ស្ទឹងព្រាត់តំបន់ទេសចរណ៍ធម្មជាតិដែលមានសម្រស់ស្រស់ស្អាតប្រៀបបានឋានសួគ៌ក្រោមមេឃ

By

-

December 2, 2024

ស្ទឹងព្រាត់គឺជាតំបន់អេកូទេសចរណ៍ធម្មជាតិមួយកន្លែងដែលមានទីតាំងស្ថិតនៅជីផាត ស្រុកថ្មបាំង ខេត្តកោះកុង មានចម្ងាយ ១២៦ គីឡូម៉ែត្រពីក្រុងខេមរភូមិន្ទ។ តំបន់នេះមានទេសភាពធម្មជាតិស្អាតពិតៗ មានព្រៃឈើ និងរុក្ខជាតិពណ៌ខៀងស្រងាត់អមសងខាងបណ្តោយស្ទឹង ដែលភ្ញៀវទេសចរអាចជិះទូកកម្សាន្ត ស្រូបយកខ្យល់អាកាសបរិសុទ្ធយ៉ាងត្រជាក់ចិត្ត។ លើសពីនេះភ្ញៀវក៏អាចបោះតង់សម្រាកលំហែកាយ ដុតមាន់ ដុតទា ញ៉ាំជាមួយគ្រួសារ និងមិត្តភក្តិយ៉ាងសប្បាយរីករាយផងដែរ។

នៅក្នុងការបោះតង់ ឬជិះទូកកម្សាន្ត ភ្ញៀវទេសចរចាំបាច់ត្រូវទៅសាកសួរព័ត៌មានពីប្រជាការពារ ឬអ្នកដែលជាសមាជិកសហគមនជីផាតជាមុនសិន ដើម្បីងាយស្រួលក្នុងការដើរកម្សាន្ត ដោយមិនមានភាពភ័យខ្លាច។ ស្ទឹងព្រាត់មិនត្រឹមតែមានសម្រស់ធម្មជាតិគួរឱ្យទាក់ទាញប៉ុណ្ណោះទេ វាក៏មានប្រវត្តិគួរឱ្យចាប់អារម្មណ៍ទៀតផង។ ស្ទឹងព្រាត់គឺជាដៃព្រែកដែលតភ្ជាប់ពីស្ទឹងជីផាត។ កាលពីមុនស្ទឹងនេះមានឈ្មោះថាស្ទឹងខ្សែសន្ធឹងព្រ័ត ប៉ុន្តែក្រោយមកគេហៅកាត់ថាស្ទឹងព្រាត់។ ព្រ័តមានន័យថាខ្សែព្រាត់ដែលគេយកស្បែកគោក្របីធ្វើ ដោយគេហាលឱ្យស្ងួតធ្វើជាព្រាត់សម្រាប់ទាក់ដំរី។

ទាក់ទងនឹងពាក្យ «ព្រាត់» រឿងតំណាលមុនឆ្នាំ ១៩៦០ បានរៀបរាប់ថា មានកងទ័ពវៀតណាម ឬយួនខៀវ បានឈ្លានពានកម្ពុជាស្របពេលនោះកម្លាំងតស៊ូរបស់ខ្មែរ បានយកស្បែកគោ និងស្បែកក្របីធ្វើជាព្រ័ត ហើយពួកគេយកខ្សែព្រ័តសន្ធឹងទទឹងព្រែកតូចមួយនេះ ដើម្បីងាយឆ្លងកាត់និងជញ្ជូនស្បៀងពីត្រើយម្ខាងមួយទៅត្រើយម្ខាងមួយទៀត ទើបអ្នកស្រុកដាក់ឈ្មោះថា ព្រែកសន្ធឹងព្រ័តរហូតដល់សព្វថ្ងៃ ហើយក្រោយមកក៏គេហៅកាត់ថាព្រែកស្ទឹងព្រ័តនេះតែម្តង។

ជាក់ស្តែងស្ទឹងព្រាត់បើយើងមើលពីលើអាកាសបន្ថែមទៀត យើងកាន់តែបានឃើញថា តំបន់នេះមានទេសភាពគួរជាទីទាក់ទាញបំផុត ដោយសារមានខ្សែទឹកហូរពន់ពេនខ្លួនចុះឡើង ស្រស់ស្អាតមិនចាញ់តំបន់អេកូទេសចរណ៍ដទៃទៀតនៅក្នុងព្រះរាជាណាចក្រកម្ពុជានោះឡើយ ។ នេះបង្ហាញថាកម្ពុជាពិតជាមានលក្ខណៈអំណោយផលពីធម្មជាតិ ដែលបានបង្កើតតំបន់ទេសចរណ៍ដ៏ស្រស់បំព្រងជាច្រើនកន្លែង មានទេសភាពស្អាត និងគួរឱ្យចង់ទៅទស្សនាមិនចេះជិនណាយ៕

វៀតណាម ស្នើព្រះមហាក្សត្រកម្ពុជា ជួយពន្លឿនការបង្កើតដេប៉ាតឺម៉ង់ “ភាសាវៀតណាម” នៅសាកលវិទ្យាល័យភូមិន្ទភ្នំពេញ

By

Lee Ek

-

December 2, 2024

0

នៅក្នុងដំណើរយាងបំពេញព្រះរាជទស្សនកិច្ចនៅប្រទេសវៀតណាម ពីថ្ងៃទី២៨ដល់ថ្ងៃទី២៩វិច្ឆិកា នាយករដ្ឋមន្ត្រីវៀតណាមលោក ផាម មិញជិញ បានស្នើដល់ព្រះមហាក្សត្រ ព្រះបាទនរោត្តម សីហមុនី ជួយពន្លឿនការបង្កើតសាលា “ភាសាវៀតណាម” នៅសាកលវិទ្យាល័យភូមិន្ទភ្នំពេញ។

