សង្គ្រា.មកាបូប? ថៅកែពេជ្រ ទ្រី ដាណា ចេញវីដេអូមួយក្រោយមានមតិវែកញែករឿងកាបូប

ថ្មីៗនេះនៅលើបណ្តាញសង្គមមានការជជែកវែកញែកយ៉ាងច្រើនទាក់ទងនឹងកាបូបប្រណីតដែលមានតម្លៃរាប់ម៉ឺនដុល្លារថាជារបស់ពិតឬក្លែងក្លាយ។ នៅពេលមានការវែកញែកនិងមានការគាំទ្រទៅលើភាគីម្ខាងៗស្រាប់តែថៅកែពេជ្រ ទ្រី ដាណា បានចេញវីដេអូមួយបន្ទាប់ពីប្រធានបទពីកាបូបប្រណីត Hermès Birkin Himalaya មានការវែកញែកលើបណ្តាញសង្គម។

លោកស្រី ទ្រី ដាណា ថាបន្ទាប់ពីខ្លួនបានបង្ហោះមកមានការកើតទុក្ខមិនសុខចិត្តជាច្រើនប៉ុន្តែដោយសារតែជាប់រវល់ទើបមិនបានចេញវីដេអូភ្លាមៗ។ ថៅកែពេជ្ររូបនេះបាននិយាយថា ប្រវត្តិរបស់ខ្លួនគឺមានមនុស្សជាច្រើនបានដឹង ហើយខ្លួនក៏មិនមែនជាមនុស្សដែល Show off ទាក់ទងនឹងកាបូបប្រ៊េនៗពីមុនដែរ និងមិនដែលជាន់អ្នកណាប្រើរបស់មិនល្អ ឬនិយាយអ្នកណាមានជាងអ្នកណា និងការធ្វើទីផ្សារបែបបង្ហោះសម្ភារៈនិយមឬអត់?។

លោកស្រី ទ្រី ដាណា អះអាងថាខ្លួនចេញមកនេះគឺម្នាក់ឯង គ្មានបក្ខពួក គ្មានខ្នងគ្មានខ្សែ ខណៈដែលអ្នកផ្សេងមានបក្ខ មានពួក និងឆ្ងល់ពីមនុស្សមួយចំនួនវែកញែករបស់គេសុទ្ធឬមិនសុទ្ធ។ ជុំវិញការបង្ហោះកាបូបនៅលើគណនីផ្ទាល់ខ្លួនអ្នកជំនួញរូបនេះថាតាំងពីលេងបណ្តាញសង្គមហ្វេកប៊ុកមកខ្លួនមិនមែនមានវីដេអូ Unboxing ទាក់ទងនឹងកាបូបថ្លៃៗនោះទេ។ លោកស្រី ទ្រី ដាណា ថាម៉ាកដែលខ្លួនបង្ហោះកាលពីពេលថ្មីៗនេះគឺមិនដែលកាន់ដោយការស្រលាញ់គឺទិញយកមកទុក ហើយរបស់ពិតឬមិនពិតគឺឱ្យអ្នកដឹងដាក់ទៅដោយខ្លួនមិនទាន់បាននិយាយថារបស់នោះជាពិតឬក្លែងក្លាយឡើយ។

ថៅកែពេជ្ររូបនេះថាខ្លួនឈានមកដល់ចំណុចនេះហើយមិនមែនមិនដឹងពីការទិញទំនិញនៅហាងនោះទេហើយកុំប្រៀបធៀបជីវិតអ្នកនោះកាន់របស់ពិតឬរបស់ក្លែងក្លាយពីព្រោះគ្មានបានអ្វីមកវិញនោះទេ។

លោកស្រី ថាអ្នកដែលខ្លាំងពិតប្រាកដគឺមិនបង្ហាញឱ្យសត្រូវឃើញនោះទេ ដោយចាំមើលដោយស្ងប់ស្ងាត់ ការបង្ហាញលុយ ការបង្ហាញផ្ទះ ឬការ Unboxing ដោយទទួលស្គាល់ថានោះគឺជាទីផ្សារ តែបើធ្វើជាន់អ្នកដទៃនោះគឺរើបម្រាស់ហើយ។ ក្នុងវីដេអូនេះលោកស្រី ទ្រី ដាណា ថាការ Show Off ទៅលើសម្ភារៈនិយមខ្លាំងពេកនៅលើបណ្តាញសង្គមអាចធ្វើឱ្យមនុស្សមួយចំនួនដើរលើផ្លូវខុស ធ្វើរឿងមិនល្អ៕