មហារីកពោះវៀនធំ គឺជាជំងឺមួយដែលចាប់ផ្តើមដោយការវិវត្តនៃដុំពកនៅក្នុងពោះវៀន ហើយវិវត្តទៅជាមហារីកក្នុងរយៈពេល ១០-១៥ ឆ្នាំ។ រោគសញ្ញានឹងបង្ហាញឡើងនៅពេលដែលជំងឺនេះបានឈានដល់ដំណាក់កាលចុងក្រោយ។ មហារីកពោះវៀនធំភាគច្រើនកើតឡើងចំពោះស្ត្រី ហើយកត្តាសំខាន់មួយដែលធ្វើឱ្យកើតជំងឺមហារីកគឺអាហារ ព្រោះអាហារមួយចំនួនដែលយើងបរិភោគសព្វថ្ងៃនេះមានជាតិពុលខ្លាំង ដែលអាចធ្វើឱ្យរាងកាយរលាក ហើយពេលទទួលទានយូរៗទៅវាអាចជាប្រភពនៃជំងឺមហារីក។
ដូច្នេះ ដើម្បីកាត់បន្ថយហានិភ័យនៃជំងឺមហារីកពោះវៀនធំ យើងគួរអនុវត្តដូចខាងក្រោម៖
១.កាត់បន្ថយអាហារសម្បូរខ្លាញ់ដូចជា អាហារដុត ឬអាហាររហ័សផ្សេងៗ។
២.កាត់បន្ថយអាហារចៀន ជាពិសេសអាហារចៀនក្នុងប្រេងដែលប្រើឡើងវិញ។
៣.កាត់បន្ថយការទទួលទានសាច់កែច្នៃ ដូចជាប្រហិត សាច់ក្រកជាដើម។
៤.ឈប់ជក់បារី និងកាត់បន្ថយការប្រើប្រាស់គ្រឿងស្រវឹង។
៥.ត្រូវរក្សាទម្ងន់ក្នុងដែនកំណត់ស្តង់ដារ។
៦.ញ៉ាំអាហារដែលមានជាតិសរសៃឱ្យបានច្រើន ដូចជាបន្លែ ផ្លែឈើ គ្រាប់ធញ្ញជាតិផ្សេងៗ សណ្តែក និងអង្ករសំរូប…។
រោគសញ្ញាទូទៅនៃជំងឺមហារីកពោះវៀនធំរួមមាន៖
-ការទល់លាមកញឹកញាប់
-ការបន្ទោរបង់ញឹកញាប់
-លាមកមានទឹករំអិល ឬអាចមានឈាមស្រស់ក្នុងលាមក
-ទំហំនៃលាមកកាន់តែតូច ហើយមានពណ៌ស្លេកខុសធម្មតា
-ឧស្សាហ៍ឈឺពោះ ចុកពោះ ឬហើមពោះ…។
វិធីការពារមហារីកពោះវៀនធំ៖
មនុស្សដែលមានអាយុចាប់ពី ៥០ ឆ្នាំឡើងទៅគួរតែពិនិត្យរកមើលជំងឺមហារីកពោះវៀនធំដោយរកឈាមក្នុងលាមកមួយឆ្នាំម្តង។ ប្រសិនបើមានភាពខុសប្រក្រតី អ្នកត្រូវធ្វើការឆ្លុះពោះវៀនធំ។ ក្នុងករណីដែល polyps ឬភាពមិនប្រក្រតីត្រូវបានរកឃើញនៅក្នុងពោះវៀនធំ វេជ្ជបណ្ឌិតនឹងធ្វើកោសល្យវិច័យនៃតំបន់នេះសម្រាប់ការធ្វើរោគវិនិច្ឆ័យបន្ថែម។ ដូច្នេះហើយ ជាលទ្ធផល ការពិនិត្យព្យាបាលមានប្រសិទ្ធភាព និងមានឱកាសខ្ពស់ក្នុងការជាសះស្បើយពីជំងឺ៕
ប្រភព៖sanook
