ក្រសួងការបរទេសឥណ្ឌាបានចេញសេចក្តីថ្លែងការណ៍កាលពីថ្ងៃទី២៤ ខែធ្នូ ឆ្នាំ២០២៥ ថ្កោលទោ.សកងទ័ពថៃ ដែលយកគ្រឿងចក្រមកឈូសឆាយកំទេចរូបសំណាកព្រហ្មញ្ញសាសនាក្នុងតំបន់អានសេះទឹកដីកម្ពុជាក្រោមលេសជម្លោះព្រំដែន ដោយក្រសួងការបរទេសឥណ្ឌាចាត់ទុកជាទង្វើឥតសាសនាមិនអាចទទួលយកបានឡើយ ។ លើសពីនេះ វាធ្វើឱ្យប៉ះពាល់អារម្មណ៍អ្នកគោរពព្រហ្មញ្ញសាសនានៅទូទាំងពិភពលោក និងជាទង្វើបង្ហាញពីការមិនគោរពបេតិកភណ្ឌវប្បធម៌ ។

កាលពីថ្ងៃទី២២ ខែធ្នូ កន្លងមក កងទ័ពថៃបានប្រើប្រាស់គ្រឿងចក្រឈូសឆាសកំទេចរូបសំណាកព្រហ្មញ្ញសាសនានៅតំបន់អានសេះ ដែលពួកគេអះអាងថា កងទ័ពកម្ពុជាបានរៀបចំធ្វើរូបសំណាកនេះជាថ្មី និងចោទប្រកាន់ធ្វើរូបសំណាកលើក្នុងទឹកដីថៃខុសច្បាប់ ។

លោក Shri Randhir Jaiswal អ្នកនាំពាក្យក្រសួងការបរទេសឥណ្ឌាបានបញ្ជាក់ក្នុងសេចក្តីថ្លែងការណ៍ថា នេះជារូបសំណាកព្រះវិស្ណុ គឺជាព្រះអាទិទេពដ៏ខ្ពង់ខ្ពស់បំផុតក្នុងសាសនាហិណ្ឌូ ហើយអាទិទេពហិណ្ឌូ និងពុទ្ធសាសនា ត្រូវបានចាត់ទុកជាបេតិកភណ្ឌវប្បធម៌រួមក្នុងតំបន់អាស៊ីអាគ្នេយ៍ ។ ការបំផ្លាញរូបសំណាកក្រោមលេសជម្លោះព្រំដែន គឺប៉ះពាល់អារម្មណ៍អ្នកគោរពព្រហ្មញ្ញសាសនានៅទូទាំងពិភពលោក និងពុំគួរត្រូវបានបំផ្លាញឡើយ ។ យើងសូមអំពាវនាវជាថ្មីឱ្យកម្ពុជា-ថៃត្រឡប់មករកការចរចាការទូតវិញ ដើម្បីស្តារសន្តិភាព និងចៀសវាងការបាត់បង់ជីវិតមនុស្សបន្ថែមទៀត ក៏ដូចជាការខូចខាតទ្រព្យសម្បត្តិ និងបេតិកភណ្ឌ ។

គួរបញ្ជាក់ថា ថ្មីៗនេះ អតីតសមាជិកសភាឥណ្ឌា លោក Vijayasai Reddy V បានបង្ហោះសាររិះគន់ខ្លាំងៗចំពោះទង្វើទមិឡឥតសាសនារបស់កងទ័ពថៃ ដែលយកគ្រឿងចក្រមកឈូសឆាយ និងវាយកំទេចរូបសំណាកព្រហ្មញ្ញសាសនាដ៏ធំមួយក្នុងទឹកដីកម្ពុជាថា មិនអាចទទួលយកបានឡើយ បើទោះជាថៃអះអាងជាជម្លោះព្រំដែនជាមួយកម្ពុជាក៏ដោយ ។ លោកបង្ហោះសារក្នុងបណ្តាញសង្គម X កាលពីថ្ងៃទី២៣ ខែធ្នូ រួមទាំងភ្ជាប់រូបភាពកងទ័ពថៃយកគ្រឿងចក្រមកផ្តួលរំលំរូបសំណាកព្រហ្មញ្ញសាសនា ថាការបំផ្លាញរូបសំណាកអាទិទេពសាសនាហិណ្ឌូក្រោមលេសជម្លោះព្រំដែន គឺមិនអាចទទួលយកបានទេ ។

