បរទេស៖ កំពូលតារាចម្រៀងរបស់ពិភពលោក Taylor Swift ត្រូវបានប្រកាសដោយទស្សនាវដ្តី Time ថាជាបុគ្គលឆ្នើមប្រចាំឆ្នាំ ២០២៣ ដោយសារឥទ្ធិពលដ៏អស្ចារ្យរបស់នាងនៅក្នុងតន្ត្រី ហើយក៏ជានិមិត្តរូបសិល្បករតន្ត្រីដ៏មានអំណាចបំផុតរបស់អាមេរិកផងដែរ។
យោងតាមប្រភពព័ត៌មាន TIME Magazine បានឱ្យដឹងថា Taylor Swift បានទទួលពានរង្វាន់ជា “បុគ្គលឆ្នើមប្រចាំឆ្នាំ” របស់ទស្សនាវដ្តី TIME កាលពីថ្ងៃទី៥ ខែធ្នូកន្លងទៅ បន្ទាប់ពីនាងបានចាប់ផ្តើមដំណើរទេសចរណ៍ពិភពលោកដែលបំបែកកំណត់ត្រាពិភពលោក និងក្លាយជាសិល្បករតន្ត្រីដែលមានការផ្សាយច្រើនជាងគេបំផុតរបស់ពិភពលោកក្នុងឆ្នាំ ២០២៣។:max_bytes(150000):strip_icc():focal(599x0:601x2)/TIME-taylor-swift-person-of-the-year-tout-2-4c44d6e92daf41b195e4facdd51b4211.jpg)
ទស្សនាវដ្តីនេះបាននិយាយនៅក្នុងការប្រកាសថា សិល្បករតន្ត្រីដ៏អស្ចារ្យរបស់អាមេរិក Taylor Swift បានឈ្នះពានរង្វាន់នេះក្នុងរយៈពេលជិត ២ ទសវត្សរ៍នៃកិត្តិនាម និងឥទ្ធិពលរបស់នាងបានឈានដល់កម្រិតកំពូល។ នាងជាមនុស្សដំបូងគេក្នុងវិស័យសិល្បៈដែលទទួលបានកិត្តិយសសម្រាប់ភាពជោគជ័យដោយការចុះសម្រុងគ្នាទាំងផ្នែកសិល្បៈ និងពាណិជ្ជកម្ម។
កន្លងមកសិល្បករវ័យ ៣៣ ឆ្នាំរូបនេះបានចំណាយពេលមួយឆ្នាំក្នុងការធ្វើដំណើរជុំវិញពិភពលោកនៅលើ “Eras Tour” របស់នាងដោយបង្ហាញពីតន្ត្រីនៃអាជីពរបស់នាងទាំងមូល និងបំបែកកំណត់ត្រាសម្រាប់ការលក់សំបុត្រ រួមទាំងជំរុញសេដ្ឋកិច្ចនៃទីក្រុងទាំងអស់ដែលនាងបានទៅទស្សនាផងដែរ។
Taylor Swift បាននិយាយនៅក្នុងការប្រកាសរបស់ទស្សនាវដ្តី TIME ថា “នេះគឺជាមោទនភាព និងរីករាយបំផុតដែលខ្ញុំធ្លាប់មាន ហើយការធ្វើដំណើរជុំវិញពិភពលោកនៅលើ “Eras Tour” នេះគឺប្រកបដោយភាពច្នៃប្រឌិត និងសេរីភាពបំផុតដែលខ្ញុំធ្លាប់មាន” ។
TIME គឺជាទស្សនាវដ្តីព័ត៌មានអាមេរិកដ៏ល្បីល្បាញដែលមានមូលដ្ឋាននៅទីក្រុងញូវយ៉ក។ ទស្សនាវដ្តីនេះតែងតែប្រគល់ពានរង្វាន់ដល់ប្រធានាធិបតីអាមេរិកស្ទើរតែគ្រប់រូប ចាប់តាំងពីការបង្កើតឡើងក្នុងឆ្នាំ ១៩២៧ មកម្លេះ។ កាលពីឆ្នាំ ២០២២ ប្រធានាធិបតីអ៊ុយក្រែនលោក Volodymyr Zelensky បានទទួលពានរង្វាន់ជាបុគ្គលឆ្នើមប្រចាំឆ្នាំ ហើយនៅឆ្នាំ ២០២១ ពានរង្វាន់នេះគឺជាកម្មសិទ្ធិរបស់មហាសេដ្ឋី Elon Musk ជាមួយនឹងផែនការរបស់គាត់ដើម្បីយកមនុស្សជាតិចេញពីផែនដី៕