បើតាមលោកនាយករដ្ឋមន្ត្រីវៀតណាម បានលើកឡើងថា៖”ការបង្កើតសាលា ឬមជ្ឈមណ្ឌលសិក្សាវៀតណាមនេះ ដើម្បីឱ្យនិស្សិតកម្ពុជា អាចសិក្សាស្វែងយល់ពីភាសា វប្បធម៌ និងប្រជាជន ក៏ដូចជាទំនាក់ទំនងរវាងវៀតណាម និងកម្ពុជា ឱ្យបានកាន់តែច្បាស់។

ចំពោះការរកបង្កើតសាលា ឬដេប៉ាតឺម៉ង់សិក្សាវៀតណាមនេះ ក្នុងសាកលវិទ្យាល័យភូមិន្ទភ្នំពេញ បានកើនឡើងតាំងពីឆ្នាំ២០២២មកម្ល៉េះ តែគ្រានោះមហាជនជាច្រើនបានធ្វើការរិះគន់យ៉ាងខ្លាំងទៅលើគម្រោងមួយនេះ។

កាលនោះដេប៉ាតឺម៉ង់សិក្សាវៀតណាម បានផ្ដល់ការសិក្សាដល់ជំនាញកម្រិតបរិញ្ញាប័ត្រ ចំនួន៣ រួមមាន៖ មុខវិជ្ជាសិក្សាវៀតណាម មុខជំនាញបកប្រែភាសាវៀតណាម និងមុខជំនាញបកប្រែភាសាវៀតណាម សម្រាប់ទំនាក់ទំនងធុរកិច្ច។

ពាក់ព័ន្ធនឹងករណីនេះ ក្រសួងអប់រំ ធ្លាប់បានលើកឡើងម្តងរួចមកហើយថា៖”ការបង្កើតដេប៉ាតឺម៉ងភាសាវៀតណាម គឺមិនទាស់ខុសអីនោះទេ ព្រោះវាដូចគ្នានឹងការបង្កើតដេប៉ាតឺម៉ងភាសាបរទេសផ្សេងទៀត ដែលរួមាន ដេប៉ាតឺម៉ងភាសាអង់គ្លេស បារាំង ជប៉ុន កូរ៉េ និងចិនជាដើម៕

មកដឹងពីមូលហេតុ បែបជំនឿ និងបែបវិទ្យាសាស្ត្រ ដែលអគារខ្ពស់ៗ ភាគច្រើនតែងមានទុកចន្លោះនៅកណ្តាល ពិសេសនៅហុងកុង

By

Lee Ek

-

December 2, 2024

0

ធ្លាប់ឆ្ងល់អត់ គ្រប់អគារខ្ពស់ៗនៅហុងកុងភាគច្រើនតែងតែមានរន្ធចម្លែកមួយនៅកណ្តាល តើគេទុកឱ្យមានចន្លោះកណ្តាលនោះដើម្បីអ្វី?
ទីក្រុងហុងកុងរបស់ប្រទេសចិន គឺមានភាពល្បីល្បាញខ្លាំងណាស់ដោយសារអគារខ្ពស់ៗ និងទំនើបៗប៉ុន្តែប្រសិនបើអ្នកយកចិត្តទុកដាក់ អ្នកនឹងឃើញចំណុចពិសេសមួយគឺថា អគារខ្ពស់ៗជាច្រើននៅទីនេះមាន “រន្ធ” នៅចំកណ្តាលរចនាសម្ព័ន្ធ។ វាមិនមែនជាកំហុសក្នុងការរចនា ឬចៃដន្យនោះទេ ប៉ុន្តែរន្ធនៅកណ្តាលគឺទាក់ទងទៅនឹងវប្បធម៌ខាងវិញ្ញាណដ៏ជ្រាលជ្រៅបំផុតរបស់ប្រជាជនអាស៊ី។

ជាការពិតណាស់ ហុងកុងគឺជាកន្លែងដែលជឿខ្លាំងលើវប្បធម៌ហុងស៊ុយ ជាពិសេសក្នុងការសាងសង់ និងការរៀបចំផែនការ។ យោងតាមហុងស៊ុយ ថាមពលវិជ្ជមាន ត្រូវការចរាចរដោយសេរី ដើម្បីនាំសំណាង និងភាពរុងរឿង។ ប្រសិនបើអគារខ្ពស់គ្មានរន្ធនៅចំកណ្តាល នឹងបណ្តាលឱ្យមានសំណាងអាក្រក់ មិនត្រឹមតែសម្រាប់អ្នករស់នៅក្នុងអគារប៉ុណ្ណោះទេថែមទាំងសម្រាប់តំបន់ជុំវិញផងដែរ។ នៅក្នុងជំនឿរបស់ប្រជាជនចិន រន្ធទាំងនេះត្រូវបានគេហៅថា “ទ្វារនាគ” ។

យោងទៅតាមរឿងព្រេងទីក្រុងហុងកុងគឺជាជម្រករបស់នាគ ដូច្នេះការសាងសង់អាគារដោយទុកឱ្យមានចន្លោះកណ្តាល ឬចុះរន្ធ គឺដើម្បីឱ្យមានភាពរឹងមាំនិងសំណាងល្អនៅក្នុងវប្បធម៌ចិន។ រន្ធនេះត្រូវបានសាងសង់ជាផ្លូវសម្រាប់សត្វនាគហោះហើរដោយសេរីពីភ្នំទៅកាន់សមុទ្រដោយមិនមានការរារាំងដោយអគារ។ នេះត្រូវបានគេជឿថាដើម្បីការពារតុល្យភាពថាមពលរបស់ទីក្រុង ព្រមទាំងនាំពរដល់ប្រជាជនផងដែរ។

