តារាសម្តែង Esther Yu បានធ្វើឱ្យអ្នកលេងបណ្តាញសង្គមចិនបញ្ចេញមតិប្រតិកម្មបន្ទាប់ពីមានវីដេអូចែករំលែកក្នុងថ្ងៃថតបញ្ចប់នៅលើទឹកដីប្រទេសថៃដោយក្រុមការងារបានលេងជះទឹកតាមប្រពៃណីក្នុងតំបន់ ប៉ុន្តែបែរជាត្រូវបានអ្នកមួយចំនួនបញ្ចេញមតិនិងចោទថានាងមិនគោរពដល់លោកនាយកដែលជាអ្នកដឹកនាំរឿង។
ក្នុងពេលដែលប្រទេសមីយ៉ាន់ម៉ាបានជួបគ្រោះរញ្ជួយដីកម្រិត ៧.៧ រិចទ័រ នៅថ្ងៃទី ២៨ មីនា នៅឯទីក្រុងបាងកក ប្រទេសថៃក៏មានការរញ្ជួយដីខ្លាំងដែរដោយអគារបានបាក់រលំ។ នាថ្ងៃនោះ Esther Yu ក៏កំពុងនៅទីក្រុងបាងកក ថតរឿងភាគថ្មីដូចគ្នាព្រមទាំងបានរាយការណ៍ពីសុវត្ថិភាពរបស់នាងឱ្យបានឆាប់តាមដែលអាចធ្វើទៅបានកុំឱ្យអ្នកគាំទ្រមានការព្រួយបារម្ភ។
យ៉ាងណាមិញ រូបថតនៃការបញ្ចប់ការថតនៅលើទឹកដីប្រទេសថៃបានបែកធ្លាយតាមធឺណិតនា
ពេលថ្មីៗនេះដោយគេបានឃើញក្រុមការងារភាពយន្តបានធ្វើតាមទំនៀមទម្លាប់ក្នុងតំបន់ហើយលេងទឹកដោយសង្ឃឹមថា «ទឹកនាំសំណាង”» ប៉ុន្តែវាមិននឹកស្មានដល់ថា វាបានបង្ក ជាសង្រ្គាមពាក្យសម្តី។
Esther Yu ត្រូវបានចោទប្រកាន់ពីបទ «ចាក់ទឹកលើក្បាលនាយក» ហើយដែលធ្វើឱ្យវាក្លាយជាប្រធានបទក្តៅ។ វីដេអូមួយរបស់ Esther Yu ចាក់ទឹកលើក្បាលរបស់អ្នកដឹកនាំរឿង Yu Chung Chung បានល្បីពេញអ៊ីនធឺណិត។ ក្នុងវីដេអូនោះគឺបានបង្ហាញភាពសប្បាយរីករាយនិងបានជះទឹកគ្នាទៅវិញទៅមក។.png)
ទោះយ៉ាងណាក៏ដោយ បន្ទាប់ពី Esther Yu ចាក់ទឹកលើក្បាលរបស់អ្នកដឹកនាំរឿង Yu Chung Chung មហាជនមួយចំនួនចោទថាតារាសម្តែងរូបនេះមិនគោរពលើអ្នកដឹកនាំរឿងដែលធ្វើឱ្យក្លាយជាប្រធានបទ មានការចាប់អារម្មណ៍ខ្លាំង។
យ៉ាងណាមិញការលេងតាមប្រពៃណីនៅប្រទេសថៃបានបង្កទៅជារូបភាពចម្រូងចម្រាស ។ ក្រោយមកអ្នកដឹកនាំរឿងលោកបានចេញសេចក្តីថ្លែងការណ៍មួយដើម្បីបញ្ជាក់យ៉ាងដូច្នេះថា «វាសុទ្ធតែទឹកស្អាត កុំបារម្ភ ដោយជូនពររឿងភាគថ្មីទទួលបានជោគជ័យ»។ Esther Yu ទើបតែធ្វើតាមប្រពៃណីថៃ ដើម្បីជូនពររឿងថ្មីឱ្យទទួលបានជោគជ័យ ប៉ុន្តែនាងត្រូវបានគេបង្កាច់បង្ខូចដោយគ្មានហេតុផលដែលធ្វើឱ្យអ្នកគាំទ្ររបស់នាងសោកស្តាយជាខ្លាំង៕
