កីឡាការិនី វុិត ចន្ថា បានបង្កើតនូវកំណត់ថ្មីមួយទៀត ដែលមិនទាន់មានអត្តពលិកជនពិការកម្ពុជា រូបណាអាចធ្វើបាន គឺការឈ្នះបានមេដាយមាស ៣ តែម្នាក់ឯង នៅក្នុងការប្រកួតអាស៊ានប៉ារ៉ាហ្គេម។
ការឈ្នះបានមេដាយមាស៣របស់ វ៉ិត ចន្ថា កើតឡើងទៅលើ៣វិញ្ញាសាផ្សេងគ្នា៖
- ការរត់ប្រណាំងចម្ងាយ២០០ម៉ែត្រ (Women’s 200m T64)
- លោតចម្ងាយ
- ការរត់ប្រណាំងចម្ងាយ ៤០០ ម៉ែត្រ ប្រភេទ T64
តាមរយៈលទ្ធផលដ៏ល្អឥតខ្ចោះនេះ បានជួយឱ្យ កីឡាការិនី វុិត ចន្ថា អាចបំបែកឯតទគ្គកម្មចាស់របស់ខ្លួនបាន ដោយកាលពីប្រកួតអាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូនេស៊ី រូបនាងបានឈ្នះមេដាយមាស លើវិញ្ញាសាលោតចម្ងាយ និងរត់ប្រណាំងចម្ងាយ ៤០០ ម៉ែត្រ T64 រីឯការរត់ប្រណាំង២០០ម៉ែត្រ កីឡាការិនីរបស់កម្ពុជារូបនេះ បានឈ្នះមេដាយប្រាក់៕
