សមាជិកសភាជាន់ទាបជប៉ុន ឯកឧត្តម ណាអូតូ សាកាហ្គុជិ (SAKAGUCHI Naoto) បានអះអាង ខ្លួនបានរងការគំរាមកំហែងសិទ្ធិសេរីភាព ពីសំណាក់ឯកអគ្គរាជទូតកម្ពុជាប្រចាំប្រទេសជប៉ុន។.png)
ជុំវិញករណីនេះ ក្រសួងការបរទេសកម្ពុជា បានធ្វើការច្រានចោលទាំងស្រុង ដោយថានៅក្នុងលិខិតដែលផ្ញើចេញនោះ គ្មានពាក្យណាមួយដែលបង្កប់នូវការគំរាមកំហែងទេ។
ក្រសួងការបរទេសកម្ពុជា បានថ្លែងថា៖” លិខិតរបស់ឯកឧត្តមឯកអគ្គរាជទូត ទុយ រី ដាក់ជូនសមាជិកសភាជប៉ុន ឯកឧត្តម ណាអូតូ សាកាហ្គុជិ (SAKAGUCHI Naoto) គឺជាការពន្យល់បកស្រាយបំភ្លឺ អំពីជំហរពីការពិតជាក់ស្តែងស្តីពីស្ថានភាពសិទ្ធិមនុស្ស និងប្រជាធិបតេយ្យនៅកម្ពុជា ដោយមិនមានបង្កប់នូវន័យគំរាមកំហែង និងប៉ះពាល់ដល់កិត្តិយសរបស់ឯកឧត្តមនោះទេ”។.png)
ក្រសួងការបរទេស បានសង្កត់ធ្ងន់ថា៖” ការថ្លែងរបស់ឯកឧត្តម ណាអូតូ សាកាហ្គុជិ (SAKAGUCHI Naoto) នៅសភាជាន់ទាបអាចមានការភ័ន្តច្រលំ ខ្វះភស្ភុតាង និងមានហេតុផលនយោបាយ ដែលធ្វើឱ្យប៉ះពាល់ដល់ការពិត”។
គួរបញ្ជាក់ថា រាជរដ្ឋាភិបាល និងប្រជាជន កម្ពុជា បានចាត់ទុកជប៉ុនជាមិត្តដែលមិនអាចខ្វះបាន ដែលជានិច្ចកាលបន្តផ្តល់ជំនួយគ្រប់ វិស័យដល់ការអភិវឌ្ឍសេដ្ឋកិច្ច-សង្គមរបស់កម្ពុជា ៕
