យោងតាមគណនីហ្វេកប៊ុកឈ្មោះ Keo Chin Da ដែលបានបង្ហោះនិងអះអាងថាខ្លួនគ្រូបង្រៀនសាលាមួយបានបង្ហាញការត្អូញត្អែរជាខ្លាំង ខណៈសាលាទទួលសិស្សច្រើន តែគ្មានកន្លែងឱ្យអង្គុយរៀនបានត្រឹមត្រូវ។
គណនីហ្វេកប៊ុកឈ្មោះ Keo Chin Da បានបង្ហោះថា៖”ខ្ញុំបង្រៀននៅសាលាកំសត់១នេះជិត១៧ឆ្នាំហើយចំនួនសិស្សចេះតែកើនរាល់ឆ្នាំតែសាលារៀនមានតែ១អគារដដែល…។
• ដោយសារតែខ្វះថ្នាក់ទើបត្រូវប្តូរវេនគ្នាបង្រៀនព្រឹកល្ងាចក៏នៅតែខ្វះថ្នាក់រៀន
• សិស្សខ្លះត្រូវរៀននៅក្នុងបណ្ណាល័យត្រូវអង្គុយផ្ទាល់ដោយក្រាបសរសេរអក្សរ(អាចប៉ះពាល់ដល់ឆ្អឹងខ្នងសិស្សដែរ)
• សិស្សខ្លះត្រូវអង្គុយរៀននៅក្នុងទីចាត់ការបន្ទប់តែមួយតែអ្នកគ្រូបង្រៀនម្ខាងលោកនាយកគាត់ធ្វើការម្ខាង
• ចំណែកសិស្សខ្លះទៀតមានតុអង្គុយរៀនតែត្រូវអង្គុយរៀននៅក្រៅថ្នាក់ដោយសារសិស្សច្រើនពេក។ល។
គួរបញ្ជាក់ផងដែរថា សាលានេះ មានឈ្មោះថា សាលាបឋមសិក្សាជាន់លែង ភូមិថ្មី ស្ថិតនៅភូមិជាំផល ឃុំមានជ័យ ស្រុកសណ្តាន់ ខេត្តកំពង់ធំ៕
