សហរដ្ឋអាមេរិក មានរដ្ឋចំនួន៥០ ដោយក្នុងនោះមានតែរដ្ឋមួយប៉ុណ្ណោះ ដែលធ្លាប់ជាប្រទេសមានឯករាជ្យត្រឹមត្រូវ តែបែរជាត្រូវបានបង្ខំចិត្តចូលជ្រកកោន ធ្វើជារដ្ឋរបស់អាមេរិក។រដ្ឋនោះមានឈ្មោះថា រដ្ឋតិសសាស់ ដែលពីមុនមានឈ្មោះថា “សាធារណៈរដ្ឋតិចសាស់” ដែលបានបំបែកចេញ និងប្រកាសឯករាជ្យ ពីប្រទេសមិកសុិច នៅថ្ងៃទី២ ខែមីនា ឆ្នាំ១៨៣៦។

គ្រានោះ មានតែបារាំង អង់គ្លេស និងសហរដ្ឋអាមេរិក ប៉ុណ្ណោះ ដែលទទួលស្គាល់ តិចសាស់ ជារដ្ឋឯករាជ្យ។ ក្រោយពីបានឯករាជ្យជិត ១០ឆ្នាំ សាធារណៈរដ្ឋតិចសាស់ បានជួបវិបត្តិសេដ្ឋកិច្ច និងបែកបាក់ផ្ទៃក្នុងនយោបាយ បានធ្វើឱ្យស្ថានភាពប្រទេសនេះចុះខ្សោយខ្លាំង ស្របពេលដែលប្រទេសនេះស្ថិតនៅចំកណ្តាល នៃសង្គ្រាមមិកសុិច-អាមេរិក ថែមទៀតផងនោះ ប្រទេសនេះ ក៏បានសម្រេចចិត្តចូលធ្វើជារដ្ឋមួយរបស់អាមេរិកដើម្បីធានាបាននូវសន្តិភាពពេញលេញឡើងវិញ។នៅពេលនោះ សាធារណៈរដ្ឋតិចសាស់ បានក្លាយជារដ្ឋទី២៨ របស់សហរដ្ឋអាមេរិក ក្រោយពីប្រកាសចូលជារដ្ឋផ្លូវការនៅថ្ងៃទី២៩ ខែធ្នូ ឆ្នាំ១៨៤៥៕

តែទឹកដោះគោ (Bubble milk tea) គឺជាភេសជ្ជៈដ៏ពេញនិយមបំផុតសម្រាប់យុវវ័យនាសម័យថ្មីដោយសារតែវាមានរសជាតិផ្អែមឆ្ងាញ់ រួមជាមួយនឹងគុជខ្មៅដ៏ស្រទន់ ដែលធ្វើឱ្យភេសជ្ជៈនេះមានភាពល្បីល្បាញខ្លាំងនៅក្នុងទីផ្សារ។ ទោះជាយ៉ាងណាក៏ដោយ យោងតាមការស្រាវជ្រាវបានបង្ហាញថា ការទទួលទានតែទឹកដោះគោញឹកញាប់ ក៏ដូចជា Bubble milk tea អាចប្រឈមនឹងជំងឺធ្លាក់ទឹកចិត្ត ថប់បារម្ភ ធ្ងន់ធ្ងររហូតដល់ធ្វើអត្តឃាតទៀតផង។

យោងតាមគេហទំព័រ sciencealert ដែលបានរាយការណ៍កាលពីថ្ងៃទី ២៥ ខែតុលាកន្លងទៅថា ការទទួលទានតែទឹកដោះគោអាចធ្វើឱ្យមនុស្សជាច្រើនញៀន ដែលបណ្តាលឱ្យអ្នកត្រូវទទួលទានភេសជ្ជៈនេះជារៀងរាល់ថ្ងៃ។ ហេតុនេះហើយ ទើបអ្នកស្រាវជ្រាវមកពីសាកលវិទ្យាល័យល្បីៗរបស់ប្រទេសចិនចំនួនពីរបានចេញផ្សាយលទ្ធផលនៃការស្ទង់មតិនិស្សិតមហាវិទ្យាល័យក្នុងទីក្រុងប៉េកាំង ដោយបង្ហាញថា ការញៀនតែទឹកដោះគោគុជ អាចជំរុញឱ្យយុវជនឆ្កួតប្រសិនបើពួកគេមិនបានទទួលទានវា។

