តារាចម្រៀង ជី ដេវីត បានសម្តែងនៅលើឆាកតែមួយក្នុងការប្រគំតន្រ្តីរបស់តារាចម្រៀង 2NE1 ក្នុងរូបរាងយ៉ាងស្រស់សង្ហាជាមួយនឹងសំលៀកបំពាក់ពណ៌ក្រហមដ៏ស្រស់ឆើត ឆាយ ដែលជាពណ៌សំណព្វចិត្តរបស់លោក។ ទោះជាយ៉ាងណា ជាមួយនឹងរូបរាងសង្ហា ងាកទៅកាន់គ្រឿងពេជ្រដែលលោកពាក់ក្នុងសម្តែងលើកនេះគឺពិតជាខ្ពស់មិនធម្មតា។
យោងទៅតាមតម្លៃរបស់ហាងពេជ្រប្រចាំតារាចម្រៀង ជី ដេវីត ខ្សែកដែលលោកពាក់ ពីរបញ្ជូនគ្នាគឺមានតម្លៃ១៣៥ ១០០ដុល្លារ។ ចំណែកឯខ្សែដៃវិញមានតម្លៃ១៩៥០០ និងកន្លាស់អាវដែលមានពាក្យថា Idol មានតម្លៃ៦៨០០ ដុល្លារ។ សរុបតម្លៃខ្សែកពីរខ្សែ ខ្សែដៃ និងកន្លាស់អាវដែល ជី ដេវីត ពាក់នេះគឺរហូតដល់១៦១៤០០ដុល្លារ។
ទោះបីជាគ្រឿងពេជ្រដែល ជី ដេវីត ពាក់ឡើងឆាកសម្រាប់ការសម្តែងរបស់ខ្លួនដល់ទៅ ជាង១៦ម៉ឺនដុល្លារ ក្តីប៉ុន្តែនេះមិនរាប់បញ្ជូលទៅគ្រឿងលម្អខ្លួនផ្សេងទៀតដូចជានាឡិកា ក្រវិល រួមទាំងចិញ្ចៀនអាពាហ៍របស់លោកដែលមានតម្លៃរាប់សិបម៉ឺនដុល្លារស្រាប់ទៅ ហើយ។
គួរបញ្ជាក់ផងដែរថា ការចូលរួមរបស់ ជី ដេវីត ក្នុងការប្រគំតន្រ្តីដែលមានតារាចម្រៀងកូរ៉េល្បីឈ្មោះមកសម្តែងនៅប្រទេសកម្ពុជាបានធ្វើឱ្យអ្នកគាំទ្រក្នុងនិងក្រៅស្រុកមានការចាប់អារម្មណ៍យ៉ាងខ្លាំងខណៈលោកត្រូវបានអ្នកគាំទ្រសរសើរថាស្រស់សង្ហាខ្លាំងរួមទាំងការបញ្ចេញមតិយោបល់បែបលេងសើចថា លង់ស្រលាញ់ប្តីគេ ជាដើម។ បន្ទាប់ពីបញ្ចប់ការសម្តែងរបស់ខ្លួន ជី ដេវីត រួមទាំង ទេព បូព្រឹក្ស គឺបង្ហាញការសប្បាយរីករាយស្រែកច្រៀងបទរបស់ក្រុមចម្រៀង 2NE1 យ៉ាងរស់រវើក៕
