រូបមន្តធម្មជាតិ ៤ យ៉ាងដើម្បីបំបាត់ស្លាកស្នាមលើដងខ្លួនយ៉ាងមានប្រសិទ្ធភាព

កាលដែលយើងមានស្លាកស្នាមលើដងខ្លួន ពិតណាស់មិនថានារីឬបុរសនោះទេនឹងមិនសូវមានទំនុកចិត្តលើការស្លៀកពាក់ ព្រោះខ្លាចគេឃើញដៃជើង ឬដងខ្លួនយើងមិនស្អាត។ ប៉ុន្តែឈប់បារម្ភនឹងបញ្ហានេះទៀតទៅដើម្បីបំបាត់ស្លាកស្នាមលើដងខ្លួនបាន យើងត្រូវសាកល្បងអនុវត្តរូបមន្តធម្មជាតិដូចខាងក្រោម៖

១.ប្រទាលកន្ទុយក្រពើ៖ ប្រទាលកន្ទុយក្រពើ គឺសម្បូរទៅដោយសារធាតុប្រូតេអ៊ីនដែលជួយឱ្យមុខរបួសលើស្បែកឆាប់សះស្បើយ និងធ្វើឱ្យឈាមរត់ស្រួល។ ចំណែកវិធីធ្វើក៏មានលក្ខណៈងាយស្រួលដែរ ដោយអ្នកគ្រាន់តែកោសយកជែលនៅខាងក្នុង លាបលើស្លាកស្នាម ហើយបន្តធ្វើវាឱ្យបាន ៣ ដងក្នុងមួយសប្តាហ៍ និងព្យាយាមអនុវត្តបែបនេះជារឿយៗនោះអ្នកនឹងទទួលលិទ្ធផលល្អ។

២.ប្រេងដូង៖ ប្រេងដូងមានលក្ខណៈសម្បត្តិជួយព្យាបាលរបួស និងកាត់បន្ថយស្លាកស្នាមបានយ៉ាងល្អ ដោយអ្នកអាចលាបប្រេងដូងលើស្នាមរបួសពីរដងក្នុងមួយថ្ងៃ និងព្យាយាមអនុវត្តបែបនេះឱ្យទៀងទាត់នោះអ្នកនឹងទទួលបានលិទ្ធផលល្អ។

៣.ក្រូចឆ្មារ៖ ក្រូចឆ្មារមានលក្ខណៈសម្បត្តិជួយជម្រុះកោសិកាស្បែកដែលចាស់ៗ និងកាត់បន្ថយស្លាកស្នាមបានយ៉ាងមានប្រសិទ្ធភាព។ របៀបធ្វើ យកក្រូចឆ្មារមួយផ្លែ ច្របាច់យកទឹក ហើយយកទៅលាយជាមួយទឹកខ្ញី និងលាបវាលើស្នាម ៣ ដងក្នុងមួយសប្ដាហ៍ ប្រសិនបើស្នាមនោះមានរយៈពេលយូរមកហើយ។

៤.ខ្ញី៖ ខ្ញីគឺជាអង់ទីអុកស៊ីដង់ប្រឆាំងនឹងភាពចាស់ដែលល្អជាងវីតាមីន E ព្រោះវាមានសារធាតុប្រឆាំងអុកស៊ីតកម្ម ១២ យ៉ាងពិសេសល្អសម្រាប់ស្នាមសម្លាកយូរៗ។ គ្រឿងផ្សំ ត្រូវយកខ្ញីស្រស់កាត់ជាចំណិតស្ដើងៗ បន្ទាប់មកយកទៅបិទលើស្បែកដែលមានស្នាម ទុករយៈពេល ២០ នាទី រួចលាងសម្អាតជាមួយទឹកត្រជាក់ជាការស្រេច៕ ប្រភព៖sanook