យោងតាមការស្រាវជ្រាវមួយទៀតដែលបានចេញផ្សាយនៅឆ្នាំ ២០២៣ ពីសាកលវិទ្យាល័យ Tsinghua និងសាកលវិទ្យាល័យ Central University of Finance and Economics ក្នុងប្រទេសចិន ក៏បានធ្វើការស្ទង់មតិលើនិស្សិតមហាវិទ្យាល័យចំនួន ៥,២៨១ នាក់ដែលមានអាយុចន្លោះពី ១៥ ទៅ ២៤ ឆ្នាំបានបង្ហាញថាការផឹកតែទឹកដោះគោបានប៉ះពាល់ដល់ស្ថានភាពផ្លូវចិត្តនិងអារម្មណ៍របស់ពួកគេជារៀងរាល់ថ្ងៃ។ ដូច្នេះ នៅពេលដែលមនុស្សមួយចំនួនព្យាយាមបញ្ឈប់អាកប្បកិរិយានេះ ពួកគេមិនបានទទួលជោគជ័យឡើយ ហើយបញ្ចប់ដោយការទិញវាម្តងទៀត។ និស្សិតខ្លះបាននិយាយថា ពួកគេត្រូវការផឹកតែទឹកដោះគោមួយកែវយ៉ាងតិចក្នុងមួយសប្តាហ៍។

ទោះយ៉ាងណាក៏ដោយ ក្រុមស្រាវជ្រាវបានបញ្ជាក់ទៀតថា អ្នកដែលញៀនតែទឹកដោះគោនឹងមានអារម្មណ៍ឯកោភ្លាមៗ នោះពួកគេអាចជួបប្រទះនូវអារម្មណ៍អវិជ្ជមាន បាត់បង់ស្មារតី ងាយធ្លាក់ចូលទៅក្នុងអារម្មណ៍សោកសៅ ធ្លាក់ទឹកចិត្ត ថប់បារម្ភ រហូតដល់មានអារម្មណ៍ចង់ធ្វើអត្តឃាតទៀតផង ហើយជាទូទៅត្រូវបានគេរកឃើញក្នុងចំនោមយុវជនចិន៕
ប្រភព៖thethaiger

វៀតណាម៖ ភោជនីយដ្ឋានប៊ូហ្វេសាច់គោវៀតណាមមួយកន្លែងមានតម្លៃ ៤ ដុល្លារក្នុងម្នាក់ បានបែកធ្លាយរូបភាពនៅលើបណ្តាញសង្គម ដោយដាក់សាច់ និងគ្រឿងផ្សំផ្សេងៗរាយប៉ាយនៅលើឥដ្ឋក្បែរបន្ទប់ទឹកយ៉ាងកខ្វក់ ធ្វើឱ្យអតិជន ក៏ដូចជាអ្នកនិយមលេងអ៊ីនធឺណិតរិះគន់យ៉ាងចាស់ដៃ។

ភោជនីយដ្ឋានប៊ូហ្វេដ៏ពេញនិយមមួយកន្លែងក្នុងទីក្រុងហាណូយប្រទេសវៀតណាម ដែលមានស្លាកសញ្ញាថា TL Buffet បានធ្វើឱ្យមនុស្សជាច្រើនមានការភ្ញាក់ផ្អើលយ៉ាងខ្លាំង បន្ទាប់ពីមានរូបភាពនៅពីក្រោយឆាកនៃភាពឆ្ងាញ់ ដោយដាក់សាច់ផ្ទាល់នៅលើឥដ្ឋ បន្លែ ផ្លែឈើ និងគ្រឿងទេសផ្សេងៗត្រូវបានដាក់រាយប៉ាយពេញឥដ្ឋ ដែលមើលទៅពិតជាកខ្វក់ខ្លាំងណាស់ និងគួរឱ្យខ្ពើមបំផុត។

