ទេព បូព្រឹក្ស និង ជីមមី ជួយជ្រោមជ្រែង អ៊ិន លក្ខិណា Miss Cosmo Cambodia 2024

តារាចម្រៀង ទេព បូព្រឹក្ស បានចំណាយថវិកាផ្ទាល់ខ្លួនចំនួន៥០០ដុល្លារជួយ Vote ឱ្យបវរកញ្ញា អ៊ិន លក្ខិណា ក្នុងកម្មវិធី Miss Cosmo 2024 ដើម្បីមានឱកាសឈានដល់កំពូល១០នាក់ចុងក្រោយនៃការប្រកួត។ មិនត្រឹមតែតារាចម្រៀងរូបនេះប៉ុណ្ណោះ ជីមមី អ្នកជំនួញអនឡាញក៏បានជួយជ្រោមជ្រែង លក្ខិណា ដូចគ្នាទាំងការ Vote និងថវិកា១០លានរៀលទុកទិញអីញុំា។

ឈានចូលថ្ងៃទី១២ កញ្ញា ទេព បូព្រឹក្ស បានបង្ហោះថា «រវល់យ៉ាងណាក៏មិនភ្លេចប្អូនដែរចាសនៅសល់តែប៉ុន្មានម៉ោងទៀតទេ សូមបងប្អូនយើងទាំងអស់គ្នារួមគ្នាឡើង vote ឲ្យណាណីមើល ស្អែកបងមិនបានជូនដំណើរប្អូនទេតែយ៉ាងណាដូចបងនិយាយប្រាប់ប្អូនតាំងពីដើមចឹងបងនៅខាងប្អូនខំឲ្យអស់ពីសម្ថភាព ស៊ូស៊ូ my beloved sister»។ ក្នុងរូបភាពបានបង្ហាញថា ទេព បូព្រឹក្ស បានរួមចំណែក៥០០ដុល្លារក្នុងការជួយ Vote ឱ្យ Miss Cosmo Cambodia 2024 ។

ងាកទៅកាន់អ្នកនាង ជីមមី ដែលរយាលការងារជាពិធីការិនី បានក្តោបក្តាប់ជំនួញអនឡាញវិញក៏បានជួយ Vote ឱ្យ លក្ខិណា ថែមទាំងផ្តល់ជាកម្រងផ្កាជាលុយសុទ្ធប្រភេទក្រដាស ៥ម៉ឺនរៀលឱ្យនាងថែមទៀត។ ជីមមី បានសរសេរនៅលើបណ្តាញសង្គមកាលពីថ្ងៃទី១១ ខែកញ្ញា ថា «22,000 vote រួចរាល់ក្តៅៗ បូកបន្ថែម ១០លានរៀលឱ្យកូនហូបនំទៀត ស៊ូៗណាកូន»។

ក្រៅពីតារាចម្រៀង ទេព បូព្រឹក្ស និង ជីមមី អ្នកគាំទ្រជាច្រើនទៀតបានចូលរួមស៊ែរនិងបោះឆ្នោតឱ្យ អ៊ិន លក្ខិណា ឱ្យបានច្រើនបំផុតតាមដែលអាចធ្វើទៅបានក្នុងការដែលនាងតំណាងប្រទេសកម្ពុជាប្រកួតនៅលើឆាក Miss Cosmo 2024 នៅលើទឹកដីវៀតណាម។

នៅថ្ងៃទី១២ ខែកញ្ញា អ៊ិន លក្ខិណា Miss Cosmo Cambodia 2024 ក៏បានធ្វើដំណើរចេញទៅប្រកួតផងដែរដោយមានការជូនដំណើរពីហ្វេនៗនិងម្ចាស់គ្រប់គ្រងកម្មវិធីលោកស្រី អ៊ឹម សុគន្ធា។ លក្ខិណា គឺជាបវរកញ្ញាខ្មែរដំបូងគេក្នុងការប្រកួត Miss Cosmo 2024 ខណៈនាងគឺជាលំដាប់រងទី២នៃការប្រកួត Miss Grand Cambodia 2023 ដែលត្រូវបានតែងតាំងជា Miss Cosmo Cambodia 2024 បន្ទាប់ពីមានការទទូចច្រើនពីអ្នកគាំទ្រ៕