ខេត្តកណ្ដាល ៖ កូនប្រុសតិរច្ឆានម្នាក់ងុបងល់ប្រើប្រាស់ថ្នាំញៀន រហូតប្រពន្ធរត់ចោល ស្រាប់តែតណ្ហាពុះកញ្ជ្រោលឡើង សុំម្តាយបង្កើតរបស់ខ្លួន រួមភេទជាមួយ ជាច្រើនលើកច្រើនសារ ម្តាយមិនព្រម រូបគេគំរាមសម្លាប់ម្តាយ ទើបស្ត្រីរងគ្រោះទ្រាំនឹងអំពើថោកទាបរបស់កូនប្រុសលែងបានក៏សម្រេចប្តឹងឲ្យសមត្ថកិច្ចចុះចាប់ខ្លួនយកទៅចាត់ការតាមច្បាប់ ។
ករណីកូនប្រុសគំរាមម្តាយបង្កើតដើម្បីរួមភេទជាមួយនេះ បានកើតមានឡើងនៅម៉ោង២យប់រំលងអធ្រាត្រឈានចូលថ្ងៃទី២៣ មេសា ២០១៩នេះ ហើយត្រូវសមត្ថកិច្ចចាប់ខ្លួនបានកាលពីវេលាម៉ោង៩ព្រឹក ថ្ងៃដដែលនេះ នៅចំណុចក្នុងផ្ទះជនសង្ស័យ ដែលមានទីតាំងស្ថិតនៅភូមិព្រៃមាន់ ឃុំព្រៃពូច ស្រុកអង្គស្នួល ខេត្តកណ្តាល ។
កូនប្រុសតិរច្ឆានមានឈ្មោះប្រាក់ ឡា អាយុ៣៣ឆ្នាំ ជនជាតិខ្មែរ មុខរបរមិនពិត បច្ចុប្បន្នរស់នៅទីតាំងខាងលើ មានប្រពន្ធ(រត់ចោល) និងកូនស្រី២នាក់ ព្រមទាំងកូនប្រុសម្នាក់ នៅក្នុងបន្ទុក ។
បើតាមសម្តីស្ត្រីរងគ្រោះជាម្តាយអាយុ៦០ឆ្នាំ ជនជាតិខ្មែរ មុខរបរកសិករ បានរៀបរាប់ប្រាប់ថា កូនប្រុសអកតញ្ញូរូបនេះ ធ្លាប់មានប្រពន្ធម្នាក់ មានកូន៣នាក់ ហើយតែដោយសារការកូនប្រុសគំនិតថោករូបនេះ តែងតែប្រព្រឹត្តគ្រឿងញៀន និងថែមទាំងមានចរិតកោងកាច វាយធ្វើបាបប្រពន្ធកូនមិនស្វាង ទើបគ្មានប្រពន្ធកូនណាអាចទ្រាំរួមរស់ជាមួយបាន ដោយសារតែមិនអាចទ្រាំទ្របានប្រពន្ធរបស់គេ ក៏បានរត់ចោលបាត់ដែលរហូតមកដល់ពេលនេះ មានរយៈពេលជាង១ខែ មកហើយ ។
ស្ត្រីជាម្តាយ បានបន្តឲ្យដឹងថា ក្រោយពេលប្រពន្ធរត់ចោលបាត់ កូនតិរច្ឆានម្នាក់នេះ មានចំណង់តណ្ហាពុះកញ្ជ្រោល ស្រាប់តែសុំរូបគាត់ដែលជាម្ដាយបង្កើត រួមរ័កជាមួយខ្លួន ប៉ុន្តែគាត់មិនព្រមទេ ហើយបានណែនាំកូន កុំឲ្យធ្វើបែបនេះ ក៏កូនប្រុសរូបនេះបានយកកាំភ្លើង១ដើមច្រកក្នុងការុង ដែលកប់ចោលក្នុងដី ក្បែរផ្ទះ មកគំរាមរូបគាត់ឲ្យខ្លាច ដើម្បីឲ្យយល់ព្រមរួមរ័កជាមួយរូបគេថែមទៀត ។