ទោះបីជាអ្នកវិទ្យាសាស្ត្រមិនបានបញ្ជាក់ពីប្រសិទ្ធភាពនៃហុងស៊ុយក៏ដោយ ក៏អ្នកអភិវឌ្ឍន៍អចលនទ្រព្យជាច្រើននៅហុងកុងតែងតែយកចិត្តទុកដាក់លើបញ្ហានេះយ៉ាងខ្លាំង។ អគារដែលមានការរចនាហុងស៊ុយមិនអំណោយផលអាចបាត់បង់តម្លៃ ឬពិបាកក្នុងការស្វែងរកអ្នកជួល។ ដូច្នេះ “ទ្វារនាគ” បានក្លាយជាមធ្យោបាយមួយដើម្បីផ្សះផ្សាតម្រូវការស្ថាបត្យកម្មទំនើប និងជំនឿប្រពៃណី។

ក្រៅពីហេតុផលហុងស៊ុយ រន្ធនៅកណ្តាលអគារក៏ផ្តល់អត្ថប្រយោជន៍ជាក់ស្តែងមួយចំនួនផងដែរ។ ក្នុងករណីជាច្រើន ពួកវាជួយកាត់បន្ថយភាពធន់នឹងខ្យល់នៅលើអគារ ជាពិសេសនៅក្នុងទីក្រុងហុងកុង ដែលជាកន្លែងដែលមានព្យុះខ្លាំង។ លើសពីនេះ ពួកវាក៏ជួយបង្កើនប្រសិទ្ធភាពពន្លឺធម្មជាតិ និងបង្កើតអារម្មណ៍ខ្យល់អាកាសកាន់តែច្រើនសម្រាប់ការរស់នៅ និងកន្លែងធ្វើការផងដែរ៕

ពិតជាអស្ចារ្យមែន! ឥណ្ឌូណេស៊ីមានមហិច្ឆតាចង់ក្លាយជាប្រទេសនាំមុខគេ និងជាអ្នកកំណត់ថ្លៃលក់ដំណាំដូងប្រេងលើពិភពលោក!

By

Lee Ek

-

December 2, 2024

0

ប្រទេសឥណ្ឌូណេស៊ី ៖ កាលពីពាក់កណ្តាលខែវិច្ឆិកា ឆ្នាំ២០២៤ សារព័ត៌មានបរទេសរាយការណ៍ថា ក្រសួងកសិកម្មរបស់ឥណ្ឌូណេស៊ីបានកំណត់គោលដៅឱ្យឥណ្ឌូណេស៊ីក្លាយជាប្រទេសដាំដុះដូងប្រេងច្រើនបំផុតនៅឆ្នាំ២០២៥ ព្រមទាំងកំណត់តម្លៃដូងប្រេងលើពិភពលោក ។

ហេតុនេះ ដើម្បីសម្រេចគោលដៅ លោក Sudaryono Pastikan Tak Maju អនុរដ្ឋមន្ត្រីក្រសួងកសិកម្មបានអំពាវនាវឱ្យកសិករទាំងអស់ និងក្រុមហ៊ុនដូងប្រេងនានាជ្រាបថា ចម្ការដូងប្រេងរបស់ឥណ្ឌូណេស៊ីមានសារៈសំខាន់យ៉ាងខ្លាំងសម្រាប់វិស័យកសិកម្ម និងគួរតែយកចិត្តទុកដាក់ជាពិសេសដើម្បីពង្រឹងសេដ្ឋកិច្ចជាតិ ។

ឥណ្ឌូណេស៊ីមានបច្ចេកវិទ្យាទំនើបសម្រាប់ការផលិតគ្រាប់ពូជដូងប្រេងឱ្យមានគុណភាពល្អ ព្រមទាំងអាចវាយតម្លៃគុណភាពគ្រាប់ពូជសម្រាប់ការដាំដុះផងដែរ ។ វាមានសារៈសំខាន់ក្នុងការកំណត់ពូជដូងប្រេងរបស់ឥណ្ឌូណេស៊ីឱ្យមានស្តង់ដារ និងទទួលស្គាល់លើពិភពលោក ។

ចំណែកប្រេងម៉ាស៊ូតប្រភេទ B50 ត្រូវបានចាត់ទុកថា គឺជាប្រេងឥន្ធនៈរបស់ឥណ្ឌូណេស៊ី ដែលមានការទទួលស្គាល់ច្រើន បើទោះជាប្រទេសផ្សេងៗពុំចាប់អារម្មណ៍នឹងប្រេងនេះក្តី ។ ប៉ុន្តែឥណ្ឌូណេស៊ីអាចប្រើប្រាស់ប្រេងនេះនៅក្នុងប្រទេស ដើម្បីបង្កើនការគាំទ្រដូងប្រេងរបស់ខ្លួន ។

គួរបញ្ជាក់ថា រដ្ឋាភិបាលឥណ្ឌូណេស៊ីបានពិចារណាពីកត្តាទាំងអស់ពាក់ព័ន្ធនឹងសមាមាត្រនៃការនាំចេញដូងប្រេងទៅក្រៅប្រទេស និងបែងចែកសម្រាប់ការប្រើប្រាស់ក្នុងស្រុក ដើម្បីឱ្យប្រាកដចិត្តថា ដូងប្រេងនឹងអាចជំរុញសេដ្ឋកិច្ចជាតិខ្លាំងបំផុត ។

