ក្រុមហ៊ុន Netflix កំពុងកំណត់ប្រាក់ខែតារាសម្ដែងកូរ៉េ ដើម្បីកាត់បន្ថយថ្លៃដើមផលិតកម្មហើយប្រាក់ខែរបស់តារាសម្តែងបានក្លាយជាប្រធានបទដ៏ចម្រូងចម្រាស។ យោងតាមប្រព័ន្ធផ្សព្វផ្សាយកូរ៉េ ទស្សនិកជនមានការភ្ញាក់ផ្អើលនៅពេលឃើញតារាសម្ដែងជាច្រើនរកចំណូលបានជាង ១០០ លានវ៉ុន ប្រហែល ៧៣,៧៧៨ដុល្លារ ក្នុងមួយភាគ។ តួលេខនេះអនុវត្តចំពោះរឿងភាគទូរទស្សន៍ធម្មតា។
ទន្ទឹមនឹងនេះដែរ សម្រាប់រឿងភាគ (OTT) មានចំនួនខ្ពស់ជាងគួរឱ្យកត់សម្គាល់ ដោយចាប់ផ្តើមពីប្រហែល ៤០០ លានវ៉ុន (ប្រហែល ២៩៥,១១១ ដុល្លារ) ក្នុងមួយភាគ។ នៅក្នុងរឿងភាគឆ្នាំ ២០១៥ Kim Tae Hee ទទួលបាន ៤០ លានវ៉ុនក្នុងមួយភាគ។ នៅក្នុងរឿងភាគឆ្នាំ ២០២៤ Kim Soo Hyun ទទួលបាន ៤០០ លានវ៉ុនក្នុងមួយភាគ។ ក្នុងឆ្នាំ ២០២១ Song Hye Kyo និង Jun Ji Hyun ទទួលបាន ២០០ លានវ៉ុនក្នុងមួយភាគ។ យោងតាមផលិតករ ប្រាក់ខែរបស់តារាសម្តែងកំពូលៗ ក្នុងមួយភាគបានកើនឡើងខ្ពស់ក្នុងប៉ុន្មានឆ្នាំថ្មីៗនេះដោយអ្នកខ្លះត្រូវបានគេរាយការណ៍ ថា បានស្នើសុំរហូតដល់ ១ពាន់លានវ៉ុនក្នុងមួយភាគដែលពួកគេបង្ហាញខ្លួន។
ក្នុងករណី Kim Soo Hyun កិច្ចសន្យារបស់លោកសម្រាប់រឿងភាគ “Queen of Tears” ក្នុងឆ្នាំ ២០២៤ ត្រូវបានគេនិយាយថាមានរហូតដល់ ៥ ពាន់លានវ៉ុនសម្រាប់ ១៦ ភាគ។
ប្រឈមនឹងព័ត៌មានអំពីប្រាក់ចំណូលរបស់តារាសម្ដែង អ្នកនិយមលេងអ៊ីនធឺណិតបានបញ្ចេញប្រតិកម្មជាមួយនឹងការជជែកគ្នាតាមបណ្ដាញសង្គម។
ទស្សនិកជនបាននិយាយថា៖« តម្លៃនៃការបង្ហាញខ្លួនរបស់តារាល្បីៗពិតជាគួរឱ្យអស់ សំណើចណាស់។ ពួកគេរកលុយបានយ៉ាងងាយ។យ៉ាងហោចណាស់នៅក្នុងកម្មវិធីចាស់ៗ ពួកគេត្រូវរស់នៅលើ ១០,០០០ វ៉ុនក្នុងមួយសប្តាហ៍។ សព្វថ្ងៃកម្មវិធីចម្រុះ គ្រាន់តែជា តារាល្បីៗ អង្គុយក្នុងស្ទូឌីយ៉ូ ស្លៀកពាក់ស្អាតៗ មើលវីដេអូ និងនិយាយពាក្យ ពីរបីម៉ាត់។តើពួកគេអាចទទួលបានប្រាក់រាប់សិបលានវ៉ុនក្នុងមួយភាគសម្រា ប់រឿងនោះដោយរបៀបណា? គេរកលុយបានស្រួលពេក»។ «មើលរឿងភាគទូរទស្សន៍។ ជាមួយនឹងប្រាក់ខែខ្ពស់ដែលតួសម្តែងទទួលបានផ្ទុយពីបុគ្គលិក ពួកគេមិនអាចសូម្បីតែទទួលបានប្រាក់ឈ្នួលអប្បបរមា។ គួរតែមានបទប្បញ្ញត្តិច្បាប់ដើម្បីការពារប្រាក់ខែមិនសមហេតុផលទាំងនេះ» ។
យោងតាមប្រភពឧស្សាហកម្ម Netflix បានកំណត់ប្រាក់ខែអតិបរមា ៤០០លានវ៉ុនក្នុងមួយភាគសម្រាប់តួសម្តែងក្នុងរឿងកូរ៉េ។ នេះមិនមែនជាប្រាក់ខែទាបទេ ប៉ុន្តែត្រូវបានគេជឿថាជាវិធានការទប់ស្កាត់ប្រាក់ខែឡើងខ្ពស់របស់តារាសម្ដែងនាពេលថ្មីៗនេះ៕