ការវាយប្រហារលើជំនឿ និងទីតាំងបេតិកភណ្ឌបង្ហាញពីភាពមិនចេះអត់ឱន និងប្រមា.ថយ៉ាងខ្លាំង ។ ម្យ៉ាងទៀត ទាំងថៃ និងកម្ពុជា សុទ្ធតែជាប្រទេសកាន់សាសនាព្រះពុទ្ធ ប៉ុន្តែការកត់ត្រារបស់ប្រវត្តិសាស្រ្តនៅតែបង្ហាញពីការធ្វើទុក្ខបុកម្នេញម្ដងហើយម្ដងទៀតលើវត្តអារាម រូបសំណាកហិណ្ឌូ និងមានការប៉ុនប៉ងលុបបំបាត់និមិត្តសញ្ញាវប្បធម៌ហិណ្ឌូជានិច្ច ។ លោកចាត់ទុកការប្រើប្រាស់អំពើហិង្សាប្រឆាំងនិមិត្តសញ្ញា និងទីសក្ការៈបូជា មិនអាចរាប់បញ្ចូលជាហេតុផល មិនអាចលើកលែងទោស និងមិនអាចលុបលាងដោយហេតុណាមួយ ពីព្រោះគ្មានសាសនាណាបញ្ជាក់ពីសន្តិភាពរបស់ខ្លួន តាមរយៈការបំផ្លាញជំនឿរបស់អ្នកដទៃឡើយ ។

នេះបង្ហាញពីទង្វើឥតសាសនារបស់កងទ័ពថៃដែលបំផ្លាញមិនរើសគោលដៅមកលើកម្ពុជា សូម្បីតែរូបសំណាក ។ ការវាយប្រហារកម្ពុជាជាថ្មីរបស់កងទ័ពថៃ គឺជាឧក្រិដ្ឋកម្មនៃការឈ្លានពាន ឧក្រិដ្ឋកម្មសង្គ្រាម ឧក្រិដ្ឋកម្មប្រឆាំងមនុស្សជាតិ និងរំលោភសិទ្ធិមនុស្សយ៉ាងធ្ងន់ធ្ងរ ដោយការប្រើប្រាស់យន្តហោះចម្បាំង F-16 និងយន្តហោះចម្បាំង T-50TH ទម្លាក់គ្រាប់បែកក្នុងដែនអធិបតេយ្យកម្ពុជាយ៉ាងកំរោលមិនញញើតច្បាប់អន្តរជាតិ ។ មិនមែនមានតែពលរដ្ឋកម្ពុជាទេដែលរងការឈឺចាប់នឹងទង្វើឥតសាសនា ប្រទេសនានា រួមទាំងឥណ្ឌាបានបង្ហាញក្តីឈឺចាប់ដូចគ្នា ជនបរទេសគាំទ្រកម្ពុជាដែលចង់បានសន្តិភាព ខណៈថៃទាត់ចោលសន្តិភាពម្តងហើយម្តងទៀត ៕

ទ្រាំមិនបាននឹងទង្វើដ៏អសីលធម៌របស់យោធាថៃ លោក Vijayasai Reddy V ជាអតីតសមាជិកសភាឥណ្ឌាបានបង្ហោះសាររិះគ.ន់ចំៗ ជុំវិញយកគ្រឿងចក្រមកឈូសឆាយ និងវា.យកម្ទេចរូបសំណាកអាទិទេពហិណ្ឌូដ៏ធំមួយនៅលើទឹកដីកម្ពុជាថា គឺជារឿងដែលមិនអាចទទួលយកបានឡើយ បើទោះជាថៃអះអាងថាវារឿងជម្លោះព្រំដែនក៏ដោយ។

តាមរយៈការបង្ហោះនៅលើបណ្ដាញសង្គម X កាលពីថ្ងៃទី២៣ ខែធ្នូ ឆ្នាំ២០២៥ ដែលមានភ្ជាប់មកជាមួយរូបភាពទាហានថៃកំពុងយកគ្រឿងចក្រមកផ្ដួលរំលំរូបសំណាកធំមួយលើទឹកដីកម្ពុជា លោក Vijayasai Reddy V បានសរសេថា ការបំផ្លា.ញរូបសំណាកអាទិទេពសាសនាហិណ្ឌូក្រោមលេសនៃជម្លោះព្រំដែន គឺមិនអាចទទួលយកបាននោះទេ។