លើសពីនេះ រដ្ឋាភិបាលក៏មានគម្រោងបន្ថែមសារធាតុផ្សំពីដូងប្រេងទៅក្នុងប្រេងម៉ាស៊ូតប្រភេទ B40 ឱ្យស្មើនឹង៤០% នៅឆ្នាំ២០២៥ ខណៈបច្ចុប្បន្ន ស្មើនឹង៣៥% ព្រមទាំងមានវិធានការកាត់បន្ថយការនាំចូលប្រេងឥន្ធនៈហ្វូស៊ីល, បង្កើនការលាយថាមពលប្រកបដោយនិរន្តរភាព និងគាំទ្រឧស្សាហកម្មដូងប្រេងក្នុងស្រុក ៕

ទីបំផុតថេប្លេត HONOR Pad X8a ប្រើកម្មវិធី Word, Excel, Powerpoint និង PDF full version ពេញមួយជីវិត បង្ហាញវត្តមានជាផ្លូវការជាមួយនឹងតម្លៃត្រឹមតែ 169$ ថែមកាដូកក្រើក

By

Lee Ek

-

November 30, 2024

0

ក្រុមហ៊ុនហនណឺ ដាក់សម្ពោធជាផ្លូវការនូវថេប្លេតស៊េរីថ្មីទម្រង់កុំព្យូទ័រ ហនណឺ ផេត អ៊ិច ប្រាំបី អេ (HONOR Pad X8a) ក្នុងតម្លៃត្រឹមតែ 169$ និង តម្លៃមានប៊ិច 179$ ក្នុងប្រទេសកម្ពុជា អាចប្រើប្រាស់កម្មវិធី Word, Excel, Powerpoint និង PDF Full version ពេញមួយជីវិត អេក្រង់ធំ ដប់មួយ អ៊ីញ (11”) ភ្ជាប់បច្ចេកវិទ្យាការពារភ្នែក ថាមពលថ្មធំមហិមា 8300 មីលីអំពែម៉ោង (8300mAh) ប្រើទាល់តែហត់តែមិនអស់ថ្ម!
ហនណឺ ផេត អ៊ិច ប្រាំបី អេ (HONOR Pad X8a) លក្ខណះពិសេសដូចជា៖
ចំនុចពិសេសទី ១ : អាចប្រើប្រាស់ កម្មវិធី Word Excel PowerPoint PDF Full Version ពេញមួយជីវិតជាមួយកម្មវិធី HONOR Documents ងាយស្រូលដូចកុំព្យូទ័រ បន្ថែមពីនោះយើងអាចផ្ញើរ File ទាំងអស់តាម Gmail , Telegram ទៅកាន់កុំព្យូទ័រ មិនបាត់ និងមិន Error Font។

ចំនុចពិសេសទី 2 ជាមួយនឹង ថេប្លេត ហនណឺ ផេត អ៊ិច ប្រាំបី អេ (HONOR Pad X8a) គ្រាន់តែដាក់ស៊ីមចូលភ្លាម អាចប្រើបានភ្លែត ពុំបាច់ខាតពេលភ្ជាប់ WIFI ឬ Hotspot

ចំនុចពិសេសទី 3: អេក្រង់ធំភ្លឺច្បាស់ 11អ៊ីញ ងាយស្រួលមើល YouTube អូស Tiktok និង ច្រៀងលេងកំសាន្តពេញភ្នែក។ មាននូវកម្រិតបង្ហាញ 1920 x 1200 16.7លានពណ៍ និង ល្បឿនអេក្រង់90ហឺត ដើរលឿន រលូនឥតទាក់ ភ្ជាប់បច្ចេកវិទ្យាការពារភ្នែកកម្រិតល្អបំផុត ដែលទទួលបាននូវវិញ្ញាបនប័ត្រពីប្រទេសស្វីសថែមទៀតផង។

ចំនុចពិសេសទី 4: ថេប្លេត ហនណឺ ផេត អ៊ិច ប្រាំបី អេ (HONOR Pad X8a) បំពាក់មកជាមួយនូវថ្មកម្លាំងយក្ស 8300មីលីអំពែម៉ោង អាចកំដរអ្នកប្រើប្រាស់ទស្សនា ភាពយន្ត លេងហ្គេម និង ការសិក្សា បានរយៈពេលយូរ ដោយមិនចាំបាច់បារម្ភខ្លាចអស់ថ្ម ឬត្រូវសាកថ្មច្រើនដង។ ពិសេសគឺត្រូវម៉ាច់តែម្តង សម្រាប់បុត្រធីតាលោកអ្នក ដែលត្រូវយកតាមខ្លួន ទៅសាលា ពេញមួយថ្ងៃ!

ចំនុចពិសេសទី 5: ថេប្លេត ហនណឺ ផេត អ៊ិច ប្រាំបី អេ (HONOR Pad X8a) មាន ទំហំរ៉េម 8ជីហ្គាបៃ និង អង្គផ្ទុកទិន្នន័យ 128ជីហ្គាបៃ បំពាក់ឈីប SnapDragon 680 ដំណើរការរលូន សម្រាប់ការលេងហ្គេម , កាត់តរូប និង វិដេអូ , ឬបើកកម្មវិធីសិក្សារច្រើនក្នុងពេលតែមួយ ដោយគ្មានបញ្ហា។

ចាប់ពីថ្ងៃនេះ រហូតដល់ថ្ងៃទី 04 ធ្នូ 2024 អតិថិជនអាច កក់ទុកមុន ថេប្លេត ហនណឺ ផេត អ៊ិច ប្រាំបី អេ (HONOR Pad X8a) ក្នុងតម្លៃត្រឹមតែ 169$ និង មានប៊ិច 179$ ថែមកាដូ ប្លូធូ Keyboard និង Case , ប៊ិចឆ្លាតវៃ និង ស្រ្គីនការពារអេក្រង់ សរុបជាទឹកប្រាក់ 57$

