យោងតាមគណនីឈ្មោះ Houy Chen បានបង្ហោះសារមួយ អមជាមួយនឹងវីដេអូ និងរូបភាពប៉ុន្មានសន្លឹក ដោយបានចោទប្រកាន់ទៅលើក្មេងស្រី ដែលមានគ្នាជិត១០នាក់ ថាបានព្រួតវាយ ប្អូនស្រីរបស់ខ្លួន។
គណនីឈ្មោះ Houy Chenបានបង្ហោះថា៖” ពួកក្មេងទំនើងរៀនថ្នាក់ទី7 នៅសាលាវិទ្យាល័យបាក់ទូក ប៉ុន្មានអ្នកក្នុងរូបថតនឹងបានវៃព្រួតប្អូនខ្ញុំ7-8នាក់ ហើយថតវីដេអូ ថតរូបចឹងៗផុសរូបទៀត ហើយគម្រាមគ្នា(តែចូលរៀនវាឃើញវាវ៉ៃ) រឿង1ខែហើយគ្នាខ្លាចគ្នាអត់ហ៊ានប្រាប់អ្នកផ្ទះទេ រហូតដល់ថ្ងៃនេះម៉ាក់គាត់ឆែកទូរស័ព្ទបានឃើញគាត់Saveទុកក្នុងទូរស័ព្ទ ដោយសារការគម្រាម គាត់សុខចិត្ដអត់ចូលសាលាជិត1ខែ រហូតដល់គ្រូCallមកប្រាប់ម៉ាក់ប៉ាខ្ញុំ ហើយក្នុងវីដេអូនឹងពួកក្មេងទំនើងប៉ុន្មានអ្នកនឹងបានបបួលប្អូនខ្ញុំឱ្យឡើងទៅអគារស្ងាត់ដើម្បីព្រួតគ្នាវ៉ៃឥឡូវគ្នាមានសម្ពាធណាស់ ខ្លាចរហូតចង់កើតជំងឺបាក់ទឹកចិត្ដហើយ អត់ហ៊ានចូលរៀនទេបងប្អូនមើលរូបនឹងវីដេអូនឹងហើយជួយគិតមើលថាក្រុមក្មេងទំនើងនឹងសាហាវពិនណា ជួយគ្នាShareឱ្យគ្រួសារគាត់បានឃើញផង (ប្អូនគេប្អូនយើង)”។
មិនតែប៉ុណ្ណោះ យុវតីម្នាក់នៅក្នុងចំណោមជនបង្ក ដែលវាយទៅលើជនរងគ្រោះបានចូលមកបញ្ចេញមតិ (comment) ថា” ខ្លួនគ្រាន់តែវាយលេងៗសោះ ហើយក៏បានឆាតទៅសូមទោសជនរងគ្រោះរួចរាល់ដែរ”។
តែយ៉ាងណាមិញ ក្រុមគ្រួសារជនគ្រោះ ក៏បានដាក់ពាក្យបណ្តឹងរួចរាល់ហើយដែរ រងចាំតែដីកាចាំខ្លួន និងនាំខ្លួនជនបង្កមកធ្វើតាមច្បាប់តែប៉ុណ្ណោះ៕