យោងតាមគេហទំព័រ SAOstar ដែលបានរាយការណ៍កាលពីថ្ងៃទី ២៧ ខែតុលាថា ហេតុការណ៍នេះកើតឡើងនៅពេលដែលអតិថិជនម្នាក់បានទៅញ៉ាំអាហារប៊ូហ្វេ ហើយពេលចូលបន្ទប់ទឹក ចៃដន្យក៏បានជួបប្រទះនឹងទិដ្ឋភាពនៅពីក្រោយការរៀបចំគ្រឿងផ្សំដ៏គួរឱ្យរន្ធត់បែបនេះ ដោយគាត់បានថតរូបជាច្រើនបង្ហោះក្នុងបណ្តាញសង្គម ធ្វើឱ្យអ្នកលេងអ៊ីនធឺណិតជាច្រើនបញ្ចេញមតិមិនពេញចិត្ត ក៏ដូចជាស្នើសូមស្ថាប័ននិងមន្ត្រីពាក់ព័ន្ធ បង្កើនល្បឿនប្រតិបត្តិការដើម្បីឱ្យអតិថិជនមានសុវត្ថិភាពក្នុងការបរិភោគអាហារ។

ទោះជាយ៉ាងណាក៏ដោយ បន្ទាប់ពីត្រូវបានគេរិះគន់យ៉ាងចាស់ ភោជនីយដ្ឋាន TL Buffet បច្ចុប្បន្នត្រូវបានបិទមួយរយៈធំ នឹងបានបង្ហោះសារសូមទោសជាសាធារណៈ ទៅដល់អតិថិជនទាំងអស់ អំពីការខ្វះអនាម័យ ក៏ដូចជាភាពកខ្វក់របស់ខ្លួន៕

ប្រទេសថៃ ៖ ក្រៅពីការប្រកបមុខរបរជាគ្រូបង្រៀនភាសាចិននៅស្រុកណូនសុវណ្ណ ខេត្តបុរីរាំ ប្រទេសថៃ លោក អាខុម ក្លឿភីម៉ាយ អាយុ៣៦ឆ្នាំ បានដាំដើមត្របែកសាច់ក្រហមនៅក្នុងចម្ការរបស់លោក ក្នុងនោះមានត្របែកពូជផ្សេងៗគ្នា ដូចជា ពូជហុងជួន, ពូជហ្វឺនហុងមី និងពូជឪឡឹក ។ លោក អាខុម និយាយថា ក្រៅពីការបង្រៀនភាសាបរទេសហើយ លោកក៏ស្រឡាញ់ការដាំដុះដំណាំផងដែរ ។

លោក អាខុម បន្តថា ត្របែកសាច់ក្រហមពូជតៃវ៉ាន់ ក៏ជាផ្លែឈើមួយប្រភេទដែលលោកបានដាំនៅក្នុងចម្ការសរុបប្រមាណ៤០០ដើម ។ លោកបានដាំត្របែកចំនួន៣ពូជ ដូចជា ពូជហុងជួន, ពូជហ្វឺនហុងមី និងពូជឪឡឹក ។ ពូជនីមួយៗមានរសជាតិផ្សេងៗគ្នា ប៉ុន្តែអ្វីដែលដូចគ្នានោះ គឺវាមានរសជាតិឆ្ងាញ់ ផ្អែម និងស្រួយ និងមានពណ៌ក្រហមស្អាតគួរឱ្យចង់បរិភោគ ។

ចំណែកវិធីដាំដុះវិញ លោក អាខុម បានកាត់បន្ថយការចំណាយដើមទុនក្នុងការទិញពូជត្របែក ដោយសារវាមានតម្លៃខ្ពស់ ។ ជំហានដំបូង លោកបានដាំត្របែកពូជអាចម៍សត្វ ឬពូជក្នុងស្រុកជាមុនសិន ហើយនៅពេលត្របែកពូជអាចម៍សត្វធំលូតលាស់រឹងមាំល្អ លោកក៏ផ្លាស់ប្តូរពូជរបស់វា ដោយយកមែកត្របែកសាច់ក្រហមមកដោតនៅចំហៀងដើមដើម្បីឱ្យវាដុះលូតលាស់ល្អ ។ វិធីនេះធ្វើឱ្យលោកអាចសន្សំសំចៃការចំណាយប្រាក់បានច្រើនក្នុងការទិញពូជត្របែកមកដាំ ។