លោក Vijayasai បានបន្ថែមទៀតថា បើទោះជាកម្ពុជាបានដាក់ឬអត់ក៏ដោយ ប៉ុន្តែការវាយប្រហារលើជំនឿ និងទីតាំងបេតិកភណ្ឌបានបង្ហាញពីភាពមិនចេះអត់ឱន និងការប្រមា.ថជាខ្លាំង។ មួយវិញទៀត ទាំងប្រទេសថៃ និងកម្ពុជា គឺសុទ្ធតែជាប្រទេសកាន់សាសនាព្រះពុទ្ធ ប៉ុន្តែក្នុងការកត់ត្រារបស់ប្រវត្តិសាស្រ្ត នៅតែបង្ហាញពីការធ្វើទុក្ខបុកម្នេញម្ដងហើយម្ដងទៀតលើវត្តអារាមនិងរូបសំណាក់ហិណ្ឌូ និងមានការប៉ុនប៉ងលុបបំបាត់និមិត្តសញ្ញាវប្បធម៌ហិណ្ឌូនេះជានិច្ច។

អតីតសមាជិកសភាឥណ្ឌារូបនេះបានចាត់ទុកថា ការប្រើប្រាស់អំពើហិង្សាប្រឆាំងនឹងនិមិត្តសញ្ញា និងទីសក្ការៈបូជា មិនអាចរាប់បញ្ចូលជាហេតុផល មិនអាចលើកលែងទោស និងមិនអាចលុបលាងដោយហេតុណាមួយបាននោះទេ។ ទន្ទឹមនឹងនោះលោក Vijayasai បានសង្កត់ធ្ងន់ថា គ្មានសាសនាណាបញ្ជាក់ពី«សន្តិភាព»របស់ខ្លួន តាមរយៈការបំផ្លាញចូលនូវជំនឿរបស់អ្នកដទៃឡើយ។

តាមអ្វីដែលលោក Vijayasai បានលើកឡើង ទង្វើរបស់យោធាថៃនៅពេលនេះ មិនមែនជាការធ្វើសង្រ្គា.មដើម្បីការពារទឹកដី ឬអាចចាត់ទុកបានថាជាប្រទេសមួយដែលត្រូវការសន្តិភាពបានទេ ដោយបើតាមអ្វីដែលលោកបានមើលឃើញ គឺការបំផ្លា.ញរូបសំណាកឬកន្លែងដែលជាទីសក្ការៈរបស់អ្នកដទៃក្រោមលេសការពារអធិបតេយ្យ ពុំមែនជាអ្វីដែលមនុស្សមានសាសនា ឬមានការគិតពិចារណាគួរធ្វើឡើយ៕

សហរដ្ឋអាមេរិក ៖ កាលពីថ្ងៃទី២២ ខែធ្នូ ឆ្នាំ២០២៥ ប្រធានាធិបតីអាមេរិក លោក Donald Trump បានប្រកាសពីកងទ័ពជើងទឹកអាមេរិកមានគម្រោងផលិតនាវាចម្បាំ.ងថ្មី ចំនួន២គ្រឿង ឈ្មោះថា Trump Class ដែលមានល្បឿនលឿនបំផុត ទំហំធំបំផុត និងមានកម្លាំងខ្លាំងលើសនាវាចម្បាំងផ្សេងៗរហូតដល់១០០ដង ។

នៅរដ្ឋផ្លរីដា លោកប្រធានាធិបតី Trump ថ្លែងថា បានអនុម័តគម្រោងឱ្យកងទ័ពជើងទឹកចាប់ផ្តើមផលិតនាវាចម្បាំងទំហំធំបំផុត និងធំជាងនាវាចម្បាំងផ្សេងៗដែលអាមេរិកបានផលិតកន្លងមក ចំនួន២គ្រឿង បន្ទាប់មក នឹងផលិតនាវាចម្បាំង៨គ្រឿងបន្ថែមទៀត ។ អាមេរិកនឹងមាននាវាចម្បាំងថ្មី ចាប់ពី២០គ្រឿង ទៅ២៥គ្រឿង ហើយនាវាចម្បាំងទាំងនេះនឹងបំពាក់ដោយអាវុធ កាំភ្លើងវែង កាំជ្រួច និងអាវុធឡាស៊ែ ។ អាមេរិកមិនបានផលិតនាវាចម្បាំងតាំងពីឆ្នាំ១៩៩៤ ហើយនាវាថ្មីនឹងក្លាយជានាវាចម្បាំងដ៏គ្រោះថ្នាក់ និងគួរឱ្យខ្លាចបំផុត ។

