ថៃ នារីសុជាតា ហៅ ហ្វីយ៉ាតា បេក្ខភាពបវរកញ្ញាចក្រវាលកម្ពុជាឆ្នាំ២០២៥ បានធ្វើឱ្យអ្នកតាមដានវិស័យបវរកញ្ញាមានការចាប់អារម្មណ៍មិនតិចនោះទេ បន្ទាប់ពីឆ្លើយតបដោយសម្តីយ៉ាងមុតស្រួចចំពោះសំណួរថា «តើនរណាគេជាគូប្រជែងដ៏ខ្លាំងរបស់នាង»?
កាលពីពេលថ្មីៗនេះ មានវីដេអូមួយចែករំលែកពីចម្លើយរបស់ ហ្វីយ៉ាតា ទៅលើសំណួរអំពីគូប្រជែងដ៏ខ្លាំងរបស់នាង។ ក្នុងឃ្លីបវីដេអូ ហ្វីយ៉ាតា បាននិយាយថា មនុស្សគ្រប់គ្នាសុទ្ធតែមានចំណុចខ្លាំងរៀងៗខ្លួន។ MUC07 បាននិយាយទៀតថាប្អូនៗ ជំនាន់ក្រោយ នាងក៏មិនអាចមើលងាយសមត្ថភាពរបស់ពួកគាត់ ជួនកាលពួកគាត់លាក់ សមត្ថភាពអ្វីដែលយើងមិនអាចដឹង ដែលធ្វើឱ្យយើងមានអារម្មណ៍ថាយើងមានអំនួតសិន ហើយដល់ពេលថ្ងៃប្រកួតមែនទែនគាត់បញ្ចេញសមត្ថភាពមកក៏យើងមិនអាចដឹង។
ហ្វីយ៉ាតា បានលើកឡើងទៀតថា យើងមិនអាចវិនិច្ឆ័យនរណាម្នាក់បាននោះទេគ្រប់គ្នា សុទ្ធតែជាគូប្រកួតដ៏គួរប្រយ័ត្នទាំងអស់តែមិនមែនមានន័យថាយើងត្រូវតែស្អប់ ត្រូវតែ ចាក់សម្លាប់គ្នានោះទេ។ បេក្ខភាពរូបនេះបន្តទៀតថា គ្រប់គ្នាចូលមកប្រកួត(MUC2025) គ្រប់គ្នាតែងតែចង់ឈ្នះ កុំនិយាយថាគ្រប់គ្នាមិនចង់ឈ្នះ ទោះបីជាប្អូនៗខ្លះមិនស្រមៃ ដល់ចំណុចកំពូល ប៉ុន្តែគាត់នៅតែមានចំណុចណាមួយដែលគាត់ចង់ឈានឱ្យទៅដល់ ឧទាហរណ៍ដូចជា TOP5 ឬ TOP10 ដូច្នេះគ្រប់គ្នាគឺជាគូប្រកួតដែលយើង មិនអាចមើលស្រាលបាន ហើយមិនអាចមើលរំលង ហើយមិនប្រយ័ត្ននោះទេ។
គួរបញ្ជាក់ផងដែរថា ការប្រកួតបវរកញ្ញាចក្រវាលកម្ពុជាឆ្នាំ២០២៥មានបេក្ខនារីទាំងអស់ ចំនួន២០រូបដែលត្រូវប្រជែងគ្នាដើម្បីមានឱកាសតំណាងប្រទេសកម្ពុជាប្រកួតនៅលើឆាកអន្តរជាតិ។ ហ្វីយ៉ាតា ជាបេក្ខភាពម្នាក់ដែលមានទេពកោសល្យច្រើនព្រោះនាងជា តារាសម្តែង តារាចម្រៀង និងជាអ្នកជំនួញមួយរូបព្រមទាំងអាចប្រើប្រាស់ ភាសាអង់គ្លេសបានយ៉ាងស្ទាត់ជំនាញ៕
