រដ្ឋមន្រ្តីក្រសួងការពារជាតិ សហរដ្ឋអាមេរិក កាលពីថ្ងៃពុធម្សិលមិញនេះ បានបើកកិច្ចប្រជុំគណៈរដ្ឋមន្រ្តីមួយ នៅក្នុងទីក្រុងវ៉ាស៊ីនតោន ក្នុងគោលបំណងធ្វើយ៉ាងណាឲ្យរដ្ឋាភិបាលទីក្រុងប៉េកាំង ចេញធ្វើសកម្មភាពដាក់ទណ្ឌកម្មសេដ្ឋកិច្ច និងការទូតទីក្រុងព្យុងយ៉ាងមួយកម្រិតទៀត ដើម្បីបង្អាក់ដល់ការអភិវឌ្ឍន៍កម្មវិធីនុយក្លេអ៊ែរ។
រដ្ឋមន្ត្រីក្រសួងការបរទេស អាមេរិក លោក Rex Tillerson និយាយថា “យើងសូមលើកឡើងជាថ្មីទៅដល់រដ្ឋាភិបាលចិនថា ពួកគេមានការទទួលខុសត្រូវផ្នែកការទូត ដើម្បីធ្វើការដាក់សម្ពាធកាន់តែខ្លាំងទៅលើសេដ្ឋកិច្ចកូរ៉េខាងជើង ប្រសិនបើទីក្រុងប៉េកាំងចង់បង្ការគ្រោះថ្នាក់នៅក្នុងតំបន់”។
ស្របគ្នានោះដែររដ្ឋមន្ត្រីការពារជាតិលោក Jim Mattis បានប្ដេជ្ញាថា “អាមេរិកនឹងបន្តធ្វើការអនុវត្តន៍វិធានការសំខាន់ៗ ដើម្បីការពារខ្លួន និងសម្ព័ន្ធដទៃទៀត ក៏ដូចជាប្រយុទ្ធប្រឆាំងនឹងអំពើឈ្លានពានរបស់កូរ៉េខាងជើងផងដែរ”។
គួរបញ្ជាក់ផងដែរថា នាពេលថ្មីៗកន្លងមកនេះ រដ្ឋាភិបាលលោក ដូណាល់ ត្រាំ បានផ្ញើសារនៅលើ Tweeter ថា រូបលោកជឿជាក់ថា ប្រធានាធិបតីចិន លោកXi Jiping នឹងចូលរួមជួយដោះស្រាយបញ្ហាកូរ៉េខាងជើង។ យ៉ាងណាមិញទីក្រុងប៉េកាំងមិនទាន់ធ្វើការឆ្លើយតបអ្វីនៅឡើយទេ៕
ប្រភព៖ Express
ផ្តល់សិទ្ធដោយ៖ kqube.net
