Washington Post ៖ រដ្ឋអាជ្ញាអាមេរិក លោក Robert Mueller ពេលនេះបានឯកភាពឲ្យបើកការស៊ើបអង្កេតទៅលោកប្រធានាធិបតី អាមេរិក ដូណាល់ ត្រាំហើយ ពាក់ព័ន្ធនឹងការជ្រៀតជ្រែករបស់រុស្ស៊ី នៅក្នុងអំឡុងពេលបោះឆ្នោតជ្រើសរើសប្រធានាធិបតី អាមេរិក ក្នុងឆ្នាំ២០១៦។ ដោយបញ្ហានេះប្រធានាធិបតីខាងលើ អាចនឹងប៉ះពាល់ដល់តំណែងរបស់ខ្លួន ប្រសិនបើរកឃើញថា កំហុសដូចដែលបានចោទប្រកាន់មែន។ នេះបើយោងតាមការចុះផ្សាយដោយទីភ្នាក់ងារសារព័ត៌មាន Reuters នៅព្រឹកថ្ងៃព្រហស្បតិ៍ ទី១៥ ខែមិថុនា ឆ្នាំ២០១៧។
កាសែត Washington Post បានសង្ខេបឲ្យដឹង ដោយផ្អែកលើប្រភពដែលខ្លួនទទួលបានពីក្រុមមន្ត្រីអាមេរិក ក្នុងលក្ខខណ្ឌមិនបញ្ចេញឈ្មោះថា កាលពីដើមសប្ដាហ៍នេះ នាយកទីភ្នាក់ងារជាតិស៊ើបអង្កេតអាមេរិក លោក Dan Coats, លោក Mike Rogers ជានាយកទីភ្នាក់ងារសន្តិសុខជាតិ (NSA) និងអតីតនាយករង NSA លោក Richard Ledgett បានយល់ព្រមផ្ដល់បទសម្ភាសន៍ជាមួយក្រុមអ្នកស៊ើបអង្កេតរបស់ លោក Mueller។
ជុំវិញបញ្ហានេះ កាលពីថ្ងៃពុធត្រូវបានក្រុមអ្នកច្បាស់របស់លោក ត្រាំ ថ្កោលទោសភ្លាមៗចំពោះសេចក្ដីរាយការណ៍នេះ និងថែមទាំងបានអះអាងថា កង្វះខាតព័ត៌មាននៃ FBI ក្នុងការចោទប្រកាន់មកលើ រូបលោក គឺជាទង្វើខុសច្បាប់ មិនអាចអត់ឱនឱ្យបាន ក្នុងនោះដែរអ្នកនាំពាក្យក្រុមអ្នកស៊ើបអង្កេត លោក Mueller បានបដិសេធមិនធ្វើអត្ថាធិប្បាយអ្វីឡើយ។
ព្រឹទ្ធសភាអាមេរិក និងអតីតនាយក FBI លោក James Comey ថ្មីៗនេះបាននិយាយថានៅក្នុងកិច្ចប្រជុំមួយថា ការសម្រេចរបស់លោក ដូណាល់ ត្រាំ ក្នុងការដកហូតតំណែងប្រធាន FBI គឺដើម្បីបញ្ចប់រឿងក្ដីចោទប្រកាន់របស់ខ្លួន ដែលស្ថិតក្រោមការស៊ើបអង្កេត។ យ៉ាងណាមិញរដ្ឋាភិបាលអាមេរិក ពុំទាន់ធ្វើការឆ្លើយតបណាមួយឡើយ៕ ផ្ដល់សិទ្ធដោយ៖ Kqube