លោកបន្ថែមថា លោកបានដាំត្របែកសាច់ក្រហមអស់រយៈពេល២ឆ្នាំហើយ ហើយដើមនីមួយៗបានដុះលូតលាស់ល្អ ដោយសារលោកបានស្រោចទឹក និងដាក់ជីជាប្រចាំ ។ លោកអាចបេះផ្លែវាមកបរិភោគ និងលក់ជាបន្តបន្ទាប់ តាំងពីឆ្នាំដំបូងដែលលោកបានដាំ ។ ចំពោះវិធីថែទាំវិញ លោកបានកាត់មែករបស់វាចេញខ្លះ និងចាប់ផ្តើមខ្ចប់ក្តិបត្របែកតូចៗដើម្បីទទួលបានផ្លែត្របែកល្អ និងការពារសត្វល្អិត ។

ហេតុនេះ ការដាំត្របែកសាច់ក្រហមជាមុខរបរមួយទៀត ដែលធ្វើឱ្យលោក អាខុម មានសេចក្តីសុខ ថែមទាំងទទួលបានប្រាក់ចំណូលគួបផ្សំជាមួយមុខរបរជាគ្រូបង្រៀន ។ លោករៀបរាប់ថា ៖ «វាបានចេញផ្លែពេញមួយឆ្នាំ ហើយខ្ញុំអាចប្រមូលផលជាបន្តបន្ទាប់ ។ មុនដំបូង ខ្ញុំបានពូជត្របែកពីតៃវ៉ាន់ចំនួន២ដើម បន្ទាប់មក ខ្ញុំក៏បានស្រាវជ្រាវពីវិធីដាំនៅប្រទេសថៃ ។ ដូច្នេះ ខ្ញុំក៏បានដាំត្របែកពូជអាចម៍សត្វជាមុន រួចយកមែកត្របែកសាច់ក្រហមមកដោតជាមួយគ្នា» ៕ ប្រភព ៖ CCNews-Live

ប្រទេសថៃ ៖ ម្នាស់ពូជផូលែរបស់ថៃ មានរសជាតិផ្អែម ស្រួយ និងមានទំហំតូចៗ ដែលបានដាំដុះនៅខេត្តឈៀងរ៉ៃ ប្រទេសថៃ មានតម្រូវការនៅលើទីផ្សារពិភពលោក ជាពិសេស ទីផ្សារប្រទេសចិន ។ ទំហំនៃការនាំចេញក្នុង១ឆ្នាំៗ ប្រទេសថៃបាននាំចេញម្នាស់ទៅប្រទេសចិន ស្មើជាង៤ម៉ឺនតោន តាមរយៈខេត្តឈៀងរ៉ៃ ។ ប៉ុន្តែនៅខែតុលា ឆ្នាំ២០២៣នេះ ប្រទេសចិនបានប្រកាសថា នឹងផ្អាកការនាំចូលម្នាស់ថៃ ។ ការប្រកាសផ្អាកការនាំចូលនេះ បានធ្វើឱ្យកសិករថៃបារម្ភថា ម្នាស់នឹងសម្បូរហូរហៀរពេញទីផ្សារ ជាពិសេស ក្នុងពេលប្រមូលផលនៅខែវិច្ឆកា រហូតដល់ខែធ្នូ ឆ្នាំ២០២៣នេះ ព្រោះកន្លងមក ប្រទេសថៃបាននាំចេញម្នាស់ទៅលក់នៅចិន រហូតដល់៩០% ឯណោះ ។

អ្នកស្រី ច័ន្ទឡា ពិនតាសឺប ជាម្ចាស់ចម្ការម្នាស់សម្រាប់នាំចេញទៅក្រៅប្រទេសនិយាយថា ៖ «វាបានប៉ះពាល់ច្រើនដូចជា កសិករដាំម្នាស់ ហើយក្រុមហ៊ុនអាជីវកម្មក៏បានជួបនឹងការលំបាកផងដែរ ដោយសារយើងមិនអាចនាំចេញម្នាស់ទៅប្រទេសចិន ។ ម្យ៉ាងទៀត នៅពេលចិនផ្អាកនាំចូលម្នាស់ថៃ យើងគ្មានការងារឱ្យកម្មករធ្វើទេ» ។

