Jennie សមាជិកក្រុម BLACKPINK កំពុងសាងប្រជាប្រិយភាពក្នុងនាមជាសិល្បករទោល ដោយថ្មីៗនេះ Jennie សម្រេចបានជោគជ័យដ៏សំខាន់មួយដោយមានការឈានដល់ការស្តាប់ចំនួន ១ ពាន់លាននៅលើ Spotify ។ អ្វីដែលគួរឱ្យចាប់អារម្មណ៍ Jennie គឺជាតារា K-Pop នារីដំបូងគេដែលឈានដល់ស្នាដៃនេះដោយមិនបញ្ចេញអាល់ប៊ុមទោល។
Jennie មានបទចម្រៀងចំនួន ៣ រួមជាមួយការសហការជាមួយ The Weekend នៅលើកម្មវិធីតន្រ្តី Spotify បទរបស់នាងនិងមានការស្ទ្រីមចំនួន ៥០០លានដងក្នុងរយៈពេលត្រឹមតែមួយឆ្នាំប៉ុណ្ណោះ។ ស្នាដៃដ៏គួរឱ្យចាប់អារម្មណ៍នេះបានធ្វើឱ្យមានការរំភើបជាច្រើនទៅលើ Jennie ជាពិសេសនៅពេលដែលអ្នកគាំទ្ររំពឹងយ៉ាងអន្ទះសារចំពោះអាល់ប៊ុមទោលរបស់នាងដែលពួកគេទន្ទឹងរង់ចាំអស់ជាច្រើនឆ្នាំ។
បទចម្រៀងរបស់ Jennie កំពុងទទួលបានប្រជាប្រិយភាពកើនឡើងគួរឱ្យកត់សម្គាល់ ដោយមានអ្នកស្តាប់ថ្មីៗរាប់ពាន់នាក់ជារៀងរាល់ថ្ងៃនៅលើប្រវត្តិរូប Spotify របស់នាង។ ចាប់ពីពេលចាប់ផ្តើម អ្នកស្តាប់ប្រចាំខែរបស់នាងបានកើនឡើងយ៉ាងខ្លាំង ដោយឈានដល់កម្រិតកំពូលគួរឱ្យចាប់អារម្មណ៍ចំនួនជាង២៥លានដង។ ស្នាដៃនេះធ្វើឱ្យ Jennie ក្លាយជាសិល្បករទោលនារីកូរ៉េតែម្នាក់គត់ដែលឈានដល់ចំនួននេះ។
លើសពីនេះទៀត Jennie និងមិត្តរួមក្រុម BLACKPINK របស់នាង Lisa គឺជាតារា K-pop នារីតែមួយគត់ដែលមានអ្នកស្តាប់ ២៥ លាននាក់ប្រចាំខែនៅលើ Spotify ។ សមិទ្ធិផលនេះបង្ហាញពីប្រជាប្រិយភាព និងឥទ្ធិពលផ្ទាល់ខ្លួនរបស់ពួកគេ ដែលលើសពីភាពជោគជ័យរួមរបស់ពួកគេនៅក្នុងក្រុម BLACKPINK ។
សូមបញ្ជាក់ផងដែរថា បទរបស់ Jennie មានដូចជា «Solo», «You & Me» និងបទ «One of the Girls » ខណៈមិត្តរួមក្រុមសុទ្ធតែមានអាល់ប៊ុលទោរៀងខ្លួនដូចជា Rosé បានចេញអាល់ប៊ុលទោល «R» Lisa មានអាល់ប៊ុមទោល «Lalisa» និង Jisoo មានអាល់ប៊ុមទោល «Me»៕
