ខេត្តកំពង់ស្ពឺ៖ មានករណីគ្រោះថ្នាក់ចរាចរណ៍រន្ធត់មួយ បានកើតឡើងនៅចំណុនច ហេតុការណ៍គ្រោះថ្នាក់ចរាចរណ៍កើតឡើង ផ្លូវជាតិចន្លោះគីឡូម៉ែត្រលេខ៩០.៩១ ស្ថិតក្នុងភូមិទី៣ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ កាលពីវេលាម៉ោង៣រសៀល ថ្ងៃទី៣ ខែមិថុនា ឆ្នាំ២០១៧ ដោយគ្រោះថ្នាក់ចរាចរនេះ បណ្ដាលមកពីរថយន្តឡិចស៊ិសមួយគ្រឿងផ្ទុះបែកកង់ ធ្វើឱ្យមនុស្ស ៥នាក់ រងរបួសធ្ងន់ធ្ងរ ។
មុនពេលកើតហេតុគេឃើញមាន រថយន្តមួយគ្រឿងម៉ាកឡិចស៊ីស ពណ៌ស្ករ RX300 មួយគ្រឿងពាក់ស្លាកលេខ ភ្នំពេញ 2W-1399 មានមនុស្សជិះ ៥នាក់ បើកបរពីលិចទៅកើត លុះមកដល់ចំណុចកើតហេតុខាងលើ ក៏បានផ្ទុះកង់ក្រោយខាងស្តាំ បណ្ដាលឲ្យរេចង្កូតទៅបុកដើមឈើខាងជើងផ្លូវជាតិ ធ្វើឲ្យអ្នកបើកបរ និងអ្នករួមដំណើរ ៤នាក់ទៀត រងរបួសធ្ងន់ធ្ងរ ។
ជនរងគ្រោះនៅក្នុងករណីខាងលើនេះ មានឈ្មោះទី១ ដេត សៅវិញ ភេទប្រុស អាយុ ២២ឆ្នាំ រស់នៅភូមិឃ្លាំងឃុំរីករាយ ស្រុករវៀង ខេត្តព្រះវិហា ។ ទី២ ឈ្មោះ ជា ណារិទ្ធ ភេទប្រុស ស្នាក់នៅ ផ្ទះជួល ម្ដុំចោមចៅ ។ ទី៣.ឈ្មោះ ដាំ ស៊ាវឡេង ភេទស្រី អាយុ ៣០ឆ្នាំ ផ្ទះលេខ ១២AEZ២ ផ្លូវ១៦៦ ភូមិ១សង្កាត់អូរឫស្សី៣ ។ ទី៤.អ្នកបើកបរមិនស្គាល់ឈ្មោះ (សន្លប់) និងទី២ ឈ្មោះ ជីវ គើ ភេទប្រុស ធ្វើការ នៅជិនថាវើលគ្រុប ។
ជនរងគ្រោះទាំង ៥នាក់ ត្រូវបានរថយន្តសង្គ្រោះកងពលលេខ៣១ ចំនួន២ គ្រឿង ដឹកបញ្ចូនមកកាន់មន្ទីរពេទ្យបង្អែកខេត្តកំពង់ស្ពឺ ចំណែកឯរថយន្ត ត្រូវនគរបាលដឹកយកមករក្សាទុក នៅអធិការដ្ឋាននគរបាលស្រុកភ្នំស្រួច ដើម្បីរង់ចាំម្ចាស់មកដោះស្រាយជាក្រោយ ៕ សហការី KBN-LIVE.com
