ភ្នំពេញ៖ យោងតាមរបាយការណ៍ពីនាយកដ្ឋានចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី៩ ខែតុលា ឆ្នាំ២០១៧ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន១៥លើក(យប់៩លើក) បណ្តាលឲ្យមនុស្សស្លាប់៦នាក់(ប្រុស) រងរបួសធ្ងន់១៤នាក់(ស្រី៤នាក់) របួសស្រាល៣នាក់(ប្រុស)។
នៅក្នុងករណីគ្រោះថ្នាក់ចរាចរណ៍ទាំង១៥លើកនេះ បានបង្កឲ្យមានការខូចខាតយានយន្ត សរុប២៣គ្រឿង ក្នុងនោះមានម៉ូតូ ១៦គ្រឿង រថយន្តតូច៦គ្រឿង និងកង់១គ្រឿង ។
របាយការណ៍ខាងលើ បានឲ្យដឹងបន្តថា មូលហេតុនៃគ្រោះថ្នាក់ចរាចរណ៍នេះ គឺបណ្តាលមកពីល្បឿន៥លើក មិនប្រកាន់ស្តាំ ២លើក(ស្លាប់១ម្នាក់) មិនគោរពសិទ្ធិ ៤លើក(ស្លាប់២នាក់) ស្រវឹង១លើក(ស្លាប់ម្នាក់) ប្រជែង២លើក(ស្លាប់២នាក់) និងបត់គ្រោះថ្នាក់ ១លើក ។
គ្រោះថ្នាក់នៅលើដងផ្លូវ មានផ្លូវជាតិ៩លើក ផ្លូវខេត្ត៦លើក ។ ដោយឡែក យានយន្តដែលបង្កហេតុ រួមមាន ម៉ូតូ៨លើក រថយន្តធុនតូច ៥លើក និងរថយន្តធំ ១លើក ។
ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ខេត្តកំពង់ចាមចំនួន២លើក ស្លាប់២នាក់ មណ្ឌលគិរីចំនួន២លើក ស្លាប់ម្នាក់ របួសម្នាក់ ភ្នំពេញចំនួន២លើក ស្លាប់ម្នាក់ របួស២នាក់ ត្បូងឃ្មុំ១លើក ស្លាប់ម្នាក់ និងខេត្តកំពង់ធំ ១លើក ស្លាប់ម្នាក់ ។
យោងតាមរបាយការណ៍គ្រោះថ្នាក់ចរាចរណ៍ផ្លូវគោកដដែល បានបន្តថា គិតចាប់ពីថ្ងៃទី១ ដល់ថ្ងៃទី៩ ខែតុលា ឆ្នាំ២០១៧ មានគ្រោះថ្នាក់ចរាចរណ៍ចំនួន ៧៥លើក បណ្តាលឲ្យមនុស្សស្លាប់២៦នាក់ រងរបួសសរុប៩៨នាក់ ក្នុងនោះរបួសធ្ងន់៧៤នាក់ និងរងរបួសស្រាល២៤នាក់៕
