សហព័ន្ធបាល់ទាត់កម្ពុជា បានធ្វើការប្រកាសនាំចូលកីឡាករសញ្ជាតិជប៉ុន Yudai Ogawa មកចូលរួមជាមួយក្រុមជម្រើសជាតិកម្ពុជា ត្រៀមចូលរួមប្រកួតជម្រុះព្រឹត្តិការណ៍ World Cup 2026។
មុននឹងផ្លាស់មកទឹកកម្ពុជា កីឡាករវ័យ២៧ឆ្នាំនេះ ធ្លាប់ប្រកបអាជីពនៅក្លិបប្រទេសជប៉ុន Gifu FC បន្ទាប់មកទៅផ្លាស់ទៅលីគប្រទេសប៉ូឡូញ លេងឱ្យក្លិប Widzew Lodz មុននឹងផ្លាស់មកកាន់ក្រុមក្រសួងការពារ នៃលីគកំពូលកម្ពុជា នៅឆ្នាំ២០១៨។
ក្រោយចំណាយពេលបានត្រឹមតែ១ឆ្នាំ នៅក្រុមក្រសួងការពារ Yudai ត្រូវបានផ្លាស់មកកាន់ទឹកដីអង្គរ ដោយចូលរួមជាមួយអង្គរថាយហ្គឺរ។ លុះចំណាយពេលបាន២ឆ្នាំ នៅលើទឹកដីអង្គរ កីឡាករជប៉ុនរូបនេះ ក៏ផ្លាស់មកចូលរួមជាមួយភ្នំពេញក្រោន។
នៅក្នុងរយៈពេល៣ឆ្នាំនេះ Yudai Ogawa បានចូលរួមចំណែកជួយក្លិបភ្នំពេញក្រោន ឈ្នះពានជាច្រើនរួមមាន៖
• ខេមបូឌានព្រីមៀរលីគ២លើក
• ខេមបូឌានស៊ូភើខាប់២លើក
• ពានរង្វាន់ខេមបូឌានលីគខាប់២លើក
