ថ្លែងក្នុងឱកាសចុះត្រួតពិនិត្យផលិតកម្មដំណាំចេករបស់ក្រុមហ៊ុន “ឡុងស្រេង” ស្ថិតនៅក្នុងឃុំបឹងកេត ស្រុកស្ទឹងត្រង់ ខេត្តកំពង់ចាម រដ្ឋមន្ត្រីក្រសួងរ៉ែ និងថាមពល ឯកឧត្តម កែវ រតនៈ បានលើកឡើងថា៖”ចេក របស់អ្នកខេត្តកំពង់ចាម ត្រូវបាននាំចេញទៅប្រទេសជប៉ុន និងចិនដោយមានការពេញនិយមជាខ្លាំងពីប្រជាជាតិទាំងពីរ”។
ថ្វីបើមានការត្រូវប៉ាន់ពីប្រទេសចិន និងជប៉ុន្តក្តី ក៏ប៉ុន្តែការនាំចេញផ្លែចេកកម្ពុជាទៅទីផ្សារអន្តរជាតិបានធ្លាក់ចុះ៣៣,៨៦ភាគរយ ក្នុងរយៈពេល៥ខែដើមឆ្នាំ២០២៤នេះ ដែលសម្រេចទឹកប្រាក់ចំនួន ៦២,៥៨លានដុល្លារ ធ្លាក់ចុះជាង៣២ភាគរយ ធៀបនឹងរយៈពេលដូចគ្នាកាលពីឆ្នាំ២០២៣ដែលមានទឹកប្រាក់ចំនួន ៩៤,៦១លានដុល្លារ។
ការធ្លាក់ចុះនៃបរិមាណនាំចេញចេកក្នុងប៉ុន្មានខែដើមឆ្នាំ២០២៤នេះ មិនមែនដោយសារតែគ្មានតម្រូវការទីផ្សារទេ តែកើតឡើងដោយសារតែបម្រែបម្រួលអាកាសធាតុ។
គួរបញ្ជាក់ផងដែរថា ចេកដែលនាំចេញទៅទីផ្សារអន្តរជាតិនេះ ជាប្រភេទចេកអំបូងលឿង ដោយក្នុងនោះប្រមាណជាង៩០ភាគរយនៃបរិមាណចេក ត្រូវបាននាំចូលទៅកាន់ទីផ្សារប្រទេសចិន៕
