ខេត្តសៀមរាប៖ បុរសម្នាក់លេងទូរស័ព្ទរហូតរលត់ ក៏ត្រូវកូនស្ដីបន្ទោស ស្រាប់តែកើតនូការអាក់អន់ស្រពន់ចិត្ត រត់ទៅចងកសម្លាប់ខ្លួន ហើយសាកសពត្រូវគេប្រទះឃើញ បង្កឲ្យភ្ញាក់ផ្អើលឡើង កាលពីវេលាម៉ង១០យប់ ថ្ងៃទី៣ ខែកក្កដា ឆ្នាំ២០១៨ នៅក្នុងភូមិក្រាំងខ្ជាយ ឃុំសំរោង ស្រុកសូទ្រនិគម។
សមត្ថកិច្ចមូលដ្ឋាន បានឲ្យដឹងថា បុរសដែលគិតខ្លីលួចចងកធ្វើអត្តឃាតនោះ ឈ្មោះ ហៃ ប៉ុយ អាយុ៣៦ឆ្នាំ មានប្រពន្ធឈ្មោះ គ្រុយ ឡាង អាយុ៣៩ឆ្នាំ។ ពួកគេទាំង២នាក់ប្ដីប្រពន្ធមានកូន៤នាក់ ក្នុងប្រុសម្នាក់ រស់ននៅភូមិកើតហេតុខាងលើ។
មន្ត្រីនគរបាលដដែល បានបន្តា មុនពេលកើតហេតុ កូនស្រីរបស់ជនរងគ្រោះម្នាក់ ឈ្មោះ កង លាង អាយុ១៦ឆ្នាំ ទើបនឹងទិញទូរស័ព្ទបានថ្មី ហើយជនរងគ្រោះក៏យកមកលេង រហូតអស់ចរន្តអគ្គិសនីរលត់បើកលែងចេញ។ ឃើញបែបនេះ កូនស្រីរបស់គេក៏ស្ដីឲ្យ ទើបធ្វើឲ្យជនរងគ្រោះមានការអាក់អន់ស្រពន់ចិត្តនឹងកូន ហើយរត់ទៅចងកសម្លាប់ខ្លួនតែម្ដង។
ក្រោយពេលកើតហេតុ មន្ត្រីជំនាញស្រុក និងកម្លាំងនគរបាលមូលដ្ឋានបានចុះទៅពិនិត្យ និងធ្វើកោសល្យវិច័យ ហើយបញ្ជាក់ថា បើតាមការពិនិត្យ គឺពុំមានស្លាកស្នាមអ្វីគួរឲ្យសង័្សយថាជាប់ពាក់ព័ន្ធនឹងអំពើឃាតកម្មនោះឡើយ។ ម្យ៉ាងទៀតបើផ្អែកតាមការបំភ្លឺពីប្រពន្ធ និងកូនរបស់ជនរងគ្រោះ សមត្ថកិច្ចបានសន្និដ្ឋានថា ជនរងគ្រោះពិតជាបានចងកធ្វើអត្តឃាតប្រាកដមែន។ បន្ទាប់មក សមត្ថកិច្ចបានប្រគល់សាកសពរបស់ជនរងគ្រោះទៅឲ្យក្រុមគ្រួសារ ចាត់ចែងធ្វើបុណ្យតាមប្រពៃណី៕