លោក John Pheland រដ្ឋលេខាធិការកងទ័ពជើងទឹកអាមេរិក ដែលបានចូលរួមធ្វើសន្និសីទកាសែតជាមួយលោក Pete Hegseth រដ្ឋមន្ត្រីក្រសួងការពារជាតិ និងលោក Marco Rubio រដ្ឋមន្ត្រីក្រសួងការបរទេស និយាយថា នាវាចម្បាំង Trump Class មានទំហំធំបំផុត មានសមត្ថភាពបំផ្លិចបំផ្លាញខ្លាំងបំផុត និងស្រស់ស្អាតជាងនាវាចម្បាំងទាំងអស់នៅលើពិភពលោក ។ រីឯក្រសួងការពារជាតិអាមេរិកបានចេញសេចក្តីថ្លែងការណ៍នៅថ្ងៃទី២២ ខែធ្នូ ថា ការរចនាម៉ូដ និងផលិតនាវាចម្បាំងថ្មីដំបូងគេនឹងរួចរាល់នៅដើមឆ្នាំ២០៣០ ។

គួរបញ្ជាក់ថា អាមេរិកចាប់ផ្តើមពង្រឹងសមត្ថភាពកងទ័ពជើងទឹករបស់ខ្លួនដ៏ខ្លាំងក្លាក្នុងប្រវត្តិសាស្ត្រ បន្ទាប់ពីលោកប្រធានាធិបតី Trump ប្រកាសពីគម្រោងផលិតនាវាចម្បាំងថ្មី Trump Class ដែលមានកម្លាំងខ្លាំងជាងនាវាចម្បាំងផ្សេងៗរហូតដល់១០០ដង ក្រោមគោលគំនិត «Golden Fleet» ។

គោលគំនិត «Golden Fleet» មិនកំណត់ចំពោះតែនាវាចម្បាំង Trump Class ប៉ុណ្ណោះទេ ប៉ុន្តែបានកំណត់ពីការផលិតនាវាចម្បាំងផ្សេងៗបន្ថែមទៀត ជាពិសេស នាវាចម្បាំង Frigate ថ្មីមានទំហំតូចជាង ខណៈកងទ័ពជើងទឹកអាមេរិកទើបតែប្រកាសនាពេលមុននេះថា នាវាចម្បាំងនឹងបង្កើនប្រតិបត្តិការដែនសមុទ្រ ៕

ប្រទេសថៃ ៖ ការបិទព្រំដែនកម្ពុជា-ថៃជាឯកតោភាគីពីសំណាក់កងទ័ពថៃបានធ្វើឱ្យសេដ្ឋកិច្ចថៃធ្លាក់ចុះដុនដាបខ្លាំង បាត់បង់ចំណូលជាតិ បាត់បង់ភ្ញៀវទេសចរ ពលរដ្ឋគ្មានការងារ ជំពាក់បំណុលធនាគារ ខណៈអ្នកជំនាញសេដ្ឋកិច្ចព្រមានពីផលប៉ះពាល់សេដ្ឋកិច្ចកាន់តែខ្លាំងជាងនេះ ប្រសិនបើការបិទព្រំដែននៅតែអូសបន្លាយជាច្រើនខែទៀត ។ រដ្ឋាភិបាលថៃមិនខ្វល់ពីផលប៉ះពាល់ទាំងនេះឡើយ និងផ្តោតតែលើការផ្តល់ថវិកាឱ្យកងទ័ពជើងគោក ជើងទឹក ជើងអាកាស និងថវិកាទិញសព្វាវុ.ធបន្ថែមសម្រាប់ធ្វើសកម្មភាពឈ្លានពា.នវាតទីទឹកដីកម្ពុជា ។

មាត់ស្រែកថា ចង់បានសន្តិភាពជាមួយប្រទេសជិតខាង ថៃធ្វើសង្គ្រា.មការពារអធិបតេយ្យ និងសុវត្ថិភាពពលរដ្ឋប៉ុណ្ណោះ ប៉ុន្តែហេតុអ្វីកាលពីថ្ងៃទី២៣ ខែធ្នូ ឆ្នាំ២០២៥ គណៈរដ្ឋមន្ត្រីថៃអនុម័តថវិការហូតដល់ជាង៥ពាន់លានបាត (ឬជាង១៦០លានដុល្លារ) សម្រាប់ឱ្យកងទ័ពធ្វើសកម្មភាពឈ្លានពា.នប្រទេសជិតខាង និងអនុម័តថវិកាចំនួន២០៦លានបាតទៀត (ឬជាង៦លានដុល្លារ) សម្រាប់ទិញសព្វាវុ.ធបន្ថែមទៅវិញ?

