ថ្មីៗនេះ មហាជនជាច្រើនហាក់មានការចាប់អារម្មណ៍និងវែកញែកព្រៀងព្រាតទៅលើវីដេអូមួយក្នុងបណ្តាញសង្គម ដែលមានប្រភពមកពីប្រទេសចិន បានបង្ហាញឲ្យឃើញពីការសម្តែងក្នុងក្លិ.បកម្សាន្តមួយកន្លែង ដែលមានស្រីៗមួយក្រុមក្នុងឈុតស្លៀកពាក់បែបប្រពៃណី និងធ្វើការរាំបទ«បទមាន់ស្រែ» របស់កញ្ញារ៉ាប៊ី។
យោងតាមការបង្ហោះនៅតាមបណ្តាញសង្គមTik Tok ដោយគណនីមួយដែលមានឈ្មោះថា WWWxiaonian បានបង្ហាញឲ្យឃើញពីទស្សនីភាពសម្តែងនៅក្នុងក្លិបកម្សាន្តមួយកន្លែងដែលមានឈ្មោះថា Xi Shuang Banna ស្ថិតនៅក្នុងខេត្តយូណាន ប្រទេសចិន។ ប៉ុន្តែអ្វីដែលជាការចាប់អារម្មណ៍ខ្លាំងបំផុតនៅទីនោះគឺបានចាក់បទ«មាន់ស្រែ» របស់តារាចម្រៀងស្រីដ៏មានប្រជាប្រិយភាពក្នុងប្រទេសកម្ពុជា គឺកញ្ញារ៉ាបី ។
ទោះជាយ៉ាងណា មហាជនក៏បានកត់សម្គាល់ឃើញថា ស្របពេលដែលកំពុងចាក់ចម្រៀងបទខ្មែរនេះ ក៏មានការសម្តែងពីស្រីៗចំនួនមួយក្រុមនៅក្នុងឈុតសម្លៀកបំពាក់ប្រពៃណី (មិនច្បាស់ថាជារបស់ប្រទេសណាទេ) បាននឹងកំពុងរាំតាមចង្វាក់ភ្លេងនៃបទចម្រៀងនេះ ប៉ុន្តែការរាំនោះគឺនៅក្នុងកាយវិការប្លែកៗ ទើបបានក្លាយទៅជាប្រធានបទវែកញែកព្រោងព្រាតក្នុងចំណោមជនជាតិខ្មែរ។
យោងតាមមតិលើកឡើងពីមហាជននៅក្នុងបណ្តាញសង្គម ដោយអ្នកខ្លះគឺបានលើកឡើងថា «ក្រុមរាំនេះគឺជាជនជាតិតៃយូណាឬតៃលឿ នៅក្នុងខេត្តយូណានប្រទេសចិន»។ អ្នកខ្លះថា«ប្រទេសចិនជាប់សៀម គឺជនជាតិភាគតិចតៃលឿ»។ អ្នកខ្លះថា«នេះជាជនជាតិតៃលឿ (ចិនកាត់ថៃ) អ៊ីចឹងហើយបានជាមានទម្រង់សម្លៀកបំពាក់រាំបែបនេះ»។
អ្នកខ្លះទៀតថា «២០២៤ វប្បធម៌ Mixed»។ អ្នកខ្លះថា «មិនដឹងថាម៉េចទេ តែបើគេរាំហើយយកបទយើងទៅរាំមែនមានអីមិនល្អណ៎បងបទខ្មែយើងល្បី ហើយយើងក៏យកបទគេល្បីៗមករាំតាមដែរតើ»។ អ្នកខ្លះថា«ល្អហើយដែលគេស្រឡាញ់ភាសាបទចម្រៀងខ្មែរនោះ»។ អ្នកខ្លះថា«បទមាន់ស្រែល្បីជាងគេនៅចិន»៕
@modern_md