ទីបំផុតថេប្លេត HONOR Pad X8a ប្រើកម្មវិធី Word, Excel, Powerpoint និង PDF full version ពេញមួយជីវិត បង្ហាញវត្តមានជាផ្លូវការជាមួយនឹងតម្លៃត្រឹមតែ 169$ ថែមកាដូកក្រើក

By

Lee Ek

-

November 30, 2024

0

ក្រុមហ៊ុនហនណឺ ដាក់សម្ពោធជាផ្លូវការនូវថេប្លេតស៊េរីថ្មីទម្រង់កុំព្យូទ័រ ហនណឺ ផេត អ៊ិច ប្រាំបី អេ (HONOR Pad X8a) ក្នុងតម្លៃត្រឹមតែ 169$ និង តម្លៃមានប៊ិច 179$ ក្នុងប្រទេសកម្ពុជា អាចប្រើប្រាស់កម្មវិធី Word, Excel, Powerpoint និង PDF Full version ពេញមួយជីវិត អេក្រង់ធំ ដប់មួយ អ៊ីញ (11”) ភ្ជាប់បច្ចេកវិទ្យាការពារភ្នែក ថាមពលថ្មធំមហិមា 8300 មីលីអំពែម៉ោង (8300mAh) ប្រើទាល់តែហត់តែមិនអស់ថ្ម!
ហនណឺ ផេត អ៊ិច ប្រាំបី អេ (HONOR Pad X8a) លក្ខណះពិសេសដូចជា៖
ចំនុចពិសេសទី ១ : អាចប្រើប្រាស់ កម្មវិធី Word Excel PowerPoint PDF Full Version ពេញមួយជីវិតជាមួយកម្មវិធី HONOR Documents ងាយស្រូលដូចកុំព្យូទ័រ បន្ថែមពីនោះយើងអាចផ្ញើរ File ទាំងអស់តាម Gmail , Telegram ទៅកាន់កុំព្យូទ័រ មិនបាត់ និងមិន Error Font។

ចំនុចពិសេសទី 2 ជាមួយនឹង ថេប្លេត ហនណឺ ផេត អ៊ិច ប្រាំបី អេ (HONOR Pad X8a) គ្រាន់តែដាក់ស៊ីមចូលភ្លាម អាចប្រើបានភ្លែត ពុំបាច់ខាតពេលភ្ជាប់ WIFI ឬ Hotspot

ចំនុចពិសេសទី 3: អេក្រង់ធំភ្លឺច្បាស់ 11អ៊ីញ ងាយស្រួលមើល YouTube អូស Tiktok និង ច្រៀងលេងកំសាន្តពេញភ្នែក។ មាននូវកម្រិតបង្ហាញ 1920 x 1200 16.7លានពណ៍ និង ល្បឿនអេក្រង់90ហឺត ដើរលឿន រលូនឥតទាក់ ភ្ជាប់បច្ចេកវិទ្យាការពារភ្នែកកម្រិតល្អបំផុត ដែលទទួលបាននូវវិញ្ញាបនប័ត្រពីប្រទេសស្វីសថែមទៀតផង។

ចំនុចពិសេសទី 4: ថេប្លេត ហនណឺ ផេត អ៊ិច ប្រាំបី អេ (HONOR Pad X8a) បំពាក់មកជាមួយនូវថ្មកម្លាំងយក្ស 8300មីលីអំពែម៉ោង អាចកំដរអ្នកប្រើប្រាស់ទស្សនា ភាពយន្ត លេងហ្គេម និង ការសិក្សា បានរយៈពេលយូរ ដោយមិនចាំបាច់បារម្ភខ្លាចអស់ថ្ម ឬត្រូវសាកថ្មច្រើនដង។ ពិសេសគឺត្រូវម៉ាច់តែម្តង សម្រាប់បុត្រធីតាលោកអ្នក ដែលត្រូវយកតាមខ្លួន ទៅសាលា ពេញមួយថ្ងៃ!

ចំនុចពិសេសទី 5: ថេប្លេត ហនណឺ ផេត អ៊ិច ប្រាំបី អេ (HONOR Pad X8a) មាន ទំហំរ៉េម 8ជីហ្គាបៃ និង អង្គផ្ទុកទិន្នន័យ 128ជីហ្គាបៃ បំពាក់ឈីប SnapDragon 680 ដំណើរការរលូន សម្រាប់ការលេងហ្គេម , កាត់តរូប និង វិដេអូ , ឬបើកកម្មវិធីសិក្សារច្រើនក្នុងពេលតែមួយ ដោយគ្មានបញ្ហា។

ចាប់ពីថ្ងៃនេះ រហូតដល់ថ្ងៃទី 04 ធ្នូ 2024 អតិថិជនអាច កក់ទុកមុន ថេប្លេត ហនណឺ ផេត អ៊ិច ប្រាំបី អេ (HONOR Pad X8a) ក្នុងតម្លៃត្រឹមតែ 169$ និង មានប៊ិច 179$ ថែមកាដូ ប្លូធូ Keyboard និង Case , ប៊ិចឆ្លាតវៃ និង ស្រ្គីនការពារអេក្រង់ សរុបជាទឹកប្រាក់ 57$

«ចេកមួយផ្លែ» តម្លៃជាង៦លានដុល្លារអ្នកទិញញុំាហើយលាន់មាត់ថា «ឆ្ងាញ់ជាងចេកដទៃ»

