កូរ៉េខាងត្បូងចាប់ផ្តើមយុទ្ធនាការដើម្បីសន្សំសំចៃអគ្គិសនី

កូរ៉េខាងត្បូង៖ អាកាសធាតុក្តៅអូសបន្លាយបានធ្វើឱ្យការប្រើប្រាស់អគ្គិសនីរបស់ប្រជាជនកើនឡើងយ៉ាងខ្លាំង ដែលបង្ខំឱ្យរដ្ឋាភិបាលទីក្រុងសេអ៊ូលចាប់ផ្តើមយុទ្ធនាការសន្សំប្រាក់។
គោលដៅរបស់រដ្ឋាភិបាលទីក្រុងសេអ៊ូលគឺ ដើម្បីលើកកម្ពស់ការយល់ដឹងអំពីទម្លាប់នៃការសន្សំសំចៃអគ្គិសនី ជាពិសេសនៅក្នុងហាង និងផ្សារទំនើប។ ចាប់ពីខែមិថុនាដល់ខែសីហា បុគ្គលិកទីក្រុងប្រហែល ១៥០ នាក់នឹងទៅតំបន់ដែលមមាញឹកបំផុតរួមមានតំបន់ Myeongdong, Hongdae និង Gangnam ដើម្បីរំលឹកហាងឱ្យបិទទ្វារនៅពេលបើកម៉ាស៊ីនត្រជាក់ នឹងបិទទ្វារទូទឹកកកនៅខាងក្នុងផ្សារទំនើបជាដើម។

យុទ្ធនាការនេះក៏បានលើកទឹកចិត្តដល់ប្រជាពលរដ្ឋកុំឱ្យពាក់អាវយឺត ឬខោខ្លី ដើម្បីការពារសុខភាព និងជៀសវាងកម្តៅថ្ងៃ។ មន្ត្រីសាលាក្រុងក៏បានទៅដល់សិស្សានុសិស្សប្រហែលមួយលាននាក់ ដើម្បីផ្សព្វផ្សាយយុទ្ធនាការនេះ។ ទីក្រុងសេអ៊ូលបានសហការជាមួយសាជីវកម្មថាមពលអគ្គិសនីកូរ៉េ និងទីភ្នាក់ងារថាមពលកូរ៉េ ដើម្បីដំណើរការការផ្សាយពាណិជ្ជកម្មប្រចាំខែទូទាំងទីក្រុង តាមរយៈផ្លាកសញ្ញា ស្ថានីយ៍រថភ្លើង ចំណតរថយន្តក្រុង និងអេក្រង់ជណ្តើរយន្ត…។ គន្លឹះសន្សំថាមពលត្រូវបានចែករំលែកជាទៀងទាត់តាមរយៈវិទ្យុ ទូរទស្សន៍ និងប្រព័ន្ធផ្សព្វផ្សាយ។ បន្ថែមពីលើយុទ្ធនាការទូទៅរបស់ទីក្រុង ការិយាល័យខណ្ឌទាំង ២៥ ក្នុងទីក្រុងសេអ៊ូលនឹងចាប់ផ្តើមកម្មវិធីផ្ទាល់ខ្លួនរបស់ពួកគេ ដែលនឹងរួមបញ្ចូលការឃ្លាំមើលអគារណាដែលមានការប្រើប្រាស់អគ្គិសនីខ្ពស់ និងសុំឱ្យពួកគេសន្សំប្រាក់។

សម្រាប់អគារចំនួន ៤៥០ ដែលប្រើប្រាស់ថាមពលយ៉ាងច្រើន ក៏ដូចជាអាជីវកម្មដែលប៉ះពាល់ដល់បរិស្ថាន ទីក្រុងក៏បានរៀបចំការប្រកួតប្រជែងដើម្បីសាងសង់គំរូសន្សំសំចៃថាមពលផងដែរ។ ហើយក្នុងនោះអ្នកដែលកាត់បន្ថយការប្រើប្រាស់ថាមពលអគ្គីសនីច្រើនបំផុតគឺឈ្នះ និងទទួលបានរង្វាន់ពីរាជរដ្ឋាភិបាលទៀតផង។ សម្រាប់គ្រួសារណាដែលមានប្រាក់ចំណូលទាប រដ្ឋាភិបាលបានផ្តល់កង្ហារអគ្គិសនីដោយឥតគិតថ្លៃ និងភួយរដូវក្តៅ ក៏ដូចជាការគាំទ្រផ្នែកខ្លះសម្រាប់វិក្កយបត្រអគ្គិសនីរបស់ប្រជាពលរដ្ឋផងដែរ៕ ប្រភព៖vnexpress