ភ្នំពេញ ថ្ងៃទី 22 ខែធ្នូ ឆ្នាំ 2017: ក្នុងស្មារតីនៃការគាំទ្រ និងការយកចិត្ដទុកដាក់ខ្ពស់ក្នុងវិស័យ អប់រំ និងថែរក្សាបរិស្ថាន ក្រុមហ៊ុន Chevron (ខេមបូឌា) លីមីតធីត ដែលបានប្រតិបត្ដិការ អាជីវកម្មលក់រាយ លើយីហោ CaltexTM បានរៀបចំ “យុទ្ធនាការសប្បុរសធម៌ ” នៅអង្គការមូលនិធិផ្កាយសមុទ្រឥណ្ឌូចិន ដែលមានទីតាំងស្ថិតនៅ ផ្ទះលេខ64 ផ្លូវលំ សង្កាត់ធិរោធ ខណ្ឌច្បារអំពៅ រាជធានីភ្នំពេញ។
អ្នកស្ម័គ្រចិត្តក្នុងយុទ្ធនាការនេះបានជួយថែទាំ បណ្ណាល័យ និងធ្វើសកម្មភាពផ្សេងទៀតក្នុងថ្នាក់រៀន ដូចជាការអានសៀវភៅសម្រាប់កុមារ ការបង្ហាញពីរបៀបសម្អាតឱ្យបានត្រឹមត្រូវ ការពន្យល់អំពីសារៈសំខាន់នៃអនាម័យ និងការលាងសម្អាតដៃផងដែរ ហើយក៏មានសកម្មភាពសប្បាយរីករាយជាច្រើនទៀតជាមួយកុមារ និងសហគមន៍។ លើសពីនេះទៀតយើងក៏មានការធ្វើដំណើរកម្សាន្ដទៅកាន់មជ្ឈមណ្ឌលអប់រំ និងកម្សាន្ដឃីតស៊ីតធី (Kids City) ដើម្បីអោយសិស្សានុសិស្សស្វែងយល់អំពីសកលលោក និងវិទ្យាសាស្ត្រ ក្នុងមន្ទីរពិសោធន៍អន្តរកម្មដែលអាចជួយបង្កើតភាពច្នៃប្រឌិតរបស់សិស្សបានកាន់តែទូលំទួលាយ និងវែងឆ្ងាយ។
យុទ្ធនាការសហគមន៍គឺជាគំនិតផ្តួចផ្តើមរបស់ក្រុមហ៊ុន Chevron ដែលមានការអញ្ជើញចូលរួមពីបុគ្គលិកក្រុមហ៊ុនមកពីការិយាល័យកណ្តាល សាខាស្ថានីយប្រេងឥន្ធនៈ Caltex និងបុគ្គលិករបស់អង្គការមូលនិធិផ្កាយសមុទ្រឥណ្ឌូចិន ។ ក្រុមហ៊ុន ឈេហ្វរ៉ុន ខេមបូឌា ក៏បានឧបត្ថម្ភសម្ភារៈសិក្សាដូចជាសៀវភៅសរសេរ និងសម្ភារៈសិក្សាផ្សេងៗទៀតទៅកាន់អង្គការមូលនិធិផ្កាយសមុទ្រឥណ្ឌូចិន ដើម្បីគាំទ្រការសិក្សារបស់សិស្សានុសិស្សផងដែរ។
លោក Daniel Hwang, នាយកគ្រប់គ្រងផលិតផលប្រចាំក្រុមហ៊ុនឈេហ្វរ៉ុន (ខេមបូឌា) លីមីធីត បានមានប្រសាសន៏ថា “ខ្ញុំមានមោទនៈភាពណាស់ដែលបានឃើញអ្នកស្ម័គ្រចិត្តទាំងអស់បានចូលរួមយ៉ាងសកម្មក្នុងការលើកកម្ពស់ក្នុងការពង្រឹងវិស្ស័យអប់រំ និងការថែរក្សាបរិស្ថាន។
ខ្ញុំសូមកោតសរសើរចំពោះអ្នកទាំងអស់គ្នាដែលបានជួយជ្រោមជ្រែងដល់យុទ្ធនាការសប្បុរសធម៌ របស់ក្រុមហ៊ុន ឈេហ្វរ៉ុន ខេមបូឌា នៅអង្គការមូលនិធិផ្កាយសមុទ្រឥណ្ឌូចិន ដែលប្រព្រឹត្ដឡើងនៅ ផ្ទះលេខ64 ផ្លូវលំ សង្កាត់ធិរោធ ខណ្ឌច្បារអំពៅ រាជធានីភ្នំពេញ ដោយទទួលបានជោគជ័យ និងប្រកបដោយភាពសប្បាយរីករាយ” ។
ក្រុមហ៊ុន ឈេហ្វរ៉ុន នឹងមានការចូលរួមជាបន្តបន្ទាប់លើគម្រោងសង្គមជាច្រើនផ្សេងទៀត ដូចជាយុទ្ធនាការសុវត្ថិភាព និងយុទ្ធនាការលើកកម្ពស់ការយល់ដឹង និងបង្កើនអត្ថប្រយោជន៍សង្គមជូនដល់ប្រទេសកម្ពុជា។
អំពីឈេហ្វរ៉ុន (ខេមបូឌា) លីមីតធីត
About Chevron (Cambodia) Limited
នៅក្នុងប្រទេសកម្ពុជាក្រុមហ៊ុន ឈេហ្វរ៉ុន (ខេមបូឌា) លីមីតធីត បានធ្វើទីផ្សារម៉ាកសញ្ញា Caltex ដែលជាម៉ាកសញ្ញានាំមុខរបស់ ឈេហ្វរ៉ុន នៅក្នុងតំបន់អាស៊ីប៉ាស៊ីហ្វិកនិងតំបន់មជ្ឈឹមបូពា៏ និងអាហ្រិក។ក្រុមហ៊ុន មានស្ថានីយ៏ប្រេងឥន្ធនៈ Caltex ចំនូន 22 កន្លែង ផ្សារលក់ទំនិញ Star Mart ចំនួន 16 កន្លែង និងហាង Coffee Plus ចំនួន 9 កន្លែងក្នុងប្រទេសកម្ពុជា។ ផលិតផលប្រេងដូចជាប្រេងឥន្ធនៈ Caltex ជាមួយ Techron, ប្រេងម៉ាស៊ូតជាមួយ TechronD និង ប្រេងម៉ាស៊ីនដូចជា Havoline និង Revtex ដែលមាននៅគ្រប់ស្ថានីយ៏ Caltex ទាំងអស់របស់យើង។
ទំនាក់ទំនងក្រុមហ៊ុន ឈេហ្វរ៉ុនខេមបូឌា
ទូរស័ព្ទ: 023 223 355
ទូរសារ: 023 223 599