បុរសម្នាក់មកពីរដ្ឋ Andhra Pradesh នៃប្រទេសឥណ្ឌាបានជួបនូវហេតុការណ៏សោកនាដកម្មមួយ បានទទួលមរណភាពដោយសារគាំងបេះដូងអំឡុងពេលទស្សនាភាពយន្ត “Avatar: The Way of Water”។
ជនរងគ្រោះមានឈ្មោះថា Lakshimireddy Srinu តាមសាក្សីដែលជាប្អូនប្រុសគាត់ឈ្មោះ Raju លើកឡើងថាគាត់បានដួលធ្លាក់ពីកៅអីពេលកំពុងមើលរឿង ភ្លាមៗជនរងគ្រោះត្រូវបានបញ្ជូនទៅកាន់មន្ទីពេទ្យរដ្ឋ Peddapuram តែជាអកុសលជនរងគ្រោះត្រូវគ្រូពេទ្យបញ្ជាក់ថាបានផុតដង្ហើមបាត់ទៅហើយ។
តាមវេជ្ជបណ្ឌិតបាននិយាយថា ជនរងគ្រោះមានភាពរំភើបពេកពេលទស្សនា Avatar 2 ធ្វើឲ្យសម្ពាធឈាមគាត់ហក់ឡើងខ្ពស់ បណ្ដាលឲ្យមានហេតុការណ៏នេះកើតឡើងតែម្ដង។
គួរបញ្ជាក់ផងដែរថា កាលពីឆ្នាំ 2010 ក៏មានឧប្បត្តិហេតុការណ៏កើតឡើងស្រដៀងនេះដែរ មានបុរសជនជាតិតែវ៉ាន់អាយុ 42 ឆ្នាំម្នាក់បានគាំងបេះដូងស្លាប់ពេលទស្សនាភាពយន្ត Avatar វគ្គ 1៕
ប្រភព៖ Wio News
