គេហដ្ឋានរបស់ស្ថាបត្យករ លោក វណ្ណ ម៉ូលីវណ្ណ បានក្លាយជាហាងកាហ្វេរបស់ម៉ាកយីហោល្បីក្នុងស្រុក ដែលគ្រោងនឹងដាក់ឱ្យដំណើរការនៅថ្ងៃទី៥ ខែមេសា ខាងមុខនេះ។
ផ្ទះលោកតា វណ្ណ ម៉ូលីវណ្ណ ត្រូវបានកសាងឡើងនៅឆ្នាំ១៩៦៥ ស្ថិតនៅលើមហាវិថីម៉ៅសេទុង សង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ។
ផ្ទះនេះ មានទំហំ ៩២៤ម៉ែត្រការ៉េ មាន២ជាន់ ដែលមានបន្ទប់ការិយាល័យចំនួន៤ បន្ទប់ធំទូលាយមួយ និងបន្ទប់ទឹក៥ ធ្លាប់ត្រូវបានដាក់លក់ម្តងនៅឆ្នាំ២០២០ ក្នុងទំហំទឹកប្រាក់៧លានដុល្លារ។
កន្លងមក មហាជនធ្លាប់មានគំនិតនៃការដាក់ផ្ទះរបស់គាត់ចូលទៅក្នុងសារមន្ទីរ ក៏ប៉ុន្តែហាក់មិនទទួលបានការគាំទ្រណាមួយពីវិស័យសាធារណៈ និងឯកជននោះទេ។
គួរបញ្ចាក់ថាលោកតា វណ្ណ មូលីវណ្ណ ដែលជាបិតានៃស្ថាបត្យកម្មខ្មែរ បានទទួលមរណភាពក្នុងជន្មាយុ៩១ឆ្នាំ នាវេលាម៉ោង៩និង៤៥នាទីព្រឹក ថ្ងៃទី២៨ ខែកញ្ញា ឆ្នាំ២០១៧៕