ស្ត្រីជាម្តាយ បានបានបញ្ជាក់ទាំងទឹកភ្នែកថា អ្វីដែលធ្វើឲ្យគាត់នឹកស្មានមិនដល់ និងហួសចិត្តបំផុតនោះ គឺព្រោះតែឥទ្ធិពលគ្រឿងញៀនធ្វើកូនប្រុសអប្រិយនេះ លែងស្គាល់ល្អ អាក្រក់ក្លាយជាមនុស្សតិរច្ឆាន ហ៊ានគំរាមដើម្បីបានសេពសន្ថវៈជាមួយម្តាយខ្លួនឯង និងថែមទាំងបានប្រើពាក្យសម្តីនិយាយគំរាមថា «ថាបើម៉ែឯងមិនព្រមឲ្យរួមភេទជាមួយខ្ញុំទេ យប់នេះខ្ញុំ និងសម្លាប់ចោលហើយ» ពោលគឺមិនខ្លាចនរកប្រេតអ្វីទាំងអស់ ។
ដោយសារតែមានការព្រួយបារម្ភពីសុវត្ថិភាពផ្ទាល់ខ្លួន ណាមួយកូនប្រុសបាត់បង់សតិជាមនុស្សលែងស្គាល់អ្នកមានគុណ និងលែងខ្លាចបាបបុណ្យអ្វីបែបនេះ រូបគាត់ទៅដេកផ្ទះកូនឈ្មោះប្រាក់ លាង ភេទប្រុស នៅខាងមុខភូមិព្រៃមាន ។ ទើបនៅព្រឹក ថ្ងៃទី២៣ មេសា រូបគាត់ក៏សម្រេចចិត្តរាយការណ៍ប្តឹងឲ្យសមត្ថកិច្ច ជួយអន្តរាគមន៍រហូតឈានដល់ការចាប់ខ្លួនកូនប្រុសអប្រិយរូបនេះយកទៅចាត់ការតាមច្បាប់ ។
សមត្ថកិច្ចមូលដ្ឋាន បានអោយដឹងថា ក្រោយពីទទួលបានសេចក្តីរាយការណ៍ពីស្ត្រីរងគ្រោះជាម្តាយខាងលើរួចមក នៅវេលាម៉ោង៩ព្រឹក ថ្ងៃដដែល កម្លាំងនគរបាលបានចុះអន្តរាគមន៍ដល់ទីតាំងកើតហេតុ ហើយចាប់ខ្លួនជនសង្ស័យបាននៅក្នុងផ្ទះតែម្តង ។ ក្រោយចាប់ខ្លួន នគរបាល រកឃើញកាំភ្លើងអាកា៤៧ អត់ស្វ័យដែលខូចគុណភាពមួយដើម ដែលជនសង្ស័យច្រកទុកក្នុងការុងកប់ដី ក្បែរផ្ទះទុកសម្រាប់គំរាមស្ត្រីជាម្ដាយដើម្បីរួមភេទ ។
ចំណែកជនសង្ស័យ ក្រោយនគរបាលចាប់ខ្លួន នាំទៅសាកសួរនៅអធិការដ្ឋាននគរបាលស្រុក បានប្រកែកថា ខ្លួនមិនប្រព្រឹត្តដូចការចោទប្រកាន់របស់ម្ដាយឡើយ ហើយការដែលស្រែកហៅម្ដាយ ពីលើផ្ទះទាំងយប់រំលងអធ្រាត្រនោះ គឺដើម្បីឲ្យម្តាយជួយមើលកូនរបស់ខ្លួនឈឺ តែប៉ុណ្ណោះមិនបានគំរាមចង់រួមភេទឡើយ ។ជនសង្ស័យសារភាពទៀតថា ខ្លួនបានរើសបានកាំភ្លើងAK47 នេះ នៅខាង ក្រោយផ្ទះ ប្រហែល១ឆ្នាំកន្លងមកហើយ និងយកកប់ដីទុក ក្នុងផ្ទះរក្សាទុកតែម្តង ។
ទោះជាយ៉ាងណា ជនសង្ស័យ ត្រូវបាននគរបាលព្រហ្មទណ្ឌស្រុកអង្គស្នួល ពិនិត្យទឹកនោមឃើញមានសារធាតុញៀនក្នុងខ្លួន រួចហើយសមត្ថកិច្ចរៀបចំកសាងសំណុំរឿង បញ្ជូនទៅចាត់ការបន្តតាមនីតិវិធី ដោយចោទប្រកាន់ពីបទរក្សាទុកអាវុធខុសច្បាប់ តែប៉ុណ្ណោះ ៕