By

Lee Ek

-

November 30, 2024

0

សហគ្រិនគ្រីបតូមួយរូបដែលបានទិញវត្ថុសិល្បៈជាមួយនឹងគំនិតសាមញ្ញមួយ ចេកមួយផ្លែបិទជាប់នឹងជញ្ជាំងក្នុងតម្លៃ ៦.២លានដុល្លារកាលពីសប្តាហ៍មុនបានញ៉ាំផ្លែចេកដែលបានពីការដេញថ្លៃនេះហើយកាលពីថ្ងៃទី២៩ វិច្ឆិកា នេះ។ សហគ្រិនជាជនជាតិចិន Justin Sun បានបកសំបកនិងរីករាយជាមួយចេកនៅក្នុងសន្និសិទសារព័ត៌មានដែលធ្វើឡើងនៅ The Peninsula Hong Kong ដែលជាសណ្ឋាគារដ៏មានតម្លៃបំផុតមួយរបស់ទីក្រុង។

មហាសេដ្ឋីគ្រីបតូរូបនេះបានញុំាផ្លែចេកនេះរួចហើយលាន់មាត់ថា «វាមានរសជាតិឆ្ងាញ់ជាងចេកដទៃ។ ពិតជាល្អណាស់»។ មានចំណងជើងថា Comedian ស្នាដៃគំនិតដែលបង្កើតឡើងដោយវិចិត្រករជនជាតិអ៊ីតាលី Maurizio Cattelan ត្រូវបានលក់នៅឯការដេញថ្លៃ Sotheby’s ក្នុងទីក្រុងញូវយ៉កកាលពីសប្តាហ៍មុន ដោយមានលោក Justin Sun ក្នុងចំណោមអ្នកដេញថ្លៃទាំង៧នាក់។ សហគ្រិនរូបនេះបាននិយាយថាលោកមានអារម្មណ៍ថា «មិនជឿ» ក្នុងរយៈពេល ១០ វិនាទីដំបូងបន្ទាប់ពីលោកបានឈ្នះការដេញថ្លៃ មុនពេលដឹងថា «នេះអាចក្លាយជារឿងធំ»។ ក្នុងរយៈពេល ១០ វិនាទីក្រោយមកលោកបានសម្រេចចិត្តថាលោកនឹងញ៉ាំចេក។

Justin Sun បាននិយាយកាលពីថ្ងៃសុក្រ ថា៖ «ការញ៉ាំវាក្នុងសន្និសីទសារព័ត៌មានក៏អាចក្លាយជាផ្នែកមួយនៃប្រវត្តិការងារសិល្បៈផងដែរ»។

ការបង្ហាញដំបូងនៃការបង្កើតដែលអាចបរិភោគបាននៅឯកម្មវិធី Art Basel ឆ្នាំ ២០១៩នៅ Miami Beach បានបង្កឱ្យមានភាពចម្រូងចម្រាស និងបានចោទជាសំណួរអំពីថាតើវាគួរត្រូវបានចាត់ទុកថាជាសិល្បៈដែរឬទេ។ មហាសេដ្ឋីគ្រីបតូបាននិយាយថា «វត្ថុ និងគំនិតភាគច្រើនរបស់វាមានដូចជា (កម្មសិទ្ធិបញ្ញា) និងនៅលើអ៊ីនធឺណិត ផ្ទុយពីអ្វីដែលមានរូបរាងកាយ» ។នៅពេលនោះលោក បាននិយាយនៅក្នុងសេចក្តីថ្លែងការណ៍មួយថា បំណែកនេះ «តំណាងឱ្យបាតុភូតវប្បធម៌ដែលភ្ជាប់ពិភពសិល្បៈ អនុស្សាវរីយ៍ និងសហគមន៍រូបិយប័ណ្ណ» ។

គួរបញ្ជាក់ថា ក្នុងឆ្នាំ២០២៣ អ្នកជំនួញគ្រីបតូរូបនេះត្រូវបានចោទប្រកាន់ដោយគណៈកម្មការមូលបត្រអាម៉េរិក ពីបទក្លែងបន្លំ និងការបំពានច្បាប់មូលបត្រផ្សេងទៀតទាក់ទងនឹងគម្រោងគ្រីបតូរបស់លោកឈ្មោះ Tron ៕

ND មីយ៉ាន់ម៉ាគ្រប់គ្រងកម្មវិធីបវរកញ្ញាថ្មីបន្ទាប់ពីមានបញ្ហាចម្រូងចម្រាសជាមួយ MGI

By

Lee Ek

-

November 30, 2024

0

យោងតាមកាសែត Tien Phong លោក Htoo អតីតនាយកជាតិ Miss Grand Myanmar ឥឡូវនេះត្រូវបានគេរាយការណ៍ថាមានសិទ្ធិជ្រើសរើសតំណាងប្រទេសមីយ៉ាន់ម៉ាសម្រាប់ការប្រកួតកម្មវិធី Miss World 2025 ទោះបីជាលោកមានជម្លោះជាមួយកម្មវិធីប្រកួត Miss Grand International (MGI) ក៏ដោយ។

ND សង្ហាសម្បូរសាច់ដុំរូបនេះបានបង្ហោះនៅលើគណនី Facebook របស់ខ្លួនថា «តើនរណានឹងក្លាយជា Miss World Myanmar 2025? វានឹងត្រូវបានប្រកាសនៅក្នុងខែធ្នូ»។

