រាជធានីភ្នំពេញ ៖ ថ្មីៗនេះក្រោយមានមតិរិះគន់យ៉ាងព្រាត រឿងស្លៀករ៉ូបស្បៃឆ្លុះឃើញសាច់ច្បាស់ៗទាំងផ្ទៃពោះធំ សិចស៊ីបំផុត ក្នុងថ្ងៃខួបកំណើតកាលពីថ្ងៃទី០៨ សីហានោះ តារាសម្ដែងអ្នកនាង ជា ម៉ារី បានសរសេរសារតបទៅអ្នករិះគន់នោះវិញ ។
សាររបស់អ្នកនាង ជា ម៉ារី វាយបកវិញយ៉ាងដូច្នេះថា «យ៉ាប់ណាស់ ប្រហែលគាត់មិនដែលនាំក្រុមគ្រួសារគាត់ ទៅហែលទឹកហើយ បានគាត់មិនដឹងថា កន្លែងហេតុតែគេពាក់បែបម៉េច ។ អូ…ខ្ញុំភ្លេចប្រាប់ថា ខ្ញុំមិនបានចង់ល្បីទេ បើខ្ញុំចង់ល្បី ខ្ញុំឲ្យលុយអ្នកកាសែត ចុះបាត់ហើយ នេះខ្ញុំផុសក្នុងគណនីផ្ទាល់ខ្លួនរបស់ខ្ញុំ ជីវិតឯកជនរបស់ខ្ញុំ ហើយកន្លែងធ្វើខួបខ្ញុំម៉ៅដាច់ សម្រាប់ធ្វើ Bikini Party ពូស្គាល់ Bikini Party អត់ ? បើអត់ស្គាល់ ពូអាចទៅសួរកន្លែងហែលទឹកបានថា ពេលហែលទឹក គេពាក់បែបម៉េច ? » ។
តារាសម្ដែងអ្នកនាង ជា ម៉ារី លើកឡើងបែបនេះបន្ទប់ពីមានមហាជនរិះគន់ព្រោងព្រាត ពេញនៅលើបណ្តាញសង្គមហ្វេសប៊ុកនៅក្នុងប្រទេសកម្ពុជា ។ ជាស្តែងមានគណនីមួយបានរិះគន់ «តិចថា បរទេសអីទៅ! អតីតតារាសម្ដែងអ្នកនាង ជា ម៉ារី សោះ! ពោះធំស្លៀក លីអូ ធ្វើខួបកំណើត អញ្ចឹងបានឡូយ! ហឺ…! អាសូរ វប្បធម៌ ប្រពៃណី ទំនៀមទម្លាប់ ខ្មែរយើងណាស់» ។
សូមជម្រាបដែរថា ពិធីខួបកំណើតរបស់ ជា ម៉ារី បានធ្វើឡើងនៅភោជនីយដ្ឋានមួយកាលពីថ្ងៃទី០៨ សីហា កន្លងទៅ ដោយមានការចូលរួមពីសំណាក់មិត្តភក្តិជាច្រើន ហើយក្នុងនាមជាម្ចាស់កម្មវិធី ស្រីស្អាត ជា ម៉ារី ដែលមានផ្ទៃពោះខ្ទាតធំទៅហើយនោះ បានលេងស្ទីលស្លៀករ៉ូបស្តើងពណ៌សមើលទៅឆ្លុះឃើញសាច់ច្បាស់ៗ ពិតជាប្លែក ។ ដោយឡែកអ្នកចូលរួមក៏មានការតុបតែងខ្លួនបែបសិចស៊ីទាក់ទាញដូចគ្នានេះដែរ ។ ជាមួយនឹងរូបភាពដ៏ស្រស់ស្អាតជាច្រើនសន្លឹករបស់ ជា ម៉ារី និង ស្វាមីមើលទៅពិតជាផ្អែមល្ហែម ។
ដោយសារតែម្ចាស់ខួបផ្ទាល់រូបនេះ និងភ្ញៀវកិត្តិយស តម្រូវឲ្យស្លៀកនៅឈុតហែលទឹកប្រភេទប៊ីគីនី បែបនេះ ទើបក្រោយពីមហាជនជាច្រើនបានឃើញទិដ្ឋភាពក្នុងពិធីនោះ ហាក់ដូចជាស្លៀកឈុតស៊ិចស៊ី ក៏មានការរិះគន់លើអ្នកនាង ជា ម៉ារី ជាច្រើនផងដែរ ៕
https://1.bp.blogspot.com/-_UQ4tizFgVk/XzJDMmt42QI/AAAAAAAAJ_g/JMTz53fTwOMcM7yeFmTsHkvVW0dtwnK8gCLcBGAsYHQ/s960/116693203_2679874022270952_4826175515395059476_o.jpg
https://1.bp.blogspot.com/-gK33aGQ-qow/XzJDOM3Qb2I/AAAAAAAAJ_4/vVMtz3adJoM8a5-eiYIHTZQpW4B5wmlZwCLcBGAsYHQ/s959/117182623_1215061425525185_7627131357095762891_o.jpg
