កូរ៉េខាងត្បូង៖ BABY MONSTER គឺជាក្រុមនារី K-pop ចំណូលថ្មីក្នុងផលិតកម្ម YG ENTERTAINMENT ដែលមានសមាជិក ៧ នាក់ ប៉ុន្តែមិនទាន់បានបង្ហាញខ្លួនជាផ្លូវការនៅឡើយទេ មានន័យថា BABY MONSTER គឺកំពុងតែហ្វឹកហាត់នៅក្នុងផលិតកម្ម ។ ទោះបីជាក្រុមនារីវ័យក្មេងនេះមិនទាន់បានបង្ហាញខ្លួនជាផ្លូវការក៏ដោយ ក៏ចំនួនអ្នកគាំទ្ររបស់ពួកគេមានច្រើនមិនចាញ់តារា K-pop អាជីពនោះទេ។
កាលពីថ្ងៃទី ៧ ខែឧសភា BABY MONSTER បានបំបែកកំណត់ត្រា K-POP រួចហើយ ជាមួយនឹងចំនួនអ្នកជាវឆានែល (subscribers) លើសពី ២ លាននាក់ក្នុងរយៈពេលដ៏ខ្លីបំផុតក្នុងប្រវត្តិសាស្រ្ត K-POP គឺត្រឹមតែ ១២៩ ថ្ងៃបន្ទាប់ពីការបើកដំណើរការឆានែល YouTube នៅថ្ងៃទី ២៨ ខែធ្នូ ឆ្នាំ ២០២២។
ទោះជាយ៉ាងណាក៏ដោយ សមាជិកក្រុមដែលនឹងបង្ហាញខ្លួនដំបូងជាមួយ BABY MONSTER នៅតែជាកង្វល់សម្រាប់ អ្នកគាំទ្រ និងតន្ត្រី។ ប្រធានផលិតកររបស់ YG បាននិយាយថាគាត់គ្រោងឱ្យ BABY MONSTER មានសមាជិកត្រឹមតែ ៥ នាក់ប៉ុណ្ណោះ ។
គួរបញ្ជាក់ដែរថា ក្រុមនារីចំណូលថ្មី BABY MONSTER នឹងត្រូវប្រកាសជាផ្លូវការនៅថ្ងៃទី ១១ ខែឧសភា វេលាម៉ោង ១២:០០ យប់ ដែលត្រូវនឹងម៉ោង ១០:០០យប់នៅប្រទេសកម្ពុជា ៕