Htoo មានអាយុ ២៩ ឆ្នាំឥឡូវនេះត្រូវបានគេរាយការណ៍ថាកំពុងកាន់កាប់សិទ្ធិផ្តាច់មុខបវរកញ្ញាពិភពលោកសម្រាប់ប្រទេសមីយ៉ាន់ម៉ាដែលជាការផ្លាស់ប្តូរដែលបានធ្វើឱ្យមនុស្សជាច្រើនភ្ញាក់ផ្អើល។ ការរំពឹងទុកក៏កើនឡើងផងដែរអំពីថាតើ Miss Grand Myanmar 2024 Thae Su Nyein អាយុ ១៨ ឆ្នាំនឹងតំណាងឱ្យប្រទេសមីយ៉ាន់ម៉ានៅក្នុងការប្រកួត Miss World 2025 ដោយសារទំនាក់ទំនងជិតស្និទ្ធរបស់អ្នកទាំងពីរ។ កន្លងមក Thae ធ្លាប់បានបង្ហាញពីចេតនាចង់ចូលរួមប្រកួតបវរកញ្ញា Miss Cosmo ឆ្នាំ 2025 បន្ទាប់ពីត្រូវបានដកហូតតំណែងលំដាប់រងទី២នៅក្នុងការកម្មវិធីប្រកួត Miss Grand International 2024។

ក្រោយពីផ្ទុះភាពចម្រូងចម្រាសជាមួយនឹងកម្មវិធី MGI Thae Su Nyein និង ND របស់ខ្លួនបង្ហាញពីភាពសប្បាយរីករាយជាមួយនឹងការងារ Live លក់ពេជ្រ ជាពិសេសគឺបានចូលរួមក្នុងអំពើសប្បុរសធម៌ជួយអ្នកក្រខ្សត់ជាច្រើន៕

” alt=”” />

ហេង វិសាល ជាប់ឈ្មោះជាថៅកែចិត្តល្អចំពោះបុគ្គលិកព្រោះតែរឿងមួយនេះ

By

Lee Ek

-

November 30, 2024

0

លោក ហេង វិសាល ស្វាមី ជា ស្រីនា ដែលជា Influencer ជួរមុខប្រចាំប្រទេសកម្ពុជាទទួលបាននូវការសរសើរពីសាធារណជនថាជាថៅកែចិត្តទោះបីជាត្រូវចាញ់បោកគេអស់ជិត៣០០០ដុល្លារទៅហើយ ប៉ុន្តែបាននិយាយយ៉ាងពីរោះចាត់ទុកថាជាបទពិសោធន៍បន្ទោសទៅកាន់បុគ្គលិកឡើយ។

វីដេអូរបស់ ហេង វិសាលបង្ហោះនៅលើទិកតុកកាលពីពេលថ្មីៗនេះលោកបានបញ្ជាក់ថា ជា ស្រីនា ជាភរិយារបស់ខ្លួនកំពុងឈឺក្បាល ហើយត្រូវបានគេបោកជិតអស់៣០០០ដុល្លារ។ ក្នុងនោះលោកបានផ្តាំផ្ញើដល់អ្នកលក់អីវ៉ាន់អនឡាញដទៃទៀតឱ្យមានការប្រុងប្រយ័ត្នខ្ពស់ចំពោះអតិថិជនជាពិសេសមានការកាម៉្មង់ច្រើនហើយ Locked Profile ឬ Fake Profile ដែលបានកែតួលេខក្នុងការផ្ទេរប្រាក់ទៅលើកុងធនាគារ។

អ្វីដែលធ្វើឱ្យទស្សនិកជនអត់សរសើរមិនបានចំពោះថៅកែចិត្តល្អរូបនេះ បន្ទាប់ពី ហេង វិសាល មិនបានស្តីបន្ទោសទៅកាន់បុគ្គលិកខ្លួនឡើយ។ ក្នុងវីដេអូមួយទៀត ហេង វិសាល បាននិយាយថាបុគ្គលិករបស់លោកកំពុងសេដខ្លាំង ដោយលោកប្រាប់ថាអត់អីទេ នេះជាបទពិសោធន៍ បើសិនជាគេមិនបោកយើងធ្វើម្តេចយើងដឹងថាគេបោក គេបោកយើងបានដោយសារតែយើងធ្វេសប្រហែល ចឹងលើកក្រោយលែងធ្វេសប្រហែលគឺចប់។

influencer ជាថៅកែរូបនេះមិនស្តីបន្ទោសថែមទាំងលួងចិត្តបុគ្គលិកឱ្យញុំាក្រូចធ្លុងពីបាត់ដំបងវិញញុំាហើយបាត់សេដ គេបោកហើយសំខាន់យើង Happy គឺចប់។ វិសាល ក៏បានលួងចិត្ត ស្រីនា កុំឱ្យគិតច្រើនហើយនាំទៅញុំាអី។

ទឹកចិត្តរបស់ ហេង វិសាល បានធ្វើឱ្យមហាជនកោតសរសើរយ៉ាងខ្លាំងថាមានសន្តានចិត្តល្អចំពោះបុគ្គលិកខ្លួនមិនបន្ទោសហើយថែមទាំងលើកទឹកចិត្តបន្ថែមទៀត៕

ក្រុមហ៊ុន កែច្នៃម្ហូបអាហារខ្មែរ បានទទួលពានរង្វាន់មួយនេះ ក្នុងការរួមចំណែកជួយឱ្យរីកចម្រើននៃសេដ្ឋកិច្ចកម្ពុជា

