មានការចាប់អារម្មណ៍យ៉ាងខ្លាំងទៅលើទឹកដមសំឡេងរបស់កូនប្រុសច្បងតារាចម្រៀង យក់ ថិតរដ្ឋា និងលោក ឃុំ ប៉ុណ្ណាដែត គឺ ឃុំរដ្ឋា ណាលីដូ ដែលអាចបកស្រាយបទចម្រៀងបានយ៉ាងពីរោះមិនចាញ់ឪពុកម្តាយនោះទេ ពោលគឺមានឈាមជ័រជាអ្នកសិល្បៈពេញខ្លួនតែម្តង។
កាលពីពេលថ្មីៗនេះមានវីដេអូមួយបានចែកចាយលើបណ្តាញសង្គមទិកតុកដោយក្នុងវីដេអូនោះគឺជាអ្នកនាង ហង្ស សុជាតា និងកំលោះសង្ហា ឃុំរដ្ឋា ណាលីដូ។ អ្វីដែលកាន់តែធ្វើឱ្យអ្នកលេងបណ្តាញសង្គមមានការចាប់អារម្មណ៍ខ្លាំងនោះគឺទឹកដមសំឡេងរបស់ ណាលីដូ ពីរោះមិនចាញ់ឪពុកនិងម្តាយឡើយស្ទើរតែដូចជាតារាចម្រៀងអាជីពទៅហើយ។
ឃុំរដ្ឋា ណាលីដូ បានបកស្រាយបទចម្រៀងមានចំណងជើងថា «ខ្លាចអូនប្រាប់ថាបែកម្តងទៀត» ដែលជាសំនៀងដើមរបស់តារាចម្រៀង ហ្សូណូ ។ តាមរយៈការបកស្រាយមួយបទនេះរូបគេអាចអន្រួនឱ្យមហាជនកោតសរសើរមិនដាច់ពីមាត់ថា ឃុំរដ្ឋា ណាលីដូ សង្ហាហើយច្រៀងពីរោះទៀត ពីរោះមិនចាញ់ឪពុកនោះទេ។ អ្នកខ្លះថាសំឡេងរបស់គេស្រដៀងលោក សាន ផានិត និងអ្នកផ្សេងទៀតកោតសរសើរថា ណាលីដូ ច្រៀងពីរោះហើយទិកនិកច្រៀងអស់ទាស់តែម្តង។
គួរបញ្ជាក់ថា អ្នកនាង យក់ ថិតរដ្ឋា និងលោក ឃុំ ប៉ុណ្ណាដែត បានរៀបអាពាហ៍ពិពាហ៍ជាមួយគ្នានៅថ្ងៃទី១៣ ខែឧសភា ឆ្នាំ២០០៦ ហើយទទួលបានកូនប្រុសស្រីចំនួន៣នាក់ជាចំណងដៃ ដោយកូនប្រុសច្បងគឺ ឃុំរដ្ឋា ណាលីដូ នេះឯងហើយពេលនេះរូបគេឈានចូលវ័យ១៦ឆ្នាំហើយ៕
@vateytony កូនប្រុសបងស្រីយក់ ថិតរដ្ឋាច្រៀងពិរោះណាស់♥️ឃុំរដ្ឋាណាលីដូ????????#yukthetrotha #coversong #ខ្លាចអូនប្រាប់ថាបែកម្ដងទៀត
♬ original sound – ????Vatey Tony???????? – ????Vatey Tony????????
