មន្ត្រីប៉ូលិសប៉ាគីស្ថាននិយាយថា ក្នុងរយៈពេលពីរថ្ងៃ នៃប្រតិបត្តិការយោធារបស់ខ្លួន នៅភាគនិរតី ខេត្ត Baluchistan ជាប់ព្រំដែនប្រទេសអាហ្វហ្គានីស្ថាន និងអ៊ីរ៉ាក់ បានសម្លាប់ក្រុមសកម្មប្រយុទ្ធ ISIS ចំនួន ១២នាក់ និងជាច្រើននាក់ផ្សេងទៀតរត់ប្រាសយកតែអាយុ។ នេះបើយោងតាមការចុះផ្សាយរបស់សារព័ត៌មាន ABC។
យោងតាមសេចក្ដីរាយការណ៍ពីកងទ័ព កាលពីថ្ងៃអាទិត្យ ម្សិលមិញនេះ បានឲ្យដឹងថា កងកម្លាំង ប៉ាគីស្ថានបានចុះធ្វើប្រតិបត្តិការប្រមាញ់ក្រុមជ្រុលនិយម ដែលកំពុងមានតាំងមូលដ្ឋាន នៅក្នុងស្រុក Mastung បន្ទាប់ពីពួកគេបានវាយប្រហារបំផ្ទុះគ្រាប់បែកអត្តឃាតសម្លាប់មនុស្សអស់ ២៥នាក់កាលពីខែមុន។
គួរបញ្ជាក់ផងដែរថា រដ្ឋាភិបាលប៉ាគីស្ថានបានប្ដេជ្ញាកម្ចាត់ក្រុមជ្រុលនិយមរដ្ឋឥស្លាម នៅតាមគ្រប់ខេត្ត និងស្រុក នៅក្នុងប្រទេស ខណៈដែលពួកគេគំរាមតបវិញថា អ្នកបង្កើតច្បាប់ប៉ាគីស្ថាន គឺជាគោលដៅសំខាន់ ក្នុងការវាយប្រហារ៕
ផ្តល់សិទ្ធដោយ៖ kqube.net