By

Lee Ek

-

November 30, 2024

0

សហគ្រិនខ្មែរ បានរៀបចំទិវាប្រព័ន្ធអេកូឡូស៊ីសហគ្រិនភាព នៅថ្ងៃទី២៤-២៥ ខែវិច្ឆិកា ឆ្នាំ២០២៤ នៅមណ្ឌលសន្និបាត និងពិព័រណ៍កោះពេជ្រ ក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងមានការចូលរួមពីភាគីពាក់ព័ន្ធក្នុងប្រព័ន្ធអេកូឡូស៊ីសហគ្រិនភាព ដើម្បីអបអរសមិទ្ធផល និងបន្តលើកកម្ពស់ការអភិវឌ្ឍសហគ្រិនភាពនៅកម្ពុជា។
ក្នុងសុន្ទរកថាបើកទិវានេះ ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្ត្រី បានរំលេចនូវតួនាទីដ៏សំខាន់នៃសហគ្រិនភាព ក្នុងការជំរុញសកម្មភាពសេដ្ឋកិច្ច និងផ្តល់អត្ថប្រយោជន៍ជាច្រើនដល់ប្រជាជន ដូចជាបង្កើតការងារ មុខរបរ បង្កើនប្រាក់ចំណូល កាត់បន្ថយចំណាកស្រុក ជួយប្រជាជនងាយរងគ្រោះឱ្យមានលំនឹងជីវភាព ជំរុញការអភិវឌ្ឍសេដ្ឋកិច្ចជាតិ និងស្ថិរភាពសង្គម។
កាលពីរាត្រីថ្ងៃទី២៥ ខែវិច្ឆិកា ឆ្នាំ២០២៤ កន្លងទៅនេះ សហគ្រិនខ្មែរបានរៀបចំពិធីប្រគល់រង្វាន់សហគ្រិនខ្មែរ ២០២៤ ជូនដល់សហគ្រិនឆ្នើមដែលបានឈ្នះពានរង្វាន់សហគ្រិនខ្មែរទាំង ៤ប្រភេទ ក្រោមអធីបតីភាពដ៏ខ្ពង់ខ្ពស់របស់ ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ និងជាប្រធានក្រុមប្រឹក្សាបរធនបាលនៃសហគ្រិនខ្មែរ។ ពិធីប្រគល់ពានរង្វាន់នេះត្រូវបានរៀបចំដោយសហគ្រិនខ្មែរ ដោយមាន ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្តិនៃសហគ្រិនខ្មែរ ដើម្បីអបអរសាទរដល់កិច្ចខំប្រឹងប្រែងរបស់បេក្ខជនចូលរួមប្រកួតប្រជែងពានរង្វាន់ សហគ្រិនខ្មែរកម្រិតវិទ្យាល័យ ពានរង្វាន់សហគ្រិនខ្មែរសហគ្រិនមហាវិទ្យាល័យ ពានរង្វាន់សហគ្រិនខ្មែរធុរកិច្ចបង្កើតថ្មី និងពានរង្វាន់សហគ្រិនខ្មែរសហគ្រាសធុនតូច និងមធ្យម។
សូមចូលរួមអបអរសាទរចំពោះលោកស្រី អគ្គនាយិកា ហ៊ុក ស្រីហួរ ដែលជាអ្នកដឹកនាំប្រកបដោយចក្ខុវិស័យនៃក្រុមហ៊ុន ក្រុមហ៊ុន ភីភីអេហ្វេ យាំុមី មេនូហ្វេកឆឺរីង ឯ.ក និងលោក ជា ចិត្រា ដែលជាប្រធានគ្រប់គ្រងទូទៅនៃក្រុមហ៊ុន ក្រុមហ៊ុន ភីភីអេហ្វេ យាំុមី មេនូហ្វេកឆឺរីង ឯ.ក ដែលបានទទួលពានរង្វាន់ សហគ្រាសធុនតូច និងមធ្យម (SME) ល្អបំផុត ដ៏មានកិត្យានុភាពនៅក្នុងពិធីប្រគល់ពានរង្វាន់
សហគ្រិនខ្មែរ Khmer Enterprise។ ការទទួលស្គាល់ដ៏សក្តិសមនេះ បញ្ជាក់ពីការប្តេជ្ញាចិត្តរបស់ក្រុមហ៊ុនចំពោះការច្នៃប្រឌិត គុណភាព និងទំនួលខុសត្រូវសង្គម។ ក្រោមការណែនាំ និងដឹកនាំរបស់លោកស្រី អគ្គនាយិកា ហ៊ុក ស្រីហួរ និងលោកប្រធានគ្រប់គ្រងទូទៅ ជា ចិត្រា ក្រុមហ៊ុន ភីភីអេហ្វេ យាំុមី មេនូហ្វេកឆឺរីង ឯ.ក បានលេចមុខជាអ្នកដឹកនាំក្នុងឧស្សាហកម្មផលិតម្ហូបអាហារបែបខ្មែរ ដោយកំណត់ស្តង់ដារថ្មីសម្រាប់ឧត្តមភាព។
យើងខ្ញុំសូមថ្លែងអំណរគុណចំពោះសហគ្រិនខ្មែរ ដែលបានទទួលស្គាល់ការខិតខំប្រឹងប្រែងរបស់យើង។ ពានរង្វាន់នេះជំរុញចិត្តយើងឱ្យបន្តខិតខំដើម្បីឧត្តមភាព និងការរួមចំណែកក្នុង
ការរីកចម្រើននៃសេដ្ឋកិច្ចកម្ពុជា។
សហគ្រាសផលិតអាហារ ក្រុមហ៊ុន ភីភីអេហ្វេ យាំុមី មេនូហ្វេកឆឺរីង ឯ.ក ប្តេជ្ញាក្នុងការអភិរក្ស និងលើកកំពស់រសជាតិដើមនៃម្ហូបខ្មែរពិតៗទៅកាន់ពិភពលោក។ លើសពីប្រតិបត្តិការស្នូលរបស់យើង យើងផ្តល់ជូននូវសេវាកម្ម OEM (ធ្វើប្រេនផលិតផលផ្ទាល់ខ្លួន) ដល់ដៃគូដែលស្វែងរកការផលិតផលិតផលអាហារខ្មែរ ដែលមានគុណភាពខ្ពស់ ទៅកាន់ទីផ្សាររបស់ពួកគេ។