កំពង់ចាម៖ កាលពីវេលាម៉ោង៧ល្ងាច ថ្ងៃទី១៨ ខែឧសភា ឆ្នាំ២០១៨ មានករណីឆក់ខ្សែរភ្លើងមួយ បានកើតឡើងលើ ព្រះសង្ឃព្រះនាម សែម ចេវ ព្រះជន្ម ៤៤វស្សា គង់នៅវត្តឈូក ឃុំគោករវៀង ស្រុកជើងព្រៃ ខេត្តកំពង់ចាម បានតខ្សែភ្លើងដើម្បីសាកមេក្រូ ដោយមិនបានបិទបារ៉ែត ហើយក៏ឆ្លងចរន្តអគ្គីសនី ឆក់បណ្តាលអោយសុគត នៅកន្លែងកើតហេតុតែម្តង។
យោងតាមការឲ្យដឹង ពីប៉ូលិសបានប្រាប់ថា ក្រោយពេលកើតហេតុ សមត្ថកិច្ចបានបង្កើតគណៈកម្មការ ត្រួតពិនិត្យសពឃើញថា មានសភាពឆេះខ្លោចរាងកាយ និងមានព្រីខ្សែភ្លើងនៅជិតនោះ ហើយយោងតាមការសន្និដ្ឋាន របស់សមត្ថកិច្ច ជនរងគ្រោះជាសង្ឃ ពិតជាសុគតដោយឆក់ខ្សែភ្លើងប្រាកដមែន ដោយពុំមានពាក់ព័ន្ធ ជាមួយករណីផ្សេងឡើយ ៕