រីឯលោក ឆាំណាន សុខចៃបូន ជាអ្នកនាំចេញម្នាស់នៅឃុំបាងស៊ែ ស្រុកមឿងឈៀងរ៉ៃ និយាយថា ៖ «យើងបាននាំចេញម្នាស់ស្រស់ទៅប្រទេសចិន ហើយការនាំចេញម្នាស់បកសំបករួច គឺត្រូវតែគោរពតាមច្បាប់របស់ចិន ។ ដូច្នេះ ធ្វើឱ្យយើងមិនអាចនាំចេញម្នាស់ទៅចិនបានទេ» ។

ជាមួយគ្នានេះ សមាគមកសិករដាំម្នាស់ថៃបានប្រជុំគណៈកម្មការ និងក្រុមហ៊ុនអាជីវកម្មប្រចាំខេត្តឈៀងរ៉ៃ ដើម្បីដោះស្រាយបញ្ហាឧបសគ្គផ្នែកពាណិជ្ជកម្ម ។ លោក សុរ៉ាត់ មុនីនថងវង្ស នាយកសមាគមកសិករដាំម្នាស់ថៃ លើកឡើងថា ៖ «ចង់ឱ្យរដ្ឋាភិបាលថៃ និងស្ថាប័នពាក់ព័ន្ធជួយដោះស្រាយបញ្ហាការដាំដុះ ដូចជា ជីកសិកម្ម និងថ្នាំកម្ចា.ត់សត្វល្អិត ព្រោះបើវាមានតម្លៃខ្ពស់ កសិករក៏ត្រូវចំណាយដើមទុនខ្ពស់ដែរ ។ កន្លងមក ភ្នាក់ងារលើកកម្ពស់ផ្នែកកសិកម្ម ក៏បានអប់រំដល់កសិករអំពីបច្ចេកទេសកសិកម្មផងដែរ ប៉ុន្តែខ្ញុំគិតថា ត្រូវតែអប់រំកសិករបន្ថែមទៀត» ។

ចំណែកការិយាល័យពាណិជ្ជកម្មប្រចាំខេត្តឈៀងរ៉ៃ បានដាក់សំណើទៅក្រសួងពាណិជ្ជកម្ម ដើម្បីដោះស្រាយបញ្ហាការនាំចេញម្នាស់ ព្រមទាំងជួយស្វែងរកទីផ្សារក្នុងស្រុក ។ យោងតាមទិន្នន័យទិន្នផលដាំម្នាស់នៅខេត្តឈៀងរ៉ៃ ប្រចាំឆ្នាំ២០២៣ បង្ហាញថា ខេត្តនេះមានផ្ទៃដីដាំដុះម្នាស់ជាង៥ម៉ឺន២ពាន់រ៉ៃ (ស្មើប្រមាណ៨.៣២០ហិកតា) ក្នុងនោះម្នាស់ពូជផូលែ បានដាំដុះនៅលើផ្ទៃដីជាង២ម៉ឺន៨ពាន់រ៉ៃ (ស្មើប្រមាណ៤.៤៨០ហិកតា) ។ គេសង្ឃឹមថា នឹងទទួលបានទិន្នផលម្នាស់ប្រមាណជាង៦ម៉ឺន៨ពាន់តោន និងកើនឡើងលើសឆ្នាំ២០២២ ចំនួន៦០០តោន ៕ ប្រភព ៖ ThaiPBS North

Seoul៖ កាលពីថ្ងៃព្រហស្បតិ៍ទី២៦ខែតុលានេះ តុលាការរដ្ឋធម្មនុញ្ញកំពូលរបស់កូរ៉េខាងត្បូងបានដាក់ឲ្យអនុវត្តច្បាប់ហាមប្រាមមិនឲ្យមានទំនាក់ទំនងស្នេហាភេទដូចគ្នានៅក្នុងជួរកងទ័ពយោធា គឺបានលើកឡើងពីហានិភ័យដែលអាចកើតមានឡើងនៅក្នុងពេលត្រៀមខ្លួនប្រយុទ្ធរបស់ក្រុមយោធា ក្នុងន័យមួយដែលទទួលបាននូវការរិះគន់ដោយសកម្មជនសិទ្ធិមនុស្សថាជាការរារាំងសិទ្ធស្រលាញ់ភេទដូចគ្នា។

