ភ្នំពេញ៖ ក្រុមហ៊ុន វឌ្ឍនៈ ប្រ៊ូវើរី ជាថ្មីម្តងទៀតបានបង្ហាញនូវឆន្ទៈខ្ពស់បន្តគាំទ្រវិស័យកីឡាក្នុងស្រុកដោយថ្មីៗនេះបានប្រកាសពីការចូលរួមឧបត្ថម្ភគាំទ្រក្លិបកីឡាបាល់ទាត់បឹងកេតសម្រាប់រដូវកាលថ្មី ជាមួយនឹងម៉ាកសញ្ញា ដ្រាហ្គិន ដែលជាស្រាបៀរប្រណិតទឹកខ្មៅដំបូងគេនៅប្រទេសកម្ពុជា ផលិតដោយក្រុមហ៊ុន វឌ្ឍនៈ ប្រ៊ូវើរី ដោយបានបន្តឈ្នះពានរង្វាន់ និងមេដាយមាសបញ្ជាក់ពីគុណភាពស្រាបៀរទឹកខ្មៅល្អបំផុតលំដាប់ពិភពលោកពីស្ថាប័ន World Beer Awards និង Monde Selection ប្រចាំឆ្នាំ ២០២២, ២០២៣ និង២០២៤ រហូតទៅដល់ចំនួន ៩ ពានរង្វាន់។https://blogger.googleusercontent.com/img/b/R29vZ2xl/AVvXsEhLhNDk52oMYrAbGZGqekqVe2WnRdwf-WpvmMmBIS0jmqnoJF0AbYEoHXsVLBZAe4KdqE3rbskM7p4h-aHxa3wiZ0RAEW6O32h0oyVrsuIx1Ig5d8ZfOjPPDKQlw-HXjOkaEOcps9V8UQGQUnhStK5iMtRpJuaeBssijdu2dYvFyeY0dkXYNZr1lE4g_irU/s2000/s.jpg

បន្ថែមពីលើការឧបត្ថម្ភក្លិបកីឡាចំនួនពីររួចមកហើយគឺ ក្លិបព្រះខ័នរាជស្វាយរៀង និងក្លិបគិរីវង្សសុខសែនជ័យ វឌ្ឍនៈ ប្រ៊ូវើរី ក៏ជាម្ចាស់ឧបត្ថម្ភធំផ្លូវការរបស់ខេមបូឌៀនព្រីមៀរលីគ ព្រមទាំងសហព័ន្ធកីឡាបាល់ទាត់កម្ពុជាផងដែរ។https://blogger.googleusercontent.com/img/b/R29vZ2xl/AVvXsEgK3PLkv34_G4mdI22GZBnspfNT9Z6SXT6sWYeZ_zQrCTVI8SsdU_GVan62sHPM-OY0H-GO5SZGuEJQ6WmPDncFEo3koK2nm_0iUt1ecOmSh7csIhdMUFhRPKgrfPhWBBP3cpSsBEAqs3PQ6_bvDlNlQwc4idEJOLLY8WEOwA-7b1uM1MSpRjrxlSbMwiPE/s1920/V-activexPKR.jpg

វិស័យកីឡាកម្ពុជារីកចម្រើនបាន ទាមទារការចូលរួមជាច្រើនរួមមានទាំងស្ថាប័នរដ្ឋ វិស័យឯកជន ព្រមទាំងអ្នកគាំទ្រ។ ក្រោមពាក្យស្លោក “ស្មារតីខ្មែរតែ១” វឌ្ឍនៈ ប្រ៊ូវើរី បន្តលើកស្ទួយវិស័យកីឡាជាតិ តាមរយៈការឧបត្ថម្ភជាច្រើនដែលរួមមានកីឡាបាល់ទាត់ បាល់ទះ ប្រដាល់គុនខ្មែរ រត់ ជិះកង់ ប៉េតង់ និងប៊ូលជាដើម តាំងពីថ្នាក់មូលដ្ឋាន ដល់ថ្នាក់ជាតិ ព្រមទាំងថ្នាក់តំបន់មានព្រឹត្តិការណ៍ជាប្រវត្តិ សាស្រ្តកីឡាស៊ីហ្គេមលើកទី៣២ កីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះលើកដំបូង។ https://blogger.googleusercontent.com/img/b/R29vZ2xl/AVvXsEg3gKgsWUG0xBSE3aGye7SSidGNJHrGcJe9swKDzWqZNJh-jbSEw6p3zSkLKsT1brWQFZSRl9kWNOSnxGSRo3t3McvoWvq9iTXSJKaTOOJr4tKk1a-7P26fmsz5RQoAWwUfflE8xxQXbCO20704PAhDXY-eh-Ask5UiARwdR0pxYU_mm3gd2CEmF8Lm8yCB/s2138/Partnership%20x%20Krud.jpg

ការគាំទ្រយ៉ាងសកម្មរបស់ក្រុមហ៊ុន វឌ្ឍនៈ ប្រ៊ូវើរី ចំពោះព្រឹត្តិការណ៍កីឡាជាច្រើន បានរួមចំណែកយ៉ាងសំខាន់ក្នុងការលើកកម្ពស់កេរ្តិ៍ឈ្មោះកីឡាជាតិ និងបង្កើតឱកាសសម្រាប់អត្តពលិកវ័យក្មេងបង្ហាញសមត្ថភាព និងខិតខំប្រឹងប្រែងក្នុងការលើកកម្ពស់វិស័យកីឡានៅកម្ពុជាទៅកាន់ឆាកអន្តរជាតិ។ អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ ប្រ៊ូវើរី ធ្លាប់បានបង្ហាញឆន្ទៈថា “យើងមានមោទនភាពដែលបានចូលរួមចំណែកក្នុងការអភិវឌ្ឍវិស័យកីឡានៅកម្ពុជា។ https://blogger.googleusercontent.com/img/b/R29vZ2xl/AVvXsEiesHsAuVv0VAlyz5SS8PBBRTQLAZBUFZXG75z15BXeelO6VfDd1vccRP7mKiAX4BsIuYgoPWwuwKEFMB_SBZq6rEM2Ne7x_cZopT9WD0hCkFoPBjdZ6GHXOG6rxqJa1HRZ-OT_4lJHwNKGXvYG-GdMcDwjhKK5dqNPDgxc_-0RujEfAIwjinrPWi23mD1a/s1620/443823286_425450240341736_7450342341217326352_n.jpg

យើងជឿជាក់ថាការវិនិយោគលើកីឡា គឺជាការវិនិយោគលើអនាគតរបស់យុវជន និងប្រទេសជាតិទាំងមូល”
ឆន្ទៈដ៏មោះមុតរបស់ក្រុមហ៊ុន វឌ្ឍនៈ ប្រ៊ូវើរី ក្នុងការលើកស្ទួយវិស័យកីឡានៅកម្ពុជា ពិតជាគួរឱ្យសរសើរ និងកោតស្ញប់ស្ញែងជាទីបំផុត ហើយវឌ្ឍនៈ ប្រ៊ូវើរី បានបញ្ជាក់ទៀតថា នេះគឺជាបេសកកម្មរយៈពេលវែងដែលទាមទារការចូលរួមពីពួកយើងទាំងអស់គ្នាដើម្បីឲ្យកីឡារបស់កម្ពុជាមាននិរន្តរភាព និងរីកចម្រើនឈានទៅមុខ។