យោងតាមគេហទំព័រ Allkpop ថ្មីៗនេះ វីដេអូមួយបានបង្ហោះនៅលើគណនីទីពីររបស់ G-Dragon បានធ្វើឱ្យមានទាក់ទាញការចាប់អារម្មណ៍និងសរសើរតារាចម្រៀងរូបនេះយ៉ាងខ្លាំងនូវទង្វើល្អរបស់តារាចម្រៀងរូបនេះដែលគិតគូរមនុស្សជុំវិញខ្លួន។ 
ក្នុងវីដេអូបង្ហាញពី G-Dragon នៅហាងនាឡិកាទំនើបរបស់ប្រទេសស្វីស។ G-Dragon បានសម្ដែងការដឹងគុណចំពោះអង្គរក្សរបស់ខ្លួន។ តារាចម្រៀងប្រុស បានបង្ហាញអាកប្បកិរិយាគួរសម និងគោរពពេលជូនកាដូដល់អង្គរក្សជិតស្និទ្ធ ហើយបាននិយាយថា៖ «អរគុណដែលបានការពារខ្ញុំ»។ បុគ្គលិកបានឃើញទិដ្ឋភាពនេះ ក៏បានអបអរសាទរ និងទះដៃ បង្កើតបរិយាកាសកក់ក្តៅ។ វាត្រូវបានគេដឹងថានេះគឺជាម៉ូដែលនាឡិកាដែលមានកំណត់ ជាម៉ាកនាឡិកាប្រណីតកំពូលរបស់អាម៉េរិកដែលបានបង្កើតឡើងក្នុងឆ្នាំ ១៩៨៦ ដែលគេស្គាល់សម្រាប់ការរួមបញ្ចូលគ្នានៃភាពប្រណីត និងសិល្បៈ ដោយលក់ក្នុងតម្លៃមិនធម្មតានោះទេ។
ផលិតផលនេះត្រូវបានដាក់ឱ្យដំណើរការកាលពីដើមឆ្នាំនេះ ដោយមានតែ ៨ គ្រឿងប៉ុណ្ណោះនៅទូទាំងពិភពលោកជាមួយនឹង ៣ គ្រឿងមកដល់ប្រទេសកូរ៉េ ដែលនីមួយៗមានតម្លៃប្រហែល ១.៦ ពាន់លានវ៉ុន ១,២ លានដុល្លារ។ នេះបង្កឱ្យមានការភ្ញាក់ផ្អើលនៅក្នុងមតិសាធារណៈដោយសារតែវារបស់កម្រ និងតម្លៃហួសប្រមាណ។
កាលពីខែកក្កដា កន្លងទៅ G-Dragon បានធ្វើឱ្យគ្រប់គ្នាភ្ញាក់ផ្អើល នៅពេលដែលលោកបានផ្តល់ឱ្យក្រុមអ្នករាំជាង ១០ នាក់នូវខ្សែកដែលមានកំណត់ដែលមានតម្លៃប្រហែល ១.៦៥ លានវ៉ុន (ប្រហែល១,២០០ ដុល្លារ) ក្នុងម្នាក់ៗ។
អ្នកគាំទ្រ និងអ្នកនិយមលេងអ៊ីនធឺណិតបានសរសើរ G-Dragon យ៉ាងខ្លាំងចំពោះការយកចិត្តទុកដាក់ និងដឹងគុណចំពោះអ្នកដែលបានការពារ និងជួយលោក៕
