ថ្មីៗនេះ វិទ្យាស្ថានស្ថិតិនៃក្រសួងផែនការ បានបង្ហាញពីប្រាក់ចំណូលសម្រាប់ពលរដ្ឋម្នាក់ៗ (GDP Per Capita) នៅរាជធានីខេត្តទាំង ២៥។
ក្នុងរបាយការណ៍បានបញ្ជាក់ថា ខេត្តព្រះសីហនុឈរនៅលេខ១ ដែលប្រាក់ចំណូលសម្រាប់ពលរដ្ឋម្នាក់មានរហូតដល់ទៅ ៤ ៦០២ ដុល្លារ ខណៈរាជធានីភ្នំពេញឈនៅលេខ២ ក្នុងនោះពលរដ្ឋម្នាក់រកចំណូលបានជាមធ្យម៣.៩១៥ដុល្លារ។ បើធៀបទៅមនុស្សម្នាក់រកចំណូលបានជាមធ្យមក្នុងមួយខែ៣២៦.២៥ដុល្លារ។
ថ្វីបើប្រាក់ចំណូលខ្ពស់គួរសម តែពលរដ្ឋរស់នៅក្នុងរាជធានីភ្នំពេញ មានការចំណាយរៀងខ្ពស់បន្តិច បើធៀបទៅនឹងពលរដ្ឋរស់នៅបណ្តាលខេត្តផ្សេងទៀត។
ភ្នំពេញ គឺជាមជ្ឈមណ្ឌលសេដ្ឋកិច្ច ដែលរួមចំណែកធំនៃអត្រាកំណើនសេដ្ឋកិច្ចរបស់កម្ពុជា ក្នុងរយៈពេលប៉ុន្មានឆ្នាំចុងក្រោយនេះ។
ដង់សុីតេប្រជាជននៅរាជធានីភ្នំពេញ គិតត្រឹមឆ្នាំ២០២៣ មានប្រជាជនសរុបចំនួន២.៣ លាននាក់ និងមានអត្រាប្រជាជនចំនួន៥៧០០ នាក់ ក្នុងមួយគីឡូម៉ែត្រការ៉េ៕