នៅក្រោមច្បាប់យោធារបស់ប្រទេសកូរ៉េខាងត្បូង ទាក់ទងទៅនឹងអំពើឧក្រិដ្ឋកម្មនៃការស្រលាញ់ភេទដូចគ្នានៅក្នុងជួរកងទ័ពនេះ អ្នកដែលប្រព្រឹត្តិបទល្មើសនឹងមានទោសជាប់ពន្ធធនាគាររយៈពេល២ឆ្នាំ ដែលច្បាប់នេះត្រូវបានតុលាការកំពូលកូរ៉េខាងត្បូងចងក្រងឡើងនិងបានកែសម្រួល៤ដងរួចមកហើយគឺតាំងពីឆ្នាំ២០០២មកម្លេះ។

តុលារកូរ៉េខាងត្បូងបានលើកឡើងថា យោងទៅតាមសេចក្តីសម្រចទី៥ដល់ទី៤ ប្រសិនបើមានការអនុញ្ញាតិឲ្យមានទំនាក់ទំនងភេទដូចគ្នានោះនឹងធ្វើឲ្យខុសវិន័យនៅក្នុងជួរកងទ័ព និងប៉ះពាល់ដល់សតិអារម្មណ៍ក៏ដូចជាសមត្ថភាពចុះខ្សោយក្នុងការធ្វើសមយុទ្ធផងដែរ។

ម៉្យាងវិញទៀត ក្រុមអ្នកការពារសិទ្ធមនុស្សក៏បានធ្វើការទាមទារឲ្យតុលាការធ្វើការលុបច្បាប់នេះ ដោយបាននិយាយថាវាជាច្បាប់ដ៏អាក្រក់និងបុរាណនិយម បន្ទាប់ពីតុលាការកំពូលកូរ៉េខាងត្បូងកាលពីឆ្នាំមុន បានសម្រេចឲ្យតុលាការយោធាលុបចោលការកាត់ទោសពីការដាក់ពន្ធធនាគារទៅលើកូនទាហាន២នាក់ដែលត្រូវបានគេរកឃើញថាមានទំនាក់ទំនងផ្លូវភេទជាមួយគ្នា។

ក្រុមសកម្មជនក៏បាននិយាយដែរថា ច្បាប់នេះនឹងបង្កឲ្យមានអំពើហិង្សា ជាពិសេសការរើសអើងប្រឆាំងនឹងទាហានដែលស្រលាញ់ភេទដូចគ្នា ក៏ដូចជាមានម៉ាក់ងាយពីពួកគេទាំងអស់នោះផងដែរ។

លោក Boram Jang អ្នកស្រាវជ្រាវអាស៊ីបូព៌ារបស់អង្គការលើកលែងទោសអន្តរជាតិបាននិយាយបន្ទាប់ពីបានឮនូវសេចក្តីថ្លែងការកាលពីថ្ងៃព្រហស្បតិ៍ថា ប្រសិនបើមានការគាំទ្រចំពោះអំពើឧក្រិដ្ឋកម្មនៃទំនាក់ទំនងភេទដូចគ្នារបស់យោធាកូរ៉េខាងត្បូងគឺអាចនិយាយបានថាជាទង្វើដ៏ឈឺចាប់មួយព្រោះកូរ៉េខាងត្បូងបានតស៊ូអស់ជាច្រើនទសវត្សមកហើយដើម្បីទាមទារនូវសមភាពយេនឌ័រនៅក្នុងប្រទេស។

គួរបញ្ជាក់ផងដែរថា កូរ៉េខាងត្បូងគឺជាប្រទេសមួយក្នុងចំណោមប្រទេសដែលមានក្រុមកងទ័ពសកម្មច្រើនជាងគេបង្អស់លើពិភពលោកហើយសុទ្ធតែជាបុរសពោរពេញដោយកម្លាំងនិងសុវត្ថិភាពដែលមានអាយុចាប់ពី១៨ដល់២៨ឆ្នាំ ព្រោះបុរសដែលស្ថិតចន្លោះវ័យទាំងនេះត្រូវមានកាត្វកិច្ចបម្រើជាតិយ៉ាងហោចណាស់ពី១៨ទៅ២១ខែដោយជៀសពុំបាន។CAN News