស់ V បន្ទាប់ពីទិញអាផាតមិនប្រណីតតម្លៃជាង១០លានដុល្លារ

នៅថ្ងៃទី២៤ ខែកញ្ញា សារព័ត៌មាន News1 បានរាយការណ៍ថា តារាចម្រៀងប្រុស V នៃក្រុម BTS បានទិញផ្ទះល្វែងដ៏ប្រណីតមួយនៅ Cheongdam-dong, Gangnam-gu, ទីក្រុងសេអ៊ូល ក្នុងតម្លៃ ១៤.២ ពាន់លានវ៉ុន ប្រហែល១០.២លានដុល្លារអាម៉េរិកតាមរយៈទម្រង់នៃការបង់ជាសាច់ប្រាក់និងដោយគ្មានកម្ចីអ្វីឡើយ។។

អាផាតមិនរបស់ V មានទីតាំងនៅក្នុងអគារផ្ទះល្វែងដ៏ប្រណីត The Penthouse Cheongdam (PH 129) ដែលល្បីល្បាញដោយសារមានអាផាតមិនថ្លៃបំផុតនៅក្នុងប្រទេសកូរ៉េអស់រយៈពេលជាច្រើនឆ្នាំជាប់ៗគ្នា។ យោងតាមការចុះបញ្ជីអចលនទ្រព្យ V បានទិញអាផាតមិនដែលមានផ្ទៃដី ២៧៣.៩៦㎡ រួមទាំងបន្ទប់គេង ៥ និងបន្ទប់ទឹក ៣។ អគារអាផាតមិននេះក៏ជាផ្ទះរបស់បុគ្គលល្បីៗជាច្រើនផងដែរ។

ការទិញផ្ទះល្វែងតម្លៃថ្លៃបន្ទាប់ពី ចេញពីជួរទាហានបង្ហាញពីទ្រព្យសម្បត្តិរបស់ V។ បើយោងតាមប្រភពពី Celebrity Net Worth,និងទិន្នន័យសាធារណៈមួយចំនួន V មានទ្រព្យសម្បត្តិប្រហែល ៤០ លានដុល្លារអាម៉េរិក ដែលធ្វើឱ្យលោកក្លាយជាសមាជិកដែលមានជាងគេបំផុតរបស់ BTS ក្នុងឆ្នាំ ២០២៤ ។

ប្រភពចំណូលសំខាន់ៗរបស់ V រួមមានប្រាក់ចំណូលប្រចាំឆ្នាំរបស់លោកក្នុងនាមជាអ្នកចម្រៀង និងអ្នកនិពន្ធ ជាសមាជិកក្រុម BTS និងជាសិល្បករទោល; ប្រាក់ចំណូលពីការម៉ាកប្រណីតដូចជា Celine, Cartier និងប្រ៊េនផ្សេងទៀត។ មិនយូរប៉ុន្មានបន្ទាប់ពីចេញពីទាហាននៅក្នុងខែមិថុនា V ត្រូវបានប្រកាសជាទូតសុឆ្ឆន្ទៈសម្រាប់ Coca-Cola ។ លើសពីនេះ ប្រាក់ចំណូលរបស់តារាចម្រៀង BTS ពីបណ្តាញសង្គមក៏គួរឱ្យកត់សម្គាល់ផងដែរ។ យោងតាម Koreaboo ដោយមានគណនី Instagram ដែលមានអ្នកតាមដាន ៦៩.៣ លាននាក់ V រកបានប្រហែល ៦៨,០០០ – ៨១០,០០០ ដុល្លារសម្រាប់ការបង្ហោះនីមួយៗនៅលើវេទិកានេះ។

បច្ចុប្បន្ន V គឺជាតារា Kpop ប្រុសដែលមានអ្នក Follow ច្រើនជាងគេនៅលើ Instagram ។ មុនពេលទិញអាផាតមិនតម្លៃ ១០.២លានដុល្លារ ក្នុងឆ្នាំ២០១៩ V បានទិញផ្ទះល្វែងតម្លៃ ៤.៥៥លានដុល្លារនៅឯអគារខ្ពស់តំបន់ Gangnam ទីក្រុងសេអ៊ូល ប្រទេសកូរ៉េខាងត្បូង៕