កាលពីថ្ងៃទី២៣ ខែធ្នូ អ្នកនាំពាក្យរដ្ឋាភិបាលថៃ លោក Siripong Angkasakulkiat និយាយថា នាយករដ្ឋមន្ត្រីចាំផ្ទះ លោក Anutin Charnvirakul បានស្នើឱ្យមានកិច្ចប្រជុំគណៈរដ្ឋមន្ត្រី ដោយសារស្ថានការណ៍រវាងកម្ពុជា-ថៃបច្ចុប្បន្នមិនទាន់ប្រក្រតី ដោយគណៈរដ្ឋមន្ត្រីបានអនុម័តផ្តល់ថវិកាទៅឱ្យក្រសួងការពារជាតិ ចំនួន៥,០៥០លានបាត សម្រាប់កងទ័ពជើងគោក ជើងទឹក និងជើងអាកាស ព្រមទាំងអនុម័តថវិកា ចំនួន២០៦លានបាតទៀត សម្រាប់ទិញសព្វាវុ.ធបន្ថែម ។ ថវិកាទាំងអស់ត្រូវបានកំណត់ក្នុងការចំណាយបម្រើឱ្យសកម្មភាពឈ្លានពាននៅព្រំដែន ប៉ុន្តែគ្មានការផ្សព្វផ្សាយព័ត៌មានលម្អិត ។

អ្នកនាំពាក្យរដ្ឋាភិបាល លោក Siripong បន្តថា គណៈរដ្ឋមន្ត្រីអនុម័តថវិការាប់ពាន់លានបាតសម្រាប់ផ្តល់ឱ្យកងទ័ពជើងគោក ជើងទឹក និងជើងអាកាស រួមទាំងផ្តល់ថវិកាទិញសព្វាវុធបន្ថែមនេះ គឺរដ្ឋាភិបាលថៃបង្ហាញការគាំទ្រយ៉ាងពេញទំហឹងដល់ប្រតិបត្តិការរបស់កងទ័ពនៅព្រំដែន ក្រោយពីកងទ័ពស្នើសុំយកទៅចំណាយក្នុងការឈ្លានពាននៅព្រំដែន និងពង្រឹងការប្រតិបត្តិការឱ្យកាន់តែខ្លាំងក្លា ។

គួរបញ្ជាក់ថា សហគមន៍អន្តរជាតិ ម៉ាឡេស៊ី មហាអំណាចអាមេរិក និងចិន បានអំពាវនាវជាច្រើនលើកច្រើនសាឱ្យថៃបញ្ចប់សង្គ្រាមឈ្លានពានកម្ពុជាទាំងកំរោល និងងាកមកគោរពបទឈប់បាញ់ គោរពកិច្ចព្រមព្រៀងសន្តិភាពគូឡាឡាំពួរ ប៉ុន្តែមេដឹកនាំថៃបដិសេធការអំពាវនាវទាំងនេះ ថែមទាំងឱ្យកម្ពុជាសរសេរលិខិតជាផ្លូវការសុំឈប់បាញ់, ដាក់លក្ខខណ្ឌឱ្យកម្ពុជាអនុវត្ត និង ទាមទារឱ្យកម្ពុជាសូមទោស ។

កងទ័ពថៃបើកការវាយប្រហារកម្ពុជាជាថ្មីជាច្រើនថ្ងៃមកហើយ ដោយបំផ្លាញហេដ្ឋារចនាសម្ព័ន្ធកម្ពុជាយ៉ាងធ្ងន់ធ្ងរ សូម្បីលោកប្រធានាធិបតី Trump ក៏ទទួលស្គាល់ថា សង្គ្រាមលើកនេះកងទ័ពថៃជាអ្នកចាប់ផ្តើម ប៉ុន្តែថៃមិនខ្វល់ឡើយ ។ ថៃគំរាមថា ប្រសិនបើកិច្ចប្រជុំ GBC ដែលចាប់ផ្តើមនៅថ្ងៃទី២៤ ខែធ្នូនេះ ពុំដូចការរំពឹងទុករបស់ខ្លួន ពួកគេនឹងធ្វើសង្គ្រាមឈ្លានពានបន្តទៀត រហូតដល់កម្ពុជាព្រមចុះចាញ់ ពីព្រោះពេលនេះ គណៈរដ្ឋមន្ត្រីថៃបានអនុម័តថវិការាប់ពាន់លានបាតរួចហើយសម្រាប់ចំណាយក្នុងសង្គ្រាម ៕