ភ្នំពេញ៖ បន្ទាប់ពីតម្លៃប្រេងឥន្ធនៈ នៅក្នុងប្រទេសកម្ពុជា ចេះតែដំឡើងថ្លៃជាបន្តបន្ទាប់ ធ្វើប៉ះពាល់ដល់ជីវភាពប្រជាពលរដ្ឋនោះមក ក្រសួងហិរញ្ញវត្ថុ និងក្រសួងពាក់ព័ន្ធ បានកំណត់តម្លៃប្រេងឥន្ធនៈ ចាប់ពីថ្ងៃទី១២-២១ ខែមករា ឆ្នាំ២០១៨នេះតទៅ គឺតម្លៃប្រេងសាំងធម្មតាត្រូវលក់រាយនៅតាមស្ថានីយប្រេងឥន្ទនៈ មិនឲ្យលើសពី៣,៩៥០រៀល ក្នុង១លីត្រ និងម៉ាស៊ូតត្រូវលក់មិនឲ្យលើសពីតម្លៃ៣,៧៥០រៀល ក្នុង១លីត្រ។ នេះបើយោងតាមសេចក្ដីប្រកាសរបស់អន្តក្រសួង រួមមាន ក្រសួងពាណិជ្ជកម្ម ក្រសួងសេដ្ឋកិច្ចនិងហិរញ្ញវត្ថុ ព្រមទាំងក្រសួងរ៉ែនិងថាមពល បានសម្រេច កាលពីល្ងាចម្សិលមិញនេះ។
សូមអានសេចក្ដីប្រកាសទាំងស្រុងរបស់អន្តក្រសួងដូចខាងក្